¹ Lameni ukwenda kwenu ili muya muñanda yaba Lesa. Kamuya mukukutika ukukila ukupana ifilapisho fyaba mbala mano, abo tabofwa ukwebati balukukita ifibipile. ² Wepubawisha ukulabila nokanwa kobe, kabili mweleka umuchima apubawishe ukuleta imilandu kumenso abaShikulu. Ba Lesa bali mwiulu, lomba muli panshi, lekeni amashi yenu yaba ntunini. ³ Anga muli nefintu ifingi pamilanguloko, ulinokwikala nefilonto ifibipile. Mumashiwi ayengi mulabila, emubwingi bwa kulabila ifya kupunama. ⁴ Ili mwalaya kuli ba Lesa, mwekokola ukukita, pakuti ba Lesa tabasekelamo mu ba kupunama. Kiteni ifi mwalaya. ⁵ Takiweme ukulaya ikitu mukafikilisha. ⁶ Mwelenga akanwa kenu ukulenga umubili wenu ukubifya. Mwelabila kubapapatilishi bakapaso, ''ukulaya kwenu kilumbo''. Mba nindo mwalengela ba Lesa ubukali pa mulandu ukulaya ubufi, ukutendeka ba Lesa ukonaula ukupyunga kwa maboko? ⁷ Ili kuli ifilonto ifingi namashiwi ayengi tafulineli kintu, ikilulu kutina ba Lesa! ⁸ Ili mwamona abapengele ukulengululwa kabili nokwibwa abololokele kabili nakulamwa mupusha yenu. Mwekakumya ukwebati umo teshibile, pamulandu takulipo abantu namakosa abala kubabona mushi yabo, kabili kuli naba kililepo pali bo. ⁹ Ukulundapo, ififuma mupanga fyaonse, kabili imfumu ilafumya ukufuma mwibala. ¹⁰ Uyo onse u - utemenwe takatondwe na Silifwa, uyo onse u - utemenwe imfumu alukufwaya ukukilapo efya lukoso. ¹¹ Fyenka ukwishibani kwa kulundapo, efyo abantu balya. Alasekelamo shani mubunoshi kumwine kani ukukeba nelinso? ¹² Ukulala kwa kupyunga kutombele, kani ukulya ifingi nangu ntunini, lomba ifyuma fya munoshi tafimusuminisha ukulala bwino. ¹³ Kuli ububi ubunamona panshi yakasuba: Ifuma fikatwa nomwine, ikifumamo kulyonawila umwine. ¹⁴ Anga umunoshi kaonaula ifyuma ukulingana nokubifya kwafyuma, umwana wakwe, uyu afyala tashelepo nangu kamo mumaboko. ¹⁵ Fyenka umuntu afuma mumala mulingina, efyo asha ubwa londwa. Tapitapo nangu kimo ikisepo mukupyunga kwa maboko akwe. ¹⁶ Ububi bumbi nibubuno fyenka umuntu isa, afyo aya. Isa fintu anoka umboma muli kambesha? ¹⁷ Mushiku shakwe alalya mufishi kabili alalya nokulwalilila apakulu kabili nobukali. ¹⁸ Moneni, ifinamona ifiweme kabili ikiweme muntu ukulya nokunwa nokusangalala mu kupyunga kwakwe panshi yakasuba mushiku shabumi bwakwe ba Lesa bamupela ifi efilingile umuntu. ¹⁹ Umuntu onse uyo ba Lesa bapana ifyuma nobunoshi kabili namakosa ukupoka akabeya kabili nekusangalala ikikya bupe ukufuma kuli ba Lesa. ²⁰ Pakuti tamukapo ishiku shabumi bwakwe, pamulandu ba Lesa balamulenga ukubulu kwikala mufintu fya kusangalala.