¹ Kabili kamona libili nekubona abantu balukupeshiwa monse mukyalo kya panshi. Balukulila, lomba takwalipo nangu umo u-wakuba kubapela ubukwasho, kabili nababo abakubapela bali namakosa. ² Kandipusha nemwine, ''Abafwile bali bwino ukukila abomi. ³ Lomba abatabunga fyalwa bali bwino ukukila uli onse, pantu tababangamonapo ifyakukumya ifintu ifyakitwa pakyalo.'' ⁴ Penka kañamuka ukwebati tulakinta imilimo kabili nokukita ifiweme ifintu pakuti pamulandu wakukubwa abanesu. Ifi tafilipo nakalonga ukukila ukubantusha kabesha! ⁵ Abatupile bakafunga amaboko abo nokukyula ukufika kulufu. ⁶ Pano ukulya tumini tufyakulya umutende ku-weme ukukila ifingi libili ukupoka ukukila pakubomba nokubutusha kabesha. ⁷ Kabili kamona pakyalo libili takulipo ifya mano. ⁸ Kyakumweko, abatntu bamo yabalipo nabanabo nangu abalongo. Lomba tabanto ndwa nefibalinafyo, kabili tabaleka ukubo mba ukusanga fimbi. Balingile ukulipusha mbanindo twalilila ukubomba kyonse ukusanga ifingi? Nani u-ukantola ifina sha kunuma?'' Bumbula mana nefya kukamusha kwabwikashi. ⁹ Kiweme ukwikala naba nobe ukukila wenka, pamulandu penka ukasekela ukukilapo pafyo wasanga. ¹⁰ Anga wapona umunobe akakwimyapo. Lomba kani wapona wenka ukaba mumakatasho. ¹¹ Kani walala wenka, tekuchi ubepo ne kibe ubushiku bwapepo. ¹² Limbi umo koti akupama webo. Lomba tali nibonse. Fyenka ukulabila kuli ulutambo ukufuma ku mashiki abili lukateshe ukuputula. ¹³ koti waba umupengele ne bwanike lomba kani uli namano, uli bwino ukukila mbulamano ifumu ikonte uyu ntofwa kubamukwasha. ¹⁴ Nangu taufyelwe mukifyashi kya bufumu kabili wali kaili nobu penge, koti waba uli fumu. ¹⁵ Kabili nali mwene onse mukyalo kya panshi balakokela ifumu iyanike iyaswana namakosa pakwikala pa bufymu. ¹⁶ Aba nabo tabafwa ya ukupalama pabwipi. Lomba imyaka ilakokela, takulipo u-ukamutota, ubu nibubulamano ukukila ukubutusha kabesha.