¹ Abaana baba kushimika balilabile kuli Elisha ati , "Inkeende apo twikala na mwebo yatukeepela fwebo fwense. ² Kanshi mwane tuye ku Yodani, kabili umuntu onse akateme ikichi kulya, kabili twendeni tusompe inkende apo tulingile ukwikala. "Elisha alyasukile ati, "Mwenga twalilila. " ³ Umo muli bo alilabile ati , "Kanshi yeni ne basha benu. " Elisha alyasukile ati, "Ndeeya. " ⁴ Penka alile nabo, kabili ulo bafikile ku Yodani, balitendekele ukuputaula ifichi panshi. ⁵ Pano ulo umo alukutema, akapasa kali kaliponene mu menshi; alililile umuteto ne kulabila ati, " Oo yowo, kaapa yangi twali kaashimine! " ⁶ Kanshi umuntu waba Lesa alilabile ati, "Ni pepi apo kakiponena? " Umuntu alimulangile Elisha pankeende. Penka ali putwileka kichi, ne kukaposa mu menshi, kabili alilengele ikyela ukutumpauka. ⁷ Elisha alilabile ati, "Katoleni. "Kanshi umuntu alitanikile ukuboko kwakwe ne kukatoola. ⁸ Pano imfumu yamu Alami yalukulwisha inkondo ne basha bakwe, ne kulabilati, "Inkambi yangi ikaba munkende iya kuchi na kuchi. " ⁹ Kanshi umuntu waba Lesa alitimune ku mfumu yaba Ishileli, ne kulabila, " Mukengele tekupita kuli ilya nkeende, pakuti abena Alami balekunkulukila kulya. " ¹⁰ Imfumu yaba Ishileli yalitumine ishiwi kunkeende iyo umuntu waba Lesa alabilepo kabili ne kumukengeshako. Ukukila pali limo nangu libili, ulo imfumu yaile kulya, yali iilepekenya. ¹¹ Imfumu yamu Alami yalikatashiwe na fino fintu, kabili yalichile abasha bayo nekubebati,"Kanshi techi mumbule nani muli fwebo uuli kumfumu yaba Ishileli? " ¹² Kanshi umo mu basha bakwe alilabile ati, " Yowo, kaapa yangi, mwe mfumu, kuli Elisha uwakushimika uwamu Ishileli alabuula imfumu yamu Ishileli ifyebo ifyo mulabila munanda yenu umo mulaala. " ¹³ Imfumu yalyasukile ati, "Kabiyeni mukamo ne uko Elisha ali pakwebati ntume abantu bamukwate. " Kyali mubulilwe ati, "Moneni, ali mu Dotani. " ¹⁴ Kanshi imfumu yalitumine ku Dotani bakafwalo, ingolofwana , kabili ne bumba ilikulu ilya bashilikali. Balishele ubushiku ne ku ushinguluka umushi. ¹⁵ Ulo umusha wa muntu waba Lesa abukile kumakya ne kufumina posonde, alimwene, ibumba lyabashilikale alikulu naba kafwalo, kabili ne ngolofwana bashinguluka umushi. Umusha wakwe alilabile kuli ena ati, " Oo, kaapa yangi! Tulekita shani?" ¹⁶ Elisha alyasukile ati , " Wi umfwa umwenso, pakuti abo abali na fwebo balikilile abo abali muli bo. " ¹⁷ Elisha alilombele ne kulabilati, " Ba Yawe, nalomba ati mushinkule amenso akwe ati engamona. " Penka ba Yawe alishinkwile amenso amusha, kabili alimwene. Moneni, ulupili lwaliswile nabakafwalo ne ngolofwana sha mulilo kafimushingulukile Elisha! ¹⁸ Ulo abena Alami bakunkulukile kuli ena Elisha alilombele kuli ba Yawe ne kulabila ati, "Bapofoleni bano bantu amenso, namilomba mwebo. "Kanshi ba Yawe bali bapofwele amenso, fyenka ifyo Elisha alombele. ¹⁹ Penka Elisha alibebele abena Alami ati, " Ino tyali enshila, nangu ati emushi. Nkonkeleni, kabili ndemitwala kumuntu uyo mulefwaya. "Penka alibatabgilile ku Samaliya. ²⁰ Penka ulo bafikile mu Samaliya, Elisha alilabile ati, " Ba Yawe, shinkuleni amenso abano bantu pakwebati bamone. " Ba Yawe balishinkwile amenso abo ne kumona balimwene, kabili moneni, baali pakachi ka mushi uwa Samaliya. ²¹ Imfumu yaba Ishileli yalilabile kuli Elisha ati, ulo abamwene, " Ba taata wangi, bushe mbepaye? Bushe mbepaye? " ²² Elisha alyasikule ati , "Taulingile ukubepaya. Bushe kuchi waipaya abo abatwelwe kabakakilwe ne mupanga obe kabili ne buta bwa muketo? Bikeni umukate ne menshi pamenso abo, pakwebati benga lya ne kunwa, kabili ne kuya kuli kaapa yabo. " ²³ Kanshi imfumu yalipekenye ifyakulya ifingi ifyabo, kabili ulobalile ne kunwa, ali batumine nekuya, kabili balibwelele kuli kaapa yabo. Alya mabumba abashilikale abena Alami tababwelele pa mpindi iitali mu kyalo kya ba Ishileli. ²⁴ Kuntanshi panuma yauno Beni Hadadi imfumu yamu Alami. Yalibakonkenye bonse abashilikali baiko kabili ne kubalukuka abena Samaliya ne kubashinkila mukachi. ²⁵ Kanshi mwali ikipowe kyansala ikikulu mu Samaliya. Moneni, bali mu shinkile mukachi ukufika pampindi umutwi wa mbongolo washitishiwe ama siliva 80 kabili ne kiputulwa kya bne kya kakopo ka fichololo fya nkulimba pama siliva asanu. ²⁶ Ulo imfumu yaba Ishileli yalukupita kulubali lwa kibumba, inefwe alilile kuli ena, ne kulabilati, " Nkwasheni mwe kaapa yangi, mwe mfumu. " ²⁷ Alilabile ati, " Kani ba Yawe tabamikwa shisheni mwebo, nganemo kuchi na mikwasha shani? Kani kulipo ikifuma apakukuswila nangu ikyaku fininamo umusunga? " ²⁸ Imfumu yalitwalilile, "Nikindo kyakushupa? " Alyasukile ati, " Uyu mwnakashi alilabile kuli nemo ati, ' Paana umwana obe umwalalume pakwebati twenga mulya leelo, kabili tukalya umwana wangi mailo. " ²⁹ Kanshi twalimutekele umwana wangi umwalalume kabili twalimulile, kabili nalimwebele ena akasuba kakonkelepo ati, " Paana umwana obe umwalalume pakwebati twenga mulya, pano ena umufisa umwana wakwe. " ³⁰ Kanshi imfumu ulo yaumfwine aya mashiwi akwa inefwe, yalitabawile ifyakufwala fyaiko ( pano yalukupita kulubali lwa kibumba) , kabili abantu balikebeleshe ne kumona ati yali ne kyakufwala kyamalilo mukachi, kaifwele kumubili. ³¹ Kabili yalilabile ati, "Ba Lesa bakitefi kuli nemo, kabili ne kukishamo, kani umutwi wa kwa Elisha umwana kwa Shafati engekala kuli ye leelo. " ³² Pano Elisha alikeele munanda yakwe, ne bakulu balikele nakwe. Imfumu yalitume umuntu ukufuma pantanshi yakwe, pano ulo umuluwe aishile kuli Elisha, alilabile ku bakulu ati, " Moneni, ifyo uno mwaana uwa kwipayanana atuma mukufumyako umutwi wangi? Moneni, ulo abaluwe baisa, kamushinka ku mulyango, ne kukwachishako ku mulyango ukuchina ukumingilila kuli ena. Nge mituutu ya moolu akwa kaapa yakwe taili kunuma yakwe? " ³³ Ulo atwalilile ukulabila nabo, moneni, umuluwe alikunkulukile kuli ena. Imfumu ya labilati , " Moneni luno lukatasho lwafuma kuli ba Yawe. Nindo ningalu kupembelela ba Yawe? "