¹ Kwachi amalinshi aafwile amafuta aaakena kaweme ukununka ukubipile, efyenka ukutumpa ukunini kungalenga ukukifya mano kabili ne mukinshi. ² Umuchima wa muntu wa mano alayaku kulyo, sombi umuchima wautumpile alaya kukuso. ³ Kani kipuba kyaenda mushi munshila, imilanguluko yakyo ilifwile, ukuboneka ku bantu achi kipuba. ⁴ Kani ubukali bwatungulushi bwakwimina, wisha ikinto yobe. ukutekanya kuchi kwapwisha ubukali ubukulu. ⁵ Kuli ikyakubipa ikinamona panshi ya kasuba, umusango wakulufyanya uufuma kutungulushi: ⁶ ifipuba fyapelwa ififulo fya butangisha, sombi abantu abanonkele bapelwa ififulo ifinini. ⁷ Namona abasha bakoenda pa bakabalwe, kabili abana abalalume bamfumu balenda panshi kuchi basha. ⁸ Umo uusepa ikilingi akaponenamo, kabili onse uuchibula mu kibumba akaliwa ku nsoka. ⁹ Onse uuputaula mabwe kuchi alisomesha nao, kabili ne muntu uutema ikichi alimukayofi kulikikyo. ¹⁰ Kani ikyela kya kapotwe kyashina, kabili ne muntu takinonenepo yo - o, penka akabofya inkosa ukukilapo, sombi amano alapela nkosa iyakukita bwino. ¹¹ Kani inkosa yasumana apatainga nakishiwa ne michi, penka nishi kyalukoso kuli kanakisha. ¹² Amashiwi amukanwa kawamano fyakumbu sombi imilomo ya kipuba ilamulya. ¹³ Ili amashiwi atachika ukufuma mu kanwa ka kipuba, ubupuba ebufumamo, kabili nakupelo akanwa kakwe kalafumya ububifi bwa bushilu. ¹⁴ Kipuba kilafusha mashiwi, sombi takulipo uwaishibile ikikoisa. Nani uwishibile ikikosa panuma yakwe. ¹⁵ Ikinto ya fipuba ilabanakisha, pakuchi balabanenshila ya ku mushi. ¹⁶ Amalwa kuli webo, ikyalo, kani imfumu yobe mwana umwalalume umwanike, kabili kani itangisha yobe yatachika ukusefya kwa kulya ulukelo. ¹⁷ Lomba upaliwe niwebo, ikyalo, kani imfumu yobe mwana mwalalume wa finemanga, kabili kani itangishi yobe ulalya pampindi iyelelwe, pakuchi ne nkosa, kabili tepakushetwa yo - o! ¹⁸ Pamulandu wa bukope umutenge alakuluka, kabili pamulandu wa maboko aazenzalele iñanda ilalonka. ¹⁹ Abantu balapekanya kalyo pamuladu wa kuseka, ifaina ilaleta ukusekela ku bwikashi, kabili ne ndalama bwasuko kuli fyonse. ²⁰ Wifinga imfumu yo - o, nangu lukoso mumuchima obe yo - o, kabili wifinga abantu abanonkele mu muputule obe wa mupunda muñanda. Pakuchi ikyoni kye ulu kipale kuchi kyapinta mashiwi; ikili kyonse ikili ne mapipindo kuchi kyasalanganya umulandu.