¹ Ufweni shiwiyi iibaYawe balabila iyakumwalukileni mwebo, abantu ba Ishileli, ukwalukila ififyashi kyonse ikyo nafumishe mu kyalo kya Ijipiti. ² ''Namisala enka mwebo ukufuma mu fifyashi fyonse ifya kyalo kyaposonde. Fyopefyo kamipanika mwebo pa kubifya kwenu. ³ Balili tekuchi bende pamo kana kabapanga ulumfwano. ⁴ Inkalamu kuchi yabuluma mupanga ili taikachile nama? Umwana wakwa nkalamo kuchi alilishanya mukipaka kyakwe ili teketepo nangu kamo? ⁵ Akoni kuchi kapona mukakose panshi kani takabikilwemo akalyo? Akakose kuchi kafyampuka peulu kufuma mu mushili kani takakwetepo ikilikyonse? ⁶ Ili ntolompita yalila mu mushi, abantu tekuchi batutume? Kani ifyamalwa fyafikila pa mushi, tali ba Yawe bafituma? ⁷ Kyakine Bashikulu ba Yawe tabakakite ikili kyonse kana basolola ukulanguluka kwabo ku bakalume babo bakasesema. ⁸ Inkalamu yabuluma; nani uutachine? Bashikulu ba Yawe balabila nani uutaseseme? ⁹ Kabilisheni mbila iki mu makambi aku Ashidodi, kabili na mu makabi a mu kyalo kya Ijipiti; labileni, ''Bunganeni mwebene pa mpili ya Samaliya kabili ne kumona ubukulu bwafikukuma muliye, kabili nesa ku kyula ukuli muliye. ¹⁰ Pakuchi tabeshibile ifyakukita pakuwamya - uku ekulabila kwa ba Yawe - Balasunga ifyabupondoshi kabili ne fyabongushi mu makambi abo.'' ¹¹ Fyopelefyo, ifi efyalabila Bashikulu ba Yawe: ''Umulwani akashinguluka ikyalo, kabili ne kubwesha panshi umwenu umukosele makosa kabili ne kupukula amakambi enu.'' ¹² Ifi efyalabila ba Yawe:'' Kuchi pamo lukoso umwembeshi apususha ukufuma mu kanwa ka nkalamu amolu abili lukoso, nangu kapiimfwa ka kutwi; efyenka ne bantu bangi aba Ishileli abekalamu Samaliya bakapusushiwa; bakashala nangu na nutamba umo wa mupando nangu kipimfwa kya mupunda.'' ¹³ Ufweni kabili ne kilabila ukwalukila iñanda yakwa Yakobi - uku ekulabil kwa Bashikulu ba Yawe, Ba Lesa bamabumba: ¹⁴ ''Pakuchi mu bushiku ubonapanike ububifi bwa Ishileli, kabili efyenka kapanika ikyokelo kyakwa Beteli. Isengo ya kyokelo ikamokaulwako kabili nekupona panshi. ¹⁵ Konaula iñanda ya mwela ne ñanda ya pindi ya lusuba. Ama ñanda ameno ansofu akonaika, kabili ne ma ñanda aakulu akashimañana - uku ekulabila kwa Ba Yawe''