¹ Elisha alilabile achi, ''Ufwa ishiwi lyaba Yawe. Ifi efyalabila ba Yawe: 'Mailo kochi ni ino nshita ukupima kwa bunga ubupelekele bwino bukashichi shiwa pe shekele limo, kabili ukupimwa kubili ukwa beli pe shekele limo, mu mulyango uwa ku Samaliya.''' ² Penka kapitao pali uyo ukuboko kwa mfumu kwashakamine alyasukile umuntu waba Lesa, kabili ne kulabila achi, ''Mona, nangu ba Yawe benga panga ifibela ifya mwiulu, bushe kino kintu kochi kyakichikwa?'''' Elisha alyasukile ati, ''Mona, webo wakukimona kulekichika na menso obe wemwine, pano tawalyeko kuli kyo'' ³ Pano kwali abalalume bane abali ne mbumba kululyo posonde lya mulyango wa mushi. Balukulabila umo ku mu nakwe, ''Nindo twingekalila pano ukufika nefyo tukafwa? ⁴ Inge tulabile achi tulyelelwe ukuya mu mushi, penka ikipowe kyansala kili mu mushi, kabili fwebo tukafwa kulya. Pano inge tutwalilile ukikala pano, iseni, tuleya kubashilikale abaku Alami. Inge batusunge fwebo no bumi, twakulu kuli ne bumi, kabili inge batwipaye fwebo, fwebo twakufwa fye. ⁵ Kanshi bo balimine pa mpinji ya muntungilya ukuya mu nkambi yabena Alami; ulo bafikile posonde kulubali lwa nkambi, tamwali nangu umo mulya. ⁶ Pakuchi ba Shikulu balilengele aba shilikale ba ku Alami ukumfwa ikyongo kya ngolofwana, kabili ne kyongo kya bakafwalo - ikyongo ikya limbi ibumba ilikulu ilya bashilikale, kabili balukulabila ku bene na bene, ''Imfumu yaba Ishileli yaeula amafumu abena Hiti kabili ne abena Ijipiita ukwisa pali fwebo. ⁷ Kanshi abashilikale balimine kabili ne kufyuka mu mpinji ya muntunguya; balishile amatente abo, bakafwalo babo, bakabalwe babo, kabili ne nkambi fyenka yali, kabili balifyukile ukupulusha ubumi bwabo. ⁸ Ulo abalalume abali ne mbumba baishile posonde kulubali lwa nkambi, balile mukachi ketente limo ne kulya kabili ne kunwa, kabili ne kupinta Silifa na ngolide ne fyakufwala, ne kuya kabili ne kufifisa. Bo balibwelele libili ne kwingila mwi tente limbi kabili ne kupinta ifyo bapukwile ukufumya kulya nafyo, kabili balile mukufifisa. ⁹ Penka balilabile ku bene ne bene achi, ''Fwebo tatulekita bwino. Kano kasuba ka mashiwi aweme, pano fwebo twaikalafye kelele paliiki. Inge fwebo tupembele achi kana bukye, ukupensha kukatufikila pali fwebo. Pano penka, iseni, tulye tukabule abamuñanda ya ba mfumu. ¹⁰ Kanshi balile ne kwita abasunga kumulyango wa mushi. Bo balibebele bo, ne kulabila achi, ''Twalile ku nkambi yabe na Alani, pano tamwalipo nangu umo mulya, tamwalipo nangu kululumo kyamuntu, pano mwali bakafwalo abakakilwe, kabili na ba kabalwe abakakilwe, kabili ne matente kyenka aali.'' ¹¹ Penka abasunga kumulyango balibilikishe amashiwi, kabili penka kyalibulilishiwe muachi kañanda yabamfumu. ¹² Penka imfumu yalibukile ubushiku kabili nekulabila ku ba mbofi bayo ati, ''Nemo ndemibuleni mwebo pano ifyo abena Alani bakita kuli fwebo. Bo balishibile achi fwebo tuli ne nsala, kanshi balifuminemo mu nkambi mukufisama abene mu mabala. Bo balelabila achi, 'Inge bafume mu mushi, fwebo tulebapinta bo abami, kabili ne kwingila mumushi.''' ¹³ Umo uwabasha bamfumu alyasukile ne kulabila achi, ''Nakupapachilapo, leka abalalume bamo bapinte bakafwalo basanu abashalapo, abo abashelepo mu mushi. Bali pamo kochi na bonse bambi aba mu mpendwa yaba Ishileli abashelepo - abengi pano balifwile; lekeni tubatume ne kumona. ¹⁴ Kansa balipnchile inolofwana shibili na bakafwalo, kabili imfumu yalibatumine panuma ya bashilikale baku Alamu ne kubila achi, ''kabiyeni mukamo ne.'' ¹⁵ Bo balitangileko ku Yodani, kabili umusebo onse aliswile ne fibombelo ifyo abena Alami baposele mukwendesha kwabo. Kanshi abaluwe balibwelelemo kabil ne ku ibula imfumu. ¹⁶ Abantu balifumine kabili balipukwile ifya mu nkambi yabena Alami. Kanshi ukupima kwa bunga ubupelekele bwino balukushichisa pe shekele limo, kabili ukupima kubili ukwa beli pe shekele limo, kochi nifyo ishiwi lyaba Yawe lyalabile. ¹⁷ Imfumu yali yalitongwele kapitao uyo ukuboko kwakwe yashakaminepo ukuba mukulu wapa mulyango, kabili abantu balemunyantula ena panshi mu mulyango wakwingililapo. Ye alifwile kochi muntu wa ba Lesa alabile, uyo walabile ulo imfumu yaikile panshi kuli ye. ¹⁸ Kanshi kyalichikilwe kochi nifyo umuntu waba Lesa alabile ku mfumu, ne kulabila achi, ''Kochi nayenka ino nshita mu mulyango waku Samaliya, ifipimo fibili ifya beli fikabapo ifya pe shekele umo, kabili ikipimo kimo ikya bunga ubupelekele bwino ubwa pe shekele limo. ¹⁹ Ulya kipitao alyasukile umuntu waba Lesa ne kulabila achi, ''Mona, nanga ba achi ba Yawe bengapanga ifibela fya mwiulu, bushe kino kintu kochi kyakichikwa?'' Elisha alilabile achi, ''Mona, webo ukakimona kakilu kukichika na menso obe we mwine, pano tawakalyeko kuli kyo.'' ²⁰ Ifyo efyo kyamonekele fyenkefyo kuli ye, pakuchi abantuu bali munyantwile ye mu mulyango, kabili alifwile.