¹ U - wamano umuntu ninani? U - wishibile ifikitika mubumi filalumbulula ndo? Amano mumuntu yalenga ipumi ukumoneka bwino, kabili kukosa kwapumi ukukikya. ² Nakukambisha webo ukunakila ishiwi lya mfumu pamulandu ba Lesa balimuusuminishe kilapo kayakukingililwa. ³ Wepubawisha ukufuma kumenso akine kabili weimakana ukukwasha ifitafilingile, pakuti imfumu ilakinta ifyo inga fwaya. ⁴ Amashiwi yafumu yakulana nini uwakulabila kuli ye, ''ukokitendo?'' ⁵ Onseulama ukukambisha kwafumu alalipokolola. U - wamano muntu alalanguluka apakutatikila bwino kabili nimpindi yakutatika. ⁶ Umulandu onse ali nengasukilo ishiweme kabili nimpindi yakwasuka, pamulandu amakatasho yamuntu akulu. ⁷ Tapalipo u - wishiba ifisakutangile, nani u - winga mweba ifisa kutangile? ⁸ Takulipo nang umo ukanya kambesha, kabili takulipo ulinamakosa pabuushiku bwa kufwa. Takulipo ukanya inkondo kukito impindi yankondo, kabili abakubifya tekuti bapokololeabali mubusha. ⁹ Nalanguluka fyonse ifi, napima umweo wangi kumilimo yanse iyikitika panshi yakaasuba. Kuli mpindi umuntu afwaya ukwikala namakosa pamunakwe kukupatwa. ¹⁰ Ali namwene imbifi ukushikwa ponsonde, balifumishiwe umwamushilo mupusha kabili nokushikwa kabili balitontelwe kubantu bamushi umo bakitile ifibipile. Ifi tafilumbulukile. ¹¹ Ili ubupingushi bwakubifya tabapingwile bwino bwangi kilalenge umuchima ya bantu ukukita ububi. ¹² Nangu imbifi kaikita ububi umwanda umo nokwikala ishiku ishingi pakyalo, kili wamine kuli babo abatina ba Lesa, kuli babo abemakana kabili nokumwenesha umukishi. ¹³ Lomba takiwemepo umuntu imbifi; ishiku shakwe ukufula. Inshiku shakwa shili koti kishingwa kilukupita pamulandu takitina Lesa. ¹⁴ Kuli ifyalukoso ifikitwa pakylo: kuli abantu abololokele abapoka kumbifi ifibalamine, kabili nembifi kashipoka ifilamine abololokele ifi fyalukoso. ¹⁵ Pano nakambisha ukusangalala, pamulandu umuntu takwete ifintu ifiweme panshi yakasuba ukukila pakulya nokunwa kabili nokupwa. Ukusangalala kukamukumanya mukupyunga kwakwe mushiku ba Lesa bamupela panshi ya kasuba. ¹⁶ Ili nafwaile mumuchima wangi ukwishiba amano kabili nokwishiba ukubomba panshi yakasuba, ukupyunga kulakitika kumenso akasuba nangu ubushiku, ¹⁷ penka nalyasakenya fyonse ku mikinto ya ba Lesa, kabili umuuntu tekuti eshibe imilimo yakukita panshi yakasuba. nangu umuntu akapyunge shani ukusanga ifishika, takasange nangu umuntu wamano asumine ukwishiba teshibilepo.