¹ Kabili ye Ahaba ali ne bana amakumi asanu ne makumi abili muSamaliya. Yeu ali nemebele amakalata nekuatuma ku Samaliya, ku fileme fya mu Jezeleli, ukubikako nebakulu neba sunga abana bakwa Ahabu, nekulabila achi, ² ''Abana bakwa kapa yobe uli nabo, kabili uli ne makalaki naba kafalwe kabili ne mishi isha malinga ne fyela fya nkondo. Penka kabili, ili lyi nkalata ikafika lukoso kuli webo, ³ Ukaselepo filye fikofwaikwa kubana bakwa kapa yobe neku mutula pa kipona kya bufumu ikya kwa wishi, nekulwila umufula wakwa kapa yenu uwa bufumu.'' ⁴ Lomba bali ne mwenso nekulilabilisha bene, ''Moneni, imfumu shibili tekuchi shimakane kuli Yeu, penka twenge makana shani?'' ⁵ Kabili umuntu uwali nemakosa pa kipango, kabili ne muntu uwali peulu ya mushi, kabili nebakulu nabo, kabili nababo aba kushishe abana, balitumine amashiwi ukubwesha kuli Yeu, nekulabila achi, ''Fwebo tuli babomfi benu. Fwebo twakukita fyonse. Ifi mwatukambisha fwebo. Fwebo tatuka bikapo umuntu umbi ukabe mfumu. Ukukite fiweme mumenso enu.'' ⁶ Kabili Yeu alinembele nkalata imbi iya bubili kuli bo, nekulabila achi, ''Kani webo uli kulubali lwangi, kabili kani wakukuchika kwishiwi lyangi, webo uli lingile ukupinte mitwi sha bantu bakwa kapa yobe, nekwisa kuli nemo ku Jezelela muli ba mailo yenka ino mpinji.'' Kabili abana bamfumu, amakumi asanu nemakumi abili mumpendwa, bali ne bantu abakindeme aba mumushi, abo abali kuba kusha. ⁷ Kabili inkalata ili yafikile kuli bo, balitolele abana bamfumu nekubepaya, abantu amakumi asanu na abili, kababike mitwi mu ma basiket, neku shituma kuli Yeu mu Jezelela. ⁸ Umuluwe kawisa kuli Yeu, nekulabila achi, ''Baleta mitwi sha bana ba mfumu.'' kabili kalabila achi, ''Shibikeni mu milumba ibili pa mulyango wakwingililapo ukufika kumakya.'' ⁹ Kumakya Yeu alile pesonde nekwimakana, nekulabia kubantu bonse achi, ''Mwebo mwabinga. Moneni, Nemo nalimwalukile kapa yangi neku mwipangy, Lomba nani uwabepeye bonse aba? ¹⁰ Pano mwebo mulilingile ukwishiba achi tapalipo lubali lwe shiwi lyaba Yawe, Ishiwi ili balabile ukukebesha pa kifyashi kyakwa Ahab, ilikapona ukupinchila mumubomfi wakwe Elaiya.'' ¹¹ Kabili Yehu alipeye bonse abashelepo muki fyashi kyakwa Ahab mu Jezeleli, na bonse abantu bakwe abakindeme, ababyakwe aba pepi, kabili neba kutulisha bakwe, ukufika nakukweba achi tabalipo ne washelepo. ¹² Penka Yeu alimine nekuya; Alile ku Samaliya. Ili ali kufika ku Beta Ekeda ku wa mwembeshi, ¹³ ali kumenye abakulu bakwa Ahaza imfumu ya ku Yuda. Yeu kalabila kuli bo achi, ''Ewe nani?'' Balyalukile achi, ''Fwebo tuli bakwabo na Ahaza, kabili tukoya mukwimusha abana ba mfumu kabili ne bana bakwa ina mfumu Jezabeli.'' ¹⁴ Yeu kalabila kubantu bakwe umwine, ''Bapinteni aba tuntulu.'' Penka kababapinta bo abatuntulu ne kubepaila pa mukalo wa Beta-Ekedi, nangu umo umutuntulu. ¹⁵ Ili afumineko Yeu kulya, kaakumanya Yehonada ba umwana wakwa Lekaba ali kwisa muku mu kumanya ye. Yeu alimwimwishe nekulabila kuliye achi, ''Umuchima obe ali na nemo, fyenka umuchima wangi uli ne wobe?'' Yeonadaba kasuka achi, ''Kili fyenkafyo.'' Yeu kaalabila achi, ''Kani kili fyo, mpele ukuboko kobe.'' Kabili ka amupele Yeu ukuboko kwakwe, kabili Yeu ali mupinchile Yonadaba ukuya nakwe mwikalaki. ¹⁶ Yeu kalabila achi, Twende na nemo kabili umone ulupata lwangi pali ba Yawe.'' Penka ye alile Yonadabi mwi kalaki lyakwe pamo. ¹⁷ Ili aishile ku Samaliya, Yeu alipeye bonse abashele ukufuma mubana bakwa Ahabi mu Samaliya, ukufika nefi abonawile bonse aba mumufula wa bufumu bwakwa Ahabi, kochi nifyenka bababulile bo kunuma kwishiwi lya ba Yawe, ili balabile kuli Elaija. ¹⁸ Kabili Yeu ali bakonkenye bonse abantu pamo nekulabila kuli bo achi, ''Ahabi ali ku bombela Baeli pa nini, Lomba Yeu akumubombela pakulu. ¹⁹ Bukumo ngichileni bonse abakubushisha bakwa Baela, bonse aba mupopwela, na bonse abapapatilishi bakwe. Ukushapo nangu umo yoo, pakuchi nemo nji ne mulambo ulemene uwa kupana kuli Baela. Uyo onse uutaise takekala ne mweo yowo. ''Lomba Yeu kaakite ki mu kuba bepaika, kaali ne mano a mwipaya abali kupopwela Baeli. ²⁰ Yeu kaalabila achi, ''Teyanyeni mpinji iya kukonkanya kuli Baeli.'' Kabili kaba ilabila. ²¹ Penka Yeu kaatuma ukupita monse mu Ishileli nabonse abapopwela Baeli ukwisa kabili takwali nangu umo umntu uwakubulo kwisa. Kabesa mwi tempele lyakwa Baeli, kabili lyaliswile ukufuma kumpelo na kumpelo. ²² Yeu kalabila ku muntu uwasungile ñanda yafya kufwala fyaba papatilishi achi, ''Fumya leta iminkunkumba sha bonse abali kupopwela Baeli.'' Kabili umuntu kaafumya nekuleta iminkukumba kuli bo. ²³ Penka Yeu kaaya na Yonadaba umwana wakwa Yekwa Lekaba mu ñanda yakwa Baeli, kabili ali labile kuli babo abali kupopwela Baeli achi, ''Kenkenteni nekumono kweba achi muno tamuli muli mwebo uwa nubabomfi baba Yawe, penka, Lomba benka aba kupopwela Baeli.'' ²⁴ Penka kabaya kwingila mukachi mukupano fitapisho ne milambo sha kokya. Kabili Yeu alisalile abantu amakumi asanu na atatu aba imakene pesonde, kabili ali babulile achi, ''Kani nangu umo wamuli babo naleta mumaboko enu kabutuka, uyo onse uwakuleko muntu ukubutuka, umweo wakwe ukapintwa pa wakwa ulya uwabutukile.'' ²⁵ Kabili Yeu ifiapwishishe lukoso ukupano mulambo wa kokya, alilabile kuba kusopa nakubakulu ba bashilikali, ''Kamuya mukachi mubepaye bo. Mwelakapo nangu umo kufuma.'' Kabili kaba bepeya bonse ne lupango, kabili uwakusopa nebakulu ba bashilika kababaposa pesonde bo nekwingila mukachi ka ñanda yakwa Baeli. ²⁶ Bali fumisheko ishiki lyebwe ilyali mu ñanda yakwa Baeli, nekubokya. ²⁷ Kabili kaba mokaula nekuponya amashiki akwa Baela, kabili nekonaule ñanda yakwa Baeli ne kuilenga ikimbusu, iyo ili ko nakuli bu lelo. ²⁸ Filya efi Yeu aonawile abale popwela Baeli ukufuma mu Ishileli. ²⁹ Lomba Yeu taashilepo ububi bwakwe Yelobomi umwana wakwa Nebati, uyo uwa mulengelile Ishileli ukubifya - Filya ifyali, ukupopwela ñombe ya Golide mu Betele na Dani. ³⁰ Kabili ba Yawe balilabile kuli Yeu, ''Pantu webo wakite bwino pakupane kiweme mumenso angi, kabili wakita ku ñanda yakwa Ahabi mwenko mwilile fyonse ifyali mumuchima wangi, abana bobe bakekala pa kipona kya bufumu bwa Ishileli ukufika na ku kifyashi kya bune.'' ³¹ Lomba Yeu taaposeleko amano kukwenda mumishilo yaba Yawe, ba Lesa ba Ishileli, nemuchima wakwe onse. Ye taalukilepo ukufuma kububi bwakwa Yelobomi, ikyo ikya mulengele Ishileli ukubifya. ³² Muli shilye nshiku ba Yawe ali tatwile ukukesako impunsha shimo ukfuma ku Ishileli, kabili Hazaleli aliba kifimshe abena Ishileli pa mupaka wa Ishileli, ³³ Ukufuma ku Yodano ukuya kumutule suba, yonse mpunsha ya Giliadi, abena Giliadi, ne bantu bakwa Lubeni, ne bena Manase, ukufuma ku Aloa, kuli kumusesho wakwa Anoni, ukupita mu Gilischi ukuya ku Bashani. ³⁴ Kochi ni fimbi ifintu ifyakukebesha kuli Yau, na fyonse ifi akichile, ne makosa akwe onse, kanshi tafyanembelwe muma buku afyaliku kichikwa ku mfumu sha Ishileli? ³⁵ Yeu alilele neba shakulu bakwe kabili bali mushikile ye mu Samaliya. Kabili Yehoazi umwana wakwe alishile kube mfumu pakifulo kyakwe. ³⁶ Impinji Yeu ali pa bufumu pali Ishileli mu Samaliya yali imyaka amakumi abili na shisanu ne myakapo itatu.