¹ Mu mwaka wabu makumi abili ne myaka itatu iya bufumu bwakwa Ahaziya imfumu yaba Yuda, Yehoahazi umwana mwalalume wakwa Yehu alitendekele ku tangilila pali Ishileli mu mushi wa Samaliya; alitangilile pa myaka ikumi limo ne myaka isanu na ibili. ² Alikichile ifyakubifya mu menso aba Yawe kabili alikonkele ububi bwakwa Yeloboami umwana mwalalume wakwa Nebati, uwalengeshe Ishileli kubifya; na Yehoahazi tafumineko kulibo yo-o. ³ Ubukali bwa baYawe bwali mwimakanine Ishileli, kabili alibapaine ikyakulondankana mu kuboko kwakwa Hazaeli mfumu ya Alamu na mu kuboko kwakwa Beni Hadadi umwana mwalalume wakwa Hazaeli. ⁴ Kanshi Yehoahazi alipapete kuli ba Yawe, nabo ba Yaw balwumfwile kulye pakuchi bali mwene pa bukyushi bwakwa Ishileli, ifyo imfumu ya Alami yalebakyusha. ⁵ Kanshi ba Yawe balipene mupokolweshi kuli Ishileli, kabili balipuswike ukufuma mu kuboko kwa bena Alami, kabile abantu ba Ishileli bali tendekele kwikala mumishi yabo kwachi ifikyali nakale. ⁶ Nangu kingabefi, tabafumineko ku bubifi bwa ñanda yakwa Yeloboami, uwalengeshe Ishileli kubifya yoo, kabili balitwalilikile kuba mu bubifi; kabili ikishika kya Ashela kyalishele kyaimakana mu Samaliya. ⁷ Abena Alami balimushile Yehoahazi ne balalume bakwenda pabakafwalo abali lukoso amakumi asanu, amangolofwana ikumi limo, kabili ne balalume bakwenda panshi abali amakana ikumi limo, pakuchi mfumu ya Alami yalibonawine ne kubalenga ukuba kwachi mungu wa mu pindi ya kupula. ⁸ Kabili nakumilandu imbi iyakwa Yehoazi, kabili nefyoakichile kabili ne makosa akwe, bushe tafilembelwe mwi buku lya fyakichikilwe fya mfumu sha Ishileli? ⁹ Kanshi Yehoazi alilalile ne bashakulu bakwe, kabili balimushikile mu Samaliya. Yohoashi umwana wakwe mwalalume alikele mfumu mu kifulo kyakwe. ¹⁰ Mu mwaka wabu makumi atatau ne myaka isanu na ibili yakwa Yoashi imfumu ya ba Yuda, ubutungulushi bwakwa Yehoashi bwalitendeke pa Ishileli mu mushi wa Samaliya; alitangilile pa myaka ikumi limo ne myaka isanu na umo. ¹¹ Alikichile ifya kubifya mu menso a ba Yawe. Tashilepo panuma ububifi buli bonse ubwakwa Yeloboami umwana mwalalume wakwa Nebati yoo, nafifi alilengele Ishileli kulekita bubi, lomba alwendele mulibo. ¹² Kabili napamilandu imbi iyakwa Yehoazi, kabili nafyonse ifyoakichile, ne makosa akwe ili alwile na Amaziaya imfumu ya Yuda, bushe tafilembelwe mwi buku lya fyakichile fya mfumu sha Ishileli? ¹³ Yehoashi alilele ne bashakulu bakwe, kabili Yeloboamu alikele pakipona kya bufumu kyakwe, Yehoashi alishikilwe mu Samaliya pamo ne mfumu sha Ishileli. ¹⁴ Pano Elisha aliketwe ne bulwele ubwa mwipeye ku nshiku shakuntanshi, kanshi Yehoashi mfumu ya Ishileli yatukunkulukile ne kwisa kuliye kabili yalilile paliye. Yalilabile, ''Batata bangi, batata batangi, ingolofwana sha Ishileli kabili ne balalume abenda pa bakafwalo bakomipintni!'' ¹⁵ Elisha alilabile kuliye, ''Buleni ubuta bwa muketo ne muketo, ''Kanshi Yoashi alitolele ubuta bwa muketo ne miketo imo imo. ¹⁶ Elisha alilabile ku mfumu ya ba Ishildi, ''Bikeni kuboko kwenu pa buta bwa muketo, ''Kanshi yalibikile kuboko kwayo pa buta bwa muketo. Penka Elisha alitenteke amaboko akwe pa maboko a mfumu. ¹⁷ Elisha alilabile, ''Isuleni fibela fya ku mutubesuba, ''Kabili alishinkwile. Penka Elisha alilabile, ''Laseni!'', Kabili alilabile. Elisha alilabile, uyo muketo wa kukifya kwa ba Yawe, muketo wa kukifya pali Alami, pakuchi mu kabalukuka bena Alami mu Afeki pakalukoso mukabonaune.'' ¹⁸ Penka Elisha alilabile, ''Toleni muketo kabili Yoashi alitolele. Alilabile ku mfumu ya Ishileli, pumeni mu mushili ne miketo, ''Kabili yalipumine pa mushili imikwi itatu, kabili yalilekele. ¹⁹ Sombi umuntu waba Yawe alifichilwe kabili ne kulabila, ''Mwakilinga ukupuma pa mushili imikwi isanu nangu isanu na ibili. Penka mwalilingile ukuluka Alami paka nefyo mwamupwisha kumukifyo, sombi mukaluka ne kukifya Alami imikwi itatu lukoso.'' ²⁰ Penka Elisha alifwile, kabili bali mushikile. Pano amabumba a bena Moabi alilukukile kyalo ku kutendeka kwa mwaka. ²¹ Ili baleshiko muntu umo umwalalume, balimwene ibumba lya bena Moabi, kanshi baliposele mubili mu kabuli kakwa Elisha. Ililukoso umubili wakwa ulya muntu mwalalume akumishe ku mafupa akwa Elisha, alisangukile kabili ne kwimakana ne molu akwe. ²² Hazaeli mfumu ya Alami yali kyushishe ba Ishileli ishiku shonse shakwa Yehoahazi. ²³ Sombi ba Yawe bali ne butemwe pali Ishileli kabili bali ne nkumbu palibo kabili nekubateyo muchima, pa mulandu wa kipangano kyabo na Abulamu, Isahi, kabili ne Yakobi. Kanshi Ba Yawe taba bonawile yo-o, kabili tabali tanga ba fumya mu kyeni kyakwe. ²⁴ Hazaeli mfumu ya Alami yalifwile, kabili Beni Hadadi umwana wakwe mwalalume alishilenekuba imfumu mu kifulo kyakwe. ²⁵ Yehoashi umwana mwalalume wakwa Yehoahazi alibweseshe kuli Beni Hadadi umwana wakwa Hazaeli imishi ishapokelwe mu nkondo kuli wishi Yehoahazi. Yehoashi alimulukile ne kumukifya imikwi itatu, kabili nekupokolola ilya mishi ya Ishileli.