¹ Pano mu myaka Ikumi ne myaka shine na shitatu iya bufumu bwakwe Jehoshafwati imfumu yamu Yuda, Yolamu umwana wakwa Ahabi ilitendekele ukulama pabena Ishileli mu Smaliya; alikele mubufumu imyaka ikumi na shibili. ² Alukukita ifibipile pamenso aba Yawe, ukukila ifyalu kukita ba wishi naba inakwe; pakuti alifumishe ipanda ilye bwe ilya kwa Baali ilyo ba wishi bapangile. ³ Nangaba nifyo alikwachishe kububi bwa Yelobomu umwana wakwa Nebati, uwalengele aba Isheleli ukubifya; ta abalukile ukufuma kuli bo. ⁴ Pano Mesha imfumu yabena Moabi alukusunga imikoko. Ali wakupaana ku mfumu yaba Ishileli imikoko iyana 100,000 kabili ne masako aa mikoko ilume 100,000. ⁵ Pano panuka yakufwa Ahabi, imfumu yabena Moabi aliyalukile imfumu yaba Ishileli. ⁶ Kanshi imfumu Yolamu yalifumine mu Samaliya pali yenka ilya mpindi mukubaleta pamo bonse aba Ishileli pakuti pankondo. ⁷ Alitumine ishiwi kuli Johoshafwati imfumu yamu Yuda, ne kulabila ati , "Imfumu ya Moabi yangalukilamo nemo. Kani wingaya nanemo ku Moabi kunkondo? " Yehoshafwati alyasukile ati, " Ndeya. Njifye kwachi niwebo, abantu bangi kwachi bantu bobem impunda shangi, kwachi ni mpunda shobe. " ⁸ Kabili alilabile ati, " Mba ninsa nshila twenga balukukilamo ? " Yehoshafwati alyasukile ati," Munshila ya mumpanga yamu Edomi. " ⁹ Kanshi imfumu yaba Ishileli yalile ne mfumu yamu Yuda kabili ne mfumu ya mu Edomi. Balyendaukile mukushinguluka panshiku shi sanu na shibili, kabili penka tapalipo amenshi abashilikale nangu aafina ma ifyo baile nafyo. ¹⁰ Kanshi imfumu yaba Ishileli yalilabile ati, " Mba ni kindo iki ? Bushe ba Yawe balichile imfumu shitatu ukushi paana mu maboko abena Moabi? " ¹¹ Pano Yehoshafwati alilabile ati, "Bushe muno tamulipo uwakushimika waba Yawe, uyo twingipusha ba Yawe muli ye? "Umo pabasha ba mfumu yamu Ishileli ayasukile ati ne kulabilati, " Elisha umwana wakwa Shafati ali pano, uwaichile amenshi ku maboko akwa Elaija. " ¹² Yehoshafwati alilabile ati, "Ikyebo kyaba Yawe kili naena. "Kanshi imfumu yaba Ishaleli, Yehoshafwati, kabili ne mfumu yamu Edomi bali kunkulukile munshi ukuya kuli ye. ¹³ Elisha alilabile ku mfumu yaba Ishileli ati, "Mbanindo iyo nengakita kuli mwebo? Kabiyeni kuli ba kubakushimika baba wishinweni nabainenu. " Kanshi imfumu yaba Ishileli yalilabile kuli ye ati , "Yowo, pantu ba Yawe baita shino mfumu shitatu pamo mukuba paana mu maboko abena Moabi. " ¹⁴ Elisha alyasukile ati, " Mwenka mwikalile ba Yawe a bamabumba, abo nemo naimakanako, kani nsha kindikilepo ikinso kya kwa Yehoshafwati imfumu yaba Yuda, nshaumfwepo kuli mwebo, nangu kukeba kuli mwebo. ¹⁵ Pano luno ndeteleni uwakwimba . " Penka ulokyapichile ulo uwakwimba aimbile, ukuboko kwaba Yawe kwalishile pali Elisha. ¹⁶ Alilabile ati , "Ba Yawe balabila fi , ' Panga ino nika iyumine ukuba ne fishiba. " ¹⁷ Pakuti ba Yawe balabile fi, ' Tamwakamone kabesha, nangu kumona imfula, pano ino niika ikesula na menshi, kabili mukalukunwa, mwebo ne filelwa fyenu kabili ne nama shenu shinso. ' ¹⁸ Kino kintu ikipubile kumenso aba Yawe kabili akamipeleni ukukimfya pabena Moabi. ¹⁹ Mukalukuka umushi onse uukosele kabili mushi onse uuweme, ukuputula ikichi ikiweme panshi, ukwimika amasulo amenshi onse, kabili ne konaula umushili uuweme ne mabwe. " ²⁰ Kanshi ulukeelo pampindi yakupeela umulambu, kwalu kwisa amenshi ukufuma ku Edomi; ikyalo kyaliswile na menshi. ²¹ Pano ulo abena Moabi bonse baumfwine ati imafumu aisa mukubalwisha, bali konkene pamo bonse, bonse abalingile ukufwala ifyankondo, kabili balimakene ku mupaka. ²² Balibukile kumakyamakya kabili ne kasuba kulikumine pa menshi. Ulo abena Moabi bamwene amenshi kulubali lumbi nabo,alibwekele ukukashika kwachi mulopa. ²³ Kabalabila ati, " Uno mulopa ! Amafumu limbi aonaulwa, kabili balipaya abene na bene ! Kanshi pano, Moabi, tuleya tukatolele ifipe fyabo. ²⁴ Ulo baishile ku nkambi yaba Ishileli aba Ishileli balimine kabili ne kulukuka abena Moabi, abo bababutukile pantanshi yabo. Abashilikale baba Ishileli bali babutwishe abena Moabi ukubabusha ikyalo ukubepaya. ²⁵ Balyonawile imishi, kabili pa mushili onse uuweme umuntu onse aleposa ibwe ukufika nefyo paiswile. Balimikile insulo shonse sha menshi kabili ne kutemawila panshi ifichi fyonse ifiweme. Kanafye kili Haleseti ewashelepo ne mabwe akwe munkende. Pano abashilikale nefilwilo baliushingulukile ne kumulukuka. ²⁶ Ulo imfumu Mesha amwene ati balusa inkondo, abapinchile abalalume ba kulwisha 700 mukupulankanya ku mfumu yamu Edomi, Pano balifililwe. ²⁷ Kabili alipinchile umwana wakwe umukulu, uwalingile ukuba mubufumu panuma yakwe, kabili ne kumupaana ngo mulambu wa kokya pakibumba. Kanshi kwali ubukali ubukulu ubwa kufichilwa aba Ishileli, kabili aba shilikale baba Ishileli baliishile imfumu Mesha kabili ne kubwelela ku kyalo kyabo.