¹ 'Mu mwaka wa busanu na bubili bwakwa Yehu, ubufumu bwakwa Yoashi bwalitendekele; alitangilile pa bufumu pa myaka ine mu Yelusalemu. Ishina lya inakwe lyali ni Zibiya, uwaku Belisheba. ² Yoashi alikichile filungeme mu menso a Ba Yawe mu pindi yonse, pakuchi Yehoiah umupapatilishi alemusambilisha. ³ Sombi amampunsha apasuntukile taafumishiwepone. Abantu bakili bakolambula ne kokyafinukile bwinopa mamunsha apasuntukile. ⁴ Yoashi alilabile ku bapapatilishi, ''índalama yonse ishiletw mukachi kuba kwachi milambo ya mushilo muñanda ya Ba Yawe, ya ndalama iyi muntu uli onse alimo ne lubali - kibe ni ndalama yakufuma mukupenda kwa bantu, nangu indalama ipokwa ku bantu abalipela kupichila mukuchipa, nangu ni ndalama iyiletwa kupichila mu kulipelafwe kwa bantu ne michi abo kuli Ba Yawe. ⁵ Umupapatilishi afwile apoka indalama ukufuma ku umo wabakasunga ba ndalama kabili ne kuwamya ponse apafwile pasangwa mwitempele.'' ⁶ Sombi kufika mu myaka ya bumakumi abili na itatu ya bufumu bwakwa mfumu Yoashi, abapapatilishi tabawemyepo nangu lukoso kimo mwitempele yoo. ⁷ Penka imfumu Yoashi yalichile mupapatilishi Yehoiada kabili na bambi abapapatilishi; alilabile kulibo, ''Mba nisa mulandu tamuwemye nangu kimo ikya mwitempele? Pano mwipoka indalama ili yonse ukufuma ku bakasonka benu, sombi Sendeni yenka iyakolonganwa ku kuwamye fya mwitempele kabili muipele kuli balya kubombe kinto ya kukuwamya.'' ⁸ Kanshi abapapatilishi balisumine ukubula kupoke ndalama shili shonse kufuma mu bantu kabili ne kubula ukuwamya abene mwitempele. ⁹ Mukifulo kyafifi, Yehoiad umupapatilishi alibulile mbokoshi ya mishilo ne kuichibula kakipunda pa kishinko kyayo, ne kuibika kulubali lwa kipailo, kulubali lwakukuso ili muntu alengila mu ñanda ya Ba Yawe . Abapapatilishi abalesunga pa kwingilila balibikilemo indalamo shonse ishaletelwe mu ñanda ya Ba Yawe. ¹⁰ Nga kyakwebachi bamone ndalama yafulisha mu mbokoshi, umulembeshi wa mfumu kabili ne mukulu wabapapatilishi bafwile baisa ne kubike ndalama mu fyola kabili penka ne kuapenda, indalama isangwa mwi tempele ya Ba Yawe. ¹¹ Balipaine ndalama iyaminwe mu maboko abantu abalesunga bwino tempele ya ba Yawe. Baliyipaine ku bakapala bambao kabili ne ba kusompa ababomba kwi tempele yaba Yawe, ¹² Kabili nakubasompa kumabwe kabili ne basompa ne mabwe, akushitamo imbao kabili ne mabwe akutobaula fyakuwamya tempele ya Ba Yawe, kabili naku fyonse ififwaikwa kukupela ku kuiwamya. ¹³ Sombi ndalama ishaletelwe mu ñanda ya Ba Yawe tayapenwepo kukupangila ifi ifintu fya Siliva kwachi mankomenki, amalampi, amabeseni, amatolompita, nangu kyonse ikya kubofya kipangilwe ne golonde nangu siliva yo-o. ¹⁴ Balipaine iyi ndalama ku balya ababombele kinto yakuwamye ñanda ya Ba Yawe, ¹⁵ Mukulundapo, tabaline kwipusha ipusha balepoke ndalama achi balondolole pafyo bashipoka kabili ne kupela ku bakubombe kinto yo-o, pakuchi aba bantu bali bakishinka. ¹⁶ Sombi ndalama yakufuma mu milambo ya kufwa ne milandu kabili ne milambo ya bubi tayaleisa mwitempele ya Ba Yawe yo-o, pamulandu fyali fya bapapatilishi. ¹⁷ Penka Hazaeli imfumu ya Alami alilukukile ne kulwa na mushi wa Gati, kabili nekumupoka. Hazaeli penka alibwekelemo ku Yelusalemi. ¹⁸ Yoashi mfumu yaba Yuda yalibulile fintu fyonse ifyo Yeholami na Ahaziaya, bawishi bakwe, imfumu yaba Yuda, yali fipatwile, kabili ili yafipatwile, kabili na yonse golode iyasangilwe mu fipinda fya kusungilamo ifya mu ñanda ya Ba Yawe kabili ne fya mfumu ne kufituma kuli Hazaeli alifumineko ku Alami. Penka Hazaeli alifumine ku Yelusalemu ne kubwekelamo kwakwe. ¹⁹ Kabili na palwa milandu imbi iyakwa Yoashi, fyonse fiakichile, tafilembelwe ma mabuku a fyakichikilwe ifya mfumu sha ba Yuda? ²⁰ Babomfi bakwe balimine kabili ne kupangana pamo; balilukukile Yoashi mu Beti Milo, kunshila iya kunkuluka ne kuya ku Sila. ²¹ Yozabadi umwana mwalaume wakwa Shimeati, kabili na Yehozabadi umwana mwalalume wakwa Shomer, babomfi bakwe, balimulukukile, kabili alifwile. Bali mushikile Yoashi ne bashakulu bakwe mu mushi wa Dafiti, kabili Amaziaya, umwana wakwe mwalalume, alikele mfumu mu kifulo kyakwe.