¹ Ifi efyo ba Yawe balabile; ''pakubifya kwakwe Moabi kutatu, nangu kune ne techi nkafumyepo ukumulapisha, pakuchi aliokyele amafupa amfumu yaku Edomi ukufika kwitoyi. ² Ne nkatuma umulilo pali Moabi, kabili ukalya nafifyo ifimukingilila ifya kuchilyoti. Moabi akafwa kukipupa, nekubilika kabili nekyongo kyalupenga. ³ Ne konaula ifyakuputula umulandu ifili muliye, kabili ne nkepaya bonse bamowe abakubufumu abo alinabo ye,'' efyo balabila ba Yawe. ⁴ Ifi efyo ba Yawe balabila; ''pakubifya kwakwe Juda kutatu neli kune, netechi nkafymyepo ukumulapisha, pakuchi bo balikene ifunde lyaba Yawe kabili tabalaminepo ifyefunde fyabo. Ubufi bwabo bwali bafumishe byali batwele mumbi, ukukonka mulya bawishibo umo balukwenda. ⁵ Katuma umulilo pali Juda, kabili ukalya nafifyo ifimukingilila ifya ku Yelusalemi.'' ⁶ Ifi efyo ba Yawe balabila; pakubifya kwakwe Ishileli kutatu neli kune techi nkafumyepo ukumulapisha, pakuchi kabashitisha abakubula umulandu mukufwaya ishilife kabili nebakubalisha abapengele pakufwaya inkwabilo. ⁷ Balanyanto amakasa abo pabapengele abantu kochi filya banyanta abantu amakasa abo palukungu; Wishi kabili nemwana wakwemumwalalume bal kumanina kuli moye kabili sombi nekulisula ishima lyangi iliswetelele. ⁸ Balala mpanshi mumbali yamate bute onse eli batwele ifyakufwala ifyo bapokele mufyakulaya, kabili muñanda ya ba Lesa wabo balanwa imfaina yabalya abamilandu abalipila. ⁹ Nangabefyo ne nalimonawile pamenso abo umu Amoli, uyo ubutali bwakwe bwali kochi butali bwakichi ikya Seda; alimukosole ye kochi fichi fya Oki. Nangabefya ne kangonaula ifisepo fyakwe peulu kabili nemishila panshi yakwe. ¹⁰ Kabili, ne nelikufumishe mukyalo kya Ijipiti kabili nekukutangilila imyaka amakumi ane mumpanta ukupoka ikyalo kyaba Amoli. ¹¹ Kambusha abakushimika pabana benu abalalume kabili neba Nasaleti ukufuma pabasankwabenu. Kanshi ifyo tefyo, mwabantu baku Ishileli? - Uku ekubulilisha kwaba Yawe. ¹² Sombi mwebo mwalibapele imfaina aba Nasaleti achi banwe kabili nekubafunda abakushika achi tekwesha ukushimika. ¹³ Bona, ne nkamishindaile mwebo kochi nifilya ifyo ikikochikala kisula pakuchi nembuto shakutotola kinga shindaila umuntu. ¹⁴ Abo abakufyuka bakafwa kulibabo abali nelubilo makosa; uyo ukosele techi akalundepo pamakosa akwe; kabili nakaimbi techi akalipulushe umwine. ¹⁵ Abo abakulosa aamata techi bakemakane nababo abali nelubilo ulwakukinfya techi bakafyuke; nauuyo uyo bapapa kuli kafwalo techi akalipulushe umwine. ¹⁶ Nababo abeshibeshe ukutula ubulemo bo bakabundumaka kwakubula fyakufwala lukoso mulikako kasuba - ifi efile balilisha ba Yawe.''