¹ Ali Elisha alabila kumwanakashi uyu mwana wakwe abweshiwe ubumi. Ali mwebele ukwebati, '' Ima kabili uye nabañanda yobe, Ne kwikala konse kupanga imbi, pamulandu ba Yawe baita isala ili kwisa muli ino panga pamyaka isanu naibili.'' ² Penka umwanakashi alimine nekunakila kwi shiwi ba mwebele kumuntu wabalesa. Alile nabañanda yakwe ne kwikala mupanga yaba Filishitiya pa myaka isanu naibili. ³ Panuma yakupwa imyaka isanu naibili uyu mwanakashi alibwelele ukufuma kupanga ya ba Filishitiya, kabili nekuya kufumu ukuya nokumofwo ukupita aba ñanda ne kuya ku kyalo kyabo. ⁴ Pano ifumu yalikulabila kuli Kehazi uwamulimo kumuntu waba Lesa, nokulabila ati,'' Napapata ngebe fyonse ifikulu ifintu Elisha akita.'' ⁵ Penka ili alukulabila kufumu ifyo Elisha abwesheshe ubumi ku mwana wakwe wafwile, Wekuyu umwanakashi umwana wakwe abwesheshe ubumi alishile nokulila kufumu pañanda kabili napa panga. Kehazi kabila, ''Kapa, Mwefumu, uyu Emwanakashi, kabili uyu emwana wakwe, uyu Elisha abwesheshe ubumi.'' ⁶ Ili Ifumu yaipwishe umwanakanshi pa mwana wakwe, kalongolola kuli ye. Ali Ifumu yakambishe u-wamulimo umbi kuli ye nokulabila, ''mupeleni fyonse ifyo alinafyo kabili nafyonse akesele mwibala ukufuma papindi ashile ipanga kufika na lelo.'' ⁷ Elisha alishile ku Damashikashi uko Ben-Hadad ifumu ya Alam walwele. Ifumu yalyebelwe,'' Umuntu waba Lesa waisa muno.'' ⁸ Ifumu yalilabile kuli Hazael, ''Pita ikya bupe mukoboko kobe ne kuya mukukumanya umuntu wabalesa, kabili nokulabila kuli ba Yawe ukupitila muli ye, nokulabila,'' Koti napuluka ukufuma kukulwala uku? ⁹ ''''Ali Hazael aile nokumukumanya nekupita ifya bupe pafintu fyonse ifya mu Damashikashi, Nokupitwa pali bangamela amakumi ane. Penka Hazael aishile kabili nekwimakana kumeso akwa Elisha ne kulabili, ''Umwana wenu Ben-Hadad ifumu ya Alan watuma kuli mwebo, nokulabila,'' koti napuluka ukufuma kuli kuku kulwala?'''' ¹⁰ Elisha kalabila kuli ye,'' Koya, nokulabila kuli Ben-Hadad,' ulukupuluka,'' Lomba ba Yawe bamwenesha nemo ukwebati kine alukuufwa.'' ¹¹ Penka Elisha alimukebeshe Hazael ne kufika ipindi alinesoni, kabili nomuntu waba Lesa alililile. ¹² Hazael kamwipusha, ''Mbanindo mulukulila, kapa wangi?'' Kamwasuka,'' pamulandu na ishiba ukunaula amasakwa nomulilo, kabili nekwipaya abakilitwala abalalume nolpanga, nekuputaula abana banini, kabili no kubifya nabamapafu abanakashi.'' ¹³ Hazael kamwasuka, ''U-wakito yobe ninani, ukwebati akinte iyi kito ikulu? nibwa lukoso.'' Elishga kamwasuka, ''Ba Yawe bamweneshi achi ukaba no fumu pabena Alan.'' ¹⁴ Ali Hazaeli amushile Elisha ne kwisa kuli kapa yakwe, U-walabile kuli ye.'''Isafintu Elisha akilabila kuli webo?'' ali mwasukile.'' Akingeba achi pambi wakupuluka.'' ¹⁵ Penka ubushiku ubwa kokelepo Hazael ali mishe ibulakechi kabili nokulibika mumeshi, kabili nokulitanika ukumu fimba pa meso ukwebati afwe. Ali Hazael abele nisuwani pakifulo kyakwe. ¹⁶ Mumwaka wabasanu ubwaka Jolam mwana Ahabi, Ifumu ya Isuleli, Jeholam alitendekele ubufumu. Ali mwana wakwa Jehoshaphati ifumu ya Yudah. Ali ntendekele ukwikalika ili Yehoshafwati wali nifumu yaYelusalemi. ¹⁷ Jeholam ali ne myaka amakumi atantu ili atatikile ukwikalika, kabili alikalikile imyaka isanu naitantu mu Yelusalemi. ¹⁸ Jeholam alyendele mumashila afumu sha Isuleli, fynka iñanda sha Ahabi shalikukita; pantu alyupile umwana wakwa Ahabi, kabili alikitile ububi kumeso aba Yawe. ¹⁹ Nangu nififyo pamulandu wamubofi wabo, Dafiti, ba Yawe tabalukufwaya ukonaula Yuda, pakuchi bali mwebele Dafiti ukwebati lyonse akalikupela ilapi kukifyashi kyakwe. ²⁰ Mushiku shakwa Jeholam, Edom kasantukila ukuboko kwakwa Juda, kabili nekubika ifumu yabo. ²¹ Ali Jeholam abukile bushilya ku Zaila na onse amakalaki akwe. Ili abena Edomiti bashingulukile Jeholam, Abakulu bafita abalukulesha amakalaki balimine kabili nekutula izhita ipindi yabushiku; Lomba ifita fyakwa Jeholam kafibutuka nekuya mumatete abo. ²² Edomi nisantuki kukubekalika kubena Yuda kufika nalelo. Libnah naye kasantuka mupindi imo. ²³ Pano imilandu imbi iyabena Jeholam, fyonse akitile, Tafilembelwe mwibuku lya fikitwa fya fumu sha Yuda? ²⁴ Jeholam alifwile nawishi kabili alishikilwe nabo mumushi wakwa Dafiti. Ali Ahaziya umwana wakwe abele ifumu pakipuna kyakwe. ²⁵ Mumwaka we kuminatubili ubwakwa Jolam mwana Ahabi, Ifumu ya Isuleli, Ahazaliya mwana Jeholam, Ifumu ya Yuda, Alitatikile ukwikalika. ²⁶ Ahazaliya ali nemyaka 22 ili aikalikile; akikalikile umwaka umo mu Yelusalemi. Ishina lyangina wali Athaliah; wali mwana umwanakashi wakwa Omli, Ifumu ya Isuleli. ²⁷ Ahazaliya alyendele mumashita añanda yakwa Ahabi; Alikitile ifibipile kumeso aba Yawe, fyenka Iñanda yakwa Ahabi alukukita, pakuchi Ahazaliya wali muko wakwe ku ñanda yakwa Ahabi. ²⁸ Ahazaliya alile na Jolam mwana Ahabi, ukulwisha Hazael ifumu ya Alam, ku Lamofi Kilead. Abena Alameans balyonawile Jolam. ²⁹ Ifumu Jolam alibwelele mukubukiwa mu Jezleel kufilonda ifyo Alameansa bamupele ku Lamah, Ili alwile na Hazael ifumu ya Alam. Ali Ahazaliya mwana Jehola, Ifumu ya Yuda, alile ku Jezleel ukumona Jolam mwana Ahabi, pamulanda Jolam balimusomeshe.