¹ Ulo kyafikile apo imfumu Hezikiya aumfwine ukubulilisha kwabo, ali tabawile ifyakufwala fyakwe, ne kulikumbakanya ne fyakufwala fya malilo, ne kuya munanda yaba Yawe. ² Ali tumine Eliyakimi, uwali mukulu pananda ya mfumu, na Hebina balikumbakenye ne fyakufwala fya malilo, kuli Isaya umwana wakwa Amozi, uwa kushimika. ³ Balilabile kuli ena ati, "Hezekiya alabilati, ' Kano kasuba kasuba kafyakukatasha, ukulengululwa ne nsoni, pakuti abaana baisa, pampindi yakufyalwa, pano takuli amakosa pali bo pakuwebati bafyalwe. ⁴ Pambi kili kyakwebati aba Yawe Lesa wenu bakuumfwa amashiwi onse aa mukulu waba shilikali, uyo imfumu yamu Asilya kaapa yakwe atuma mukutumpika ba Lesa abomi,ne kulengulula amashiwi aya ba Yawe Lesa wenu ba umfwa. Pano imyeni amatembelo aakulombelela abashalapo abo abalipo. "' ⁵ Kanshi abasha bamfumu Hezekiya balishile kuli Isaya, ⁶ na Isaya alilabile kuli bo ati, " Labileni kuli kaapa yenu ati, 'Ba Yawe balabila ati, "Mwe umfwa umweenso pamashiwi ayo mwaumfwa, ayo abasha ba mfumu yamu Asilya bantuka nemo. ⁷ Moneni, nkabika umupashi muli ena, kabili aleimfwa ikyakulabilwa kuli ye ne kubwela alebwelelamo ku kyalo kyakwe umwine. Na kumulengela ena ukuponena kumupanga mu kyao kyakwe umwine. ""' ⁸ Penka umukulu wabashilikale alibwelelemo ne kusanga imfumu yamu Asilya ilelwa na Libina, pakuti yalyumfwine ati imfumu yafumapo yaya ku Lakishi. ⁹ Penka Kenakelibu alyumfwine ati Tilihaki imfumu ya Kushi na Ijipiti balesa mukumulwisha, alitumine abaluwe libili kuli Hezekiya ne shiwi ati: ¹⁰ " Labileni kuli Hezekiya imfumu yaba Yuda ati, 'Mweleka Lesa wenu uyo mwaketekelamo amibepaike mwebo, ne kulabila ati, " Yelusalemi taakapanwe mumaboko amfumu wa mu Asilya. " ¹¹ Moneni, muli lyumfwilile mwebene ifyo amafumu amu Asilya akichile mu fyalo fyonse pa kubonaula bonse ukupwililika kanshi mwebo mu kapuluka? ¹² Bushe balesa bamufyalo bali bapulwishe abantu, ifyalo ifyo ba taata wangi baonawile: Gozani, Halani, Lezefu, kabili ne bantu ba mu Edeni mu Teli Asali? ¹³ Imfumu shamu Hamati, imfumu shamu Alapadi, imfumu shamu mishi yamu Sefalibaimi, isha mu Hena, na Iva, shili pi ? " ¹⁴ Hezekiya alipokelele ino nkalata ukufuma kuli babo abatuminwe ne kuitanga. Penka alile kunanda yaba Yawe ne kuifungulula kumenso abo. ¹⁵ Penka Hezekiya alitembele kuli ba Yawe ne kulabila ati, "Mwe ba Yawe bamabumba, Lesa waba Ishileli, mwe mwikele peulu yaba kelubi, muli Lesa bushimwa pa bufumu bonse pa kyalo kya panshi. Mwali lengele iulu ne kyalo. ¹⁶ Kunikeni ukutwi kwenu, ba Yawe, kabili mumfwe. Shinkuleni amenso enu, ba Yawe, kabili mu mone, kabili mumfwe amashiwi akwa Sena Kelibu, ayo atuma mukutumpika Lesa umumi. ¹⁷ Ikine, ba Yawe, amafumu amu Asilya aonaula abantu ne fyalo fyabo. ¹⁸ Babika balesa babo mu mulilo, pakuti tabalipo ni balesa pano milimo yaku maboko abantu, ifichi lukoso ne mabwe. Kanshi abena Asilya ba fyo naula. ¹⁹ Pano kanshi, ba Yawe Lesa wesu, tupulusheni fwebo, na mipapateni mwebo, kumakosa akwe, pakwebati ubufumu bonse ubwapa kyalo bamwishibe mwebo, ba Yawe, muli Lesa bushimwa. " ²⁰ Penka Isaya umwana wakwa Amozi alitumine ishiwi kuli Hezekiya, ne kulabila ati , "Ba Yawe, Lesa waba Ishileli balabila ati, pakuti mwa lomba kulinemo pali Senakelibu imfumu yamu Asilya nakumfwa webo. ²¹ Ili eshiwi ilyo ba Yawe balabile pali ye: " Umwana kashi umushimbe Zioni akulengulula ne kukuseka Yelusalemi apukunya umutwi wakwa pali webo. ²² Ninani uyo watumpika ne kumutuka ? Nikuli na ni ukowasuntwila ishiwi lyobe ne kununa amenso obe mukukebelesha ne misula? Nikuli uyo uushilile uwa Ishileli!. ²³ Na baluwe bobe walukutumpika aba Lesa ne kulabila ati, " Ne ngolofwana shangi ishingi naya peulu ukufika pa mpili, apene apatali sana apene palupili lwa Lebanoni. Nkatema panshi ifichi ifitali ifya sida ne kusala ifichi fya saipulasi mulya, Nkengila umwine umutalimpishe, umwine mumpanga umili ifiseepo ifingi. ²⁴ Na seepa amajilai kabili na nwa amenshi aapusene . Nalyumishe amanika onse aa mu Ijipiti munshi ya moolu angi. ²⁵ Bushe tammfwine ifyo na fitongwelile limo akale, ne kubombelapo mu mpindi ya bashakulu. Pano ndefileta mukufififkisha. Muli pano kubweshako panshi imishi iikosele ukutabaula mu milumba yakonaula. ²⁶ Abantu babo abalukwikalamo, abali namakosa anini, balyakamine ne kumfwa insoni. Bali fichi mumpanga, ifyani fya mpanga, ifyani kumutenge nangu ni mu mpanga, ifya okewa apo tafinga kula. ²⁷ Pano ndishibile ukwikala kobe panshi, ukufuma kwa posonde kobe, ukwingila kobe mu kachi, kabili nefyo wamfichilwa nemo. ²⁸ Pakuti pakumfichilwa uko wamfichilwa nemo kabili pakuti ukulitota kobe kwafika mumatwi angi, nkabika indobo yangi mu myoona yobe ; nekyakwalululako kyangi mukanwa kobe; nkakwalulula munshila waishiilemo. " ²⁹ Kano kakaba keshibilo kobe: Umo mwaka uka lukulya ifyakulimenena mumpanga, na mu mwaka wa bubili ififmena kuli fifyo. Pano mu mwaka wabutatu mulilingile ukulimba ne kusombola, ukulimba imifaina ne kulya ifisepo fyayo. ³⁰ Balya abashalapo aba munanda yaba Yauda abo abapulukako bakekisha libili imishashi panshi ne kupanga ifisepo, ³¹ Pakuti pabakufuma mu Yelusalemi abashalapo bakafuma posonde, ukufuma kulupili lwa Zioni abakupuluka bakesa. Ulupata lwa ba Yawe aba mabumba alukakita kino. ³² Penka ba Yawe balabile fi pa mfumu ya Asilya ati , "Ta akese muli uno mushi nangu kulasa umufwi muno. Nangu kwisa kuntanshi ya kyakuleyelamo nangu kusompa imilumba milumba kuli uno mushi yowo. ³³ Munshi umo aishilemo ikaba pamo ne nshila iyo akailamo ; ta akengilemo mu mushi - ifi eyalabila ba Yawe. " ³⁴ Pakuti nkamulwila uno mushi ne kumupulusha, ukulingana ne kufwaya kwangi kabili napa musha wangi Davidi. "' ³⁵ Impindi yalifikile bulya ubushiku apo malaika waba Yawe afumine ne kulukuka inkambi yabena Asilya, ne kwipaya 185,000 abashilikali. Ulo abantu babukile ulukeelo, imibili yabafwile yalilele ponse ponse. ³⁶ Kanshi Senakelubu imfumu ya Asilya alifumine mu Ishileli ne kuya kumushi wakwe ne kwikala mu Ninive. ³⁷ Pantanshi, ulo alukulambila munanda ya kwa Nisiloki lesa wakwe, abana bakwe abalalume Adilameleki na Shaleza balimwipeye ne mupanga. Penka balibutukile mu kyalo kya Alalati. Penka Esahadoni umwana wakwe alibele ni mfumu mu kifulo kyakwe.