¹ Elisha uwakubulishisha kaetapo umo mubana babakubulishisha nekulabila kuli ye achi, ''Fwale fya pa lwendo, kabili pinta uyu mutumwa unini uwa mafuta mukuboko kobe nekuya ku Lamota Eileada. ² Ili ukufika, ukamufwaye Jeu umwana wakwa Jehoshafati umwana wakwa Nimishi, ukaye mukachi nekumwinya ukufuma mukachi ka babo alinabo, ukamutwale muka ñanda ka mukachi. ³ Tola umutumwa wamafuta nekumwichila pa mutwi wakwe nekulabila achi, ba Yawe balabile fi; penka ushinkule kibi, nebutuko kuya, ukupose mpinji yowo.'' ⁴ Penka musankwa uwakubulishisho mwanike, kaaya ku Lamota - Eileadi. ⁵ Ili afikile, boneni, abakulu bapaba nkondo balikele. kabili ne mwanike uwakubulilisha kaalabila achi, ''Nemo naisa kochi nintumi kuli mwebo, mwebakulu, 'Yeu kaamwasuka achi, ''kuli wepi pali fweb?'' Uwakubulishisho mwanike kaasuka achi, ''kuli mwebo, mwe mukulu.'' ⁶ Penka Yeu alimine ne kuya muñanda, kabili ne wakubulishisha katulua mafuta pamutwi wakwenekulabila kuli Yehu achi, ''ba Yawe, ba Lesa ba Ishileli, balabile fi: 'Nemo nakusubo kube mfumu pa bantu baba Yawe, pali Ishileli. ⁷ Webo ulilingie ukwipaya ikifyashi kyawa Aaba kapa yobe ukwebachi nemo nega shinkanya ne milopa sha babomfi bongi aba kubulishisha ne miopa sha bonse ababamfi baba Yawe abo abaipailwe kukuboko kwakwa Jesabelo. ⁸ Pakuchi ikifyashi kyonse ikyakwa Aaba kiko naika, kabili nemo nkakesako ukufuma kuli Ahabu umwana onse umwalalume, kani ali musha nagu muntu uukakulukile. ⁹ Nemo nkalenga iñanda yakwa Ahabu ukuba kochi niñanda yakwa Yelobama umwana wakwa Nebati kabili kochi niñanda yakwa Baasha umwana waka Aija. ¹⁰ Imbwa shikamulya Jezebeli mu Jezileli, kabili tapakaba newa kumushika ye.''' penka uwakubo lilisha kaashinkule ne kubutuko kuya. ¹¹ Kabili Yeu kaafuma nekwisa ku mubomfi wakwa kapa yakwe, kabili umo kaalabila kuliye achi, ''fyonse fili bwino? Ninsa kintu ilishila lya kishika kuli webo?'' Yeu kaabasuka achi, mulimwishibile mwebo yu muntu ne misango ya fintu alabila. ¹² ''Kalabila achi, ''Ubo bufi. Tubule fwebo.'' Yeu kaabasuka, ''Ye kaalabile fi achi kabili kuli nemo, kabili kaalabila achi, Ifi efi balabil ba Yawe achi; Nemo nakusaba webo kochi ni mfumu pali Ishileli.''' ¹³ Kabili onse mulibo kabangufyanya ukufumye fyakufwala kyakwe ifya peulu nekukitula munshi yakwa Yeu peulu ya ntanto. kabalishe ntolompita nekulabila achi, ''Yeu ni mfumu.'' ¹⁴ Muli iyi nshila Yehu umwana wakwa Yehosafata umwana wakwa Nemishi kaamumfwañanina uku mwimina Yolama. Pakuchi Yolama ali kumukingilila Lamota kilyachi, ye na bonse abena Ishileli, umulandu wakwa Azaela imfumu yaku Alama. ¹⁵ Lomba Yolamu alile kubwela Yezaleli ukuya mu kumuke filonda ifi ba musomeshe abena Alamaya, Ili ali kulwa na Hazalela imfumu ya ku Alamu. Yeu kaalabia kubabomfi bakwa Yolamu achi, ''Uyu kani emulanguluko obe, kanshi we lekapo nangu umo aposomoke nekuya ukufuma mumushi yowo, ukukilo kuya kubulana ili lyashi mu jezelela.'' ¹⁶ Penka Yeu kaaninsa muli kalaka ukuya ku Jazalela; pakuchi Yolamu alikutusha kulya. Popele Ahazila imfumu ya ba Yuda kunkulukile munshiukwisa kumona Yolamu. ¹⁷ Uwakusopa alikaimakane pa kyakusopelapo mu Jezelela, kabili ye kaamone kipani kyakwa Ili alikwisa apatali; ye kaalabila achi, ''Nemo namone bumba lya bantu likoisa. '' Yolamu kaalabila achi, ''Pinto wakwenda pali kabalwe, kabili umutume aye muku kumana nabo; umwebe ukulabila achi, 'mwe mukoise mubune?''' ¹⁸ Kabili kabamutumo muntu banuma yakwa kabalwe ukuya kumukumanya ye; naye kalabila chi, ''Imfumu yalabile fi: Mwe mukoisa mubune?'' eli Yeu alabile achi, mba nifindo webo wakukita ne bune? Aluluka ne kwendela kunuma yangi nemo. '''Kabili uwakusopa kabule mfumu achi, ''Umuluwe abakumanya bo, lomba taakobwela yowo.'' ¹⁹ Kaatumako umuntu ukuya uwabubili panuma ya kwa kabalwe, uwaishile kulibo nekulabila achi, Imfumu yalabile fi: 'mwebo mulukwisa mubune?'' Yeu kamwasuka achi, ''Mba nifindo wakukita nebune? Aluka ne kwendela kunuma kwangi.'' ²⁰ Nalibili uwakusopa kabulañana, ''Ye abatuma, lomba takoisa kubwela. Pakuchi munshila umu ama kalaki akoendela emunshila umo Jey umwana wakwa Nemishi endela; ye ako endesha fimbi.'' ²¹ Penka Yolamu kaalabila achi, ''Piteni ama kalaki muate yanye.'' Kabateyanya amakalaki akwe, na Yolamu imfumu ya Ishileli na Ahaza imfumu ya bena Yuda balyenseshe nekufuma, uyu mwikalakilyakwe, mukumukumanya yehu. kabamusanga pa mushili wakwa Nebati uwaku Yezelelita. ²² Ili Yolamu amwene Yeu, ye kalabila achi, ''Ulukwisa mubune, Yeu?'' kamwasuka achi, ''Ninsa bune bulimo mulya?'' ²³ Penka Yolamu kaafutulule kalaki lyakwe ne kubutuka nekulabila kuli Ahazya, ''Pali ukutaluka apa, Ahaza.'' ²⁴ Kabili Yeu katolo buta bwakwe ubwa miketo nemakosakwe onse nekumulosa Yolamu pakuchi kafpeya; umuketo kaaya kupula nakumuchima wakwe, kabili naye kaebila mwikalaki lyakwe. ²⁵ Penka Yeu kalabila kuli Bidika kapiteni wakwe, ''Mwimye peulu ne kumuposa mwibala lya kwa Neboti umwina Jeliyalita. Langulukeni ifi kana webo ba Ahaba, ba Yawe batulapo uku ukubulilisha paliy: ²⁶ 'Mailo ilyapita kamone milopa yakwa Nebotine milopa sha bana bakwe - efyalabile ba Yawe - kabili kyakine nkakulengela webo ukubulipilila Bulyo bulimi - efyalabila ba Yawe. Bukumo kabili , mwimyeni peulu nekumuposa ye pali lili ibala, mwenka mwaila mashiwi aba Yawe.'' ²⁷ Ili Ahazi imfumu ya Yuda yamwenefi, kaibutukamo munshila ukuya ku Beta Haga. Lomba Yeu alimukonkele ye, nekulabila achi, '' mwipaye ni naye mwikalaki, ''kabili naye kaba mulosa pa katuntatunta ka Gula, ako akali kumpelo ya ibelama. Ahaza kaabutukila ku Megido nekwila kwenkako. ²⁸ Ababomfi bakwe bali pinchile umubili wakwe mwikalaki ukuya ku Yelusalema nekumushika mukilende kyakwe naba wishi mumushi wakwa Dafiti . ²⁹ Lomba kyali mumwaka we kumi limo ne mwenshipo umo uwakwa Yolamu mwana Ahabi achi Ahazilya atutula ukwikala pa bufumu bwa bena Yuda. ³⁰ Ili Yeu aishile Jesalela, Jezabela kaomfwe fya fifyo. Kabili alipentele amenso akwe, nekuwamye mishishi shakwe, nekukebesha pesonde pakibela. ³¹ Ili Yehu ali kwingila pa kibi, kaalabila kuli ye achi, ''Mukoisa mu bune, webo Zimili, abaipeye kapa yobe?'' ³² Yeu kakebesha peulu pakibela nekulabila achi, ''Mba ninani uuli kulubali lwangi?'' kabili babili nangu nibatatu bantungu bakebeshe pesonde. ³³ Kabili Yeu kalabila achi, ''Muposeni panshi.'' Kabili kaba muposa Yezebeli panshi, kabili nashimo imilopa shakwe kashi sabukila ku kibumba nakuli bakafalwe, kabili Jeu kaamunyantaula munshi ya molu akwe. ³⁴ Ili Yeu aingile mu kipango, ali lile ne kunwa. kabili kaalabila achi, ''Moneni pano kuli uyu umwanakashi ufingilwe ne kumushika ye, pakuchi mwana wamfumu umwanakashi. ³⁵ Balile mukumushika ye, lomba tabasangilepo ikili kyonse ikya mubili wakwe kana akatutu, amolu ne fipambafya maboko akwe. ³⁶ Kabili balishile kubwela neku mweba Yeu. ye kalabila, ''Ili lishiwi lya ba Yawe ili balabile mumubomfi wabo Elaiya umwina Shibita, nekulabila achi, mu kyalo pa Jezelela imbwa shikalye mine fu shakwa Jesabele, ³⁷ kabili umubili wakwe Jezebeli ukaba kochi mufundo peulu pa mushili mukyalo pa Jezeleli, ukweba achi nangu umo ukesa kulabila achi, ''uyu e Jezebeli.''''