Kyapita 4
1
Kuchikeni kuli aya amashiwi, mwe n`oombe sha Bashana, mwebo mwe bali mu lupili lwa Samaliya, mwe bakyusha abapengele, mwe bonaula abakalilwa, mwe bekala ku balume benu, "Tuleteleniko ifya kunwa fwebo."
2
Ba Kapa ba Yawe balapa mu kushila kwabo achi, "Moneni, inshiku shikesa pali mwebo ili bakamifumyenipo ne ndobani, ne bakupelako pali mwebo ne ndobani ya masabi.
3
Mukafumina pa matafwali mu fibumba ifya mushi, mwebo mwense ukuya ka mololokele penka, kabili bakamitamfishila ku Amoni- uku ekulabila kwa ba Yawe.
4
Kabiyeni ku Betela mukakite ubuchenchemeshi, ku Gigala mukafushe ifya kubifya, mukalete imilambu yenu lyonse kumakya, ifyekumi fyenu pakupitapo ishiku shitatu lyonse.
5
Mukapele imilambu isha kutota ne mukate; mukalabile pa fyabupe ifya kupela mukutemwa kobe wemwine; mukafibilike, pantu ifi efyo mutemenwe ukukita, mwe bantu ba Isalela- uku ekulabila kwa ba Kapa ba Yawe.
6
Nkamipela ubusaka bwa meno mu mishi shenu shonse ne kukalilwa kwa mukate mu mpunsha shenu shonse. Lomba tamubwelele kuli nemo- uku ekulabila kwa ba Yawe.
7
Na nemo ka nkanya imfula ukuloka kuli mwebo ili kwashalile imyenshi shitatu isha kusombola. Nali ilengeshe ukulokela pa mushi umofye, ne kulenga achi iloka pa mushi umbi. Ulubali lwa mpunsha imo kailokelapo, lomba ulubali lwa mushili ukutayalokele walyumine.
8
Imishi shibili nangu shitatu ka shitelengela ku mushi umbi mukunwa amenshi, lomba taba tondelwe. Lomba tamubwelele kuli nemo- uku ekulabila kwa ba Yawe.
9
Nkamikyusha ne malwele a filimwa ne kabuwa. Ubwingi bwa amapoka enu, amalimi a min`anza n`anza enu, imikuyu yenu, ne fichi fyenu ifya olivi- ba makanta kabafilya fyonse. Lomba tamubwelele kulinemo- uku ekulabila kwa ba Yawe.
10
Kantuma umwalo pali mwebo kwachi ni pali Ijipiti. Nalipeye abana abanini abalalume ne lupanga, pamo ne basha ba bakafwalo, kabili ne kulengesha ukununka kwa nkambi yenu ukufika ku myona shenu. Lomba tamubwelele kuli nemo- uku ekulabila kwa ba Yawe.
11
Kamposa imishi mukachi kenu, kwachi ba Lesa ifi baposele Sodoma na Gomola. Mwali kwachi kichi ikikoambuka iki basompola pa mulilo. Lomba tamubwelele kuli nemo- uku ekulabila kwa ba Yawe.
12
Fyenkefyo nkakita ikintu ikibipile kuli mwebo, abena Isalela; kabili pantu nkakita ikintu ikibipile kuli mwebo, lipekanyeni ukukumanya Lesa wenu, mwebena Isalela!
13
Fyenkefyo, moneni, ye upanga impili kabili alapanga na kabesha, alasolola imilanguluko shakwe ku bantu, alalenga kumakya kwaba ni mfinshi, kabili alenda pa mapunsha a peulu ya kyalo. Ba Yawe, ba Lesa bamabumba, e shina lyabo."