¹ Lelo Sauli, alicilile ukulalanda ifya kutinya ne fya kwipaya abasambi bakwa Shikulu, Alile kuli shimapepo mukalamba ² no kuya kumulomba ama kalata ya masunagoge mu Damaseke, pakwebati umfwa asangako aba Nshila, cibe baume nangu abanakashi, enga batwala balikakilwe ku Yerusalemu. ³ Lintu alikuya, cali citikile ukwebati lintu apalamine ku Damaseke, mukupumikisha kwalishile kumoneka ulubuto ukumushinguluka ulwafumine mu mulu; ⁴ kabili aliponene panshi kabili alyumfwile shiwi likolanda kuli ena, ''Sauli, Sauli, bushe nindo ukompakashila?'' ⁵ Saulo alyaswike, ''Ni mwebo bani, mwe Shikulu?'' Shikulu alilandile ati, ''Ninebo Yesu, uyo ukopakasa; ⁶ lelo ima, ingila mu musumba, kukolandwa kuli webo fintu ufwile ukucita." ⁷ Abaume abo bali kwenda na Saulo baliminine ukwabulo kulabila, balikumfwa ishiwi, lelo ukwabula ukumona nangu umo. ⁸ Saulo, alimine panshi, na lintu aiswile amenso yakwe, tamwene icili conse; eco balimwikete pa kuboko no kumutwala mu Damaseke. ⁹ Pa nshiku shitatu talikumona, kabili talilepo nangu ukunwa. ¹⁰ Nomba kwali umusambi ku Damaseke ishina lyakwe Anania. Shikulu alilandile kuli ena mu cimonwa, ''Anania!'' Alilandile ati, ''Moneni, epo ndi, mwe Shikulu." ¹¹ Shikulu alilandile kuli ena, ''Ima no kuya ku musebo uyo uwitwa uwakololoka, kabili mu ng'anda yakwa Yuda uye kwipusha palwa muntu afumine ku Tarsi uweshina lya Sauli, pantu akopepa. ¹² Alimwene mu cimonwa umuntu we shina lya Anania aisakwingila no kubika iminwe yakwe pali ena, pakwebati enga mona nakabili." ¹³ Lelo Anania alyasukile, mwe Shikulu, nalyumfwa ku bengi palwa uyu muntu, ubonaushi acitile kuba mushilo benu mu Yerusalemu. ¹⁴ Alipokele nsambu ukufuma kuli shimapepo mukalamba ukukakila uuli onse kuno uwakwita peshina lyenu." ¹⁵ Lelo Shikulu alilandile kuli ena, kabuye, pantu cibombelo candi icasalwa, kukutwala ishina lyangi ku bena Fyalo na ku shamfumu na ku bana bakwa Israeli. ¹⁶ Pantu ndi no ku mulanga ifyo akaculila ishina lyandi." ¹⁷ Eco Anania alile, no kwingila mu ng'anda. Pakubika iminwe yakwe pali ena, alilandile ati, "Munyinane Sauli, Shikulu Yesu, uwa monekele kuli webo pa musebo lintu walikwisa, alintumine pakwebati winga mona no kwisushiwamo na Mupashi wa Mushilo." ¹⁸ Apopene ifintu ifyakuba kubati mamba fyaliponene ukufuma mu menso yakwa Sauli, nao alimwene nakabili, alimine no kubatishiwa; ¹⁹ kabili alilile kabili alikosele. Alikele na abasambi mu Damaseke pa nshiku ishingi. ²⁰ Apopene alibilishe Yesu mu ma sunagoge, ukulanda ukwebati Mwana wakwa Lesa. ²¹ Bonse abalemukutika balepapwike abati, "Bushe uyu te muntu waonawile abali mu Yerusalemu abalikwita pali ili ishina? Aisa kuno mukubasenda abakakwa kuli bashimnapepo mukalamba." ²² Lelo Sauli alile alekoselako, no kulafundaula aba Yuda abaikele mu Damaseke mukushininkisha ukwebati Yesu ni Kristu. ²³ Panuma ya nshiku ishingi, Aba Yuda bapangene capamo ukumwipaya. ²⁴ Lelo amapange yabo yalishibikwe kuli Sauli. Balondele iminshi akasuba no bushiku pakwebati bamwipaye. ²⁵ Lelo abasambi bakwe balimubulile ubushiku no kumwikishisha panshi mwilinga, ukumusolomwena mu museke. ²⁶ Lintu aishile ku Yerusalemu, Sauli elyeseshe ukuikuminisha ku basambi, Lelo bonse balimutinine, tabasumine ukwebati ali musambi. ²⁷ Lelo Barnaba alimubulile noku mutwala ku batumwa, no kubeba fintu Sauli amwene Shikulu pa musebo no kwebati Shikulu alilandile nankwe na fintu ku Damaseke Sauli alandile mukushipa mwi shina lyakwa Yesu. ²⁸ Ali na bena, bakoingila no kufuma monse mu Yerusalemu. Alikulanda mukushipa mwi shina lyakwa Shikulu Yesu ²⁹ no kwipushanya na ba ciHela; lelo balikonkenyepo ukwesha esha ukumwipaya. ³⁰ Lintu bamunyina baishibe ici, balimutwele ku Kaesarea no kumutuma aye ku Tarsi. ³¹ Eco kanshi, ulukuta mu Yudea monse, Galili, na Samaria mwali umutende no kukulwa; no kwendela mu katina ka kwa Lesa, na ku bwafwilisho bwa Mupashi wa Mushilo, ulukuta lwali kulile mu mpendwa. ³² Nomba calishile kube fyo, lintu Petero alikwendauka mu citungu conse, kabili atentemukile na ku bamushilo bakwa Lesa abalikwikala mu Luda. ³³ Kulya alisangileko umuntu we shina Anea, uwasendeme mu busanshi bwakwe pa myaka cine konsekonse, ico ali uwa bulebe. ³⁴ Petero alilandile kuli ena, "Anea, Yesu Kristu akundapa. Ima pita ubusanshi bobe, " kabili apopene alimene. ³⁵ Abantu baikele mu Luda na Sharone balimwene umuntu kabili bali pilibukile kuli Shikulu. ³⁶ Nomba mu Yopa mwalipo umusambi we shina lya Tabita ( ilyakupilibula, " Dorka"). Uyu mwanakashi ali uwaisulamo imilimo iya bune nefya nkumbu efintu alikucita ku balanda. ³⁷ Calishile kuba ifyo muli shilya nshiku ukwebati alilwele no kufwa; lintu bamusambike balimulalike mu muputule wa pa mulu. ³⁸ Ico Luda ni mupepi na Yopa, na basambi balyumfwile ukwebati Petero ali kulya, balitumineko abaume babili kuli ena, ukumupapata ati, "Wendeshe wise kuli fwebo wikokola." ³⁹ Petero alimine no kulya na bena. Lintu afikile, balimutwele pa muputule wa pa mulu, naba mukamfwilwa bonse baliminine lubali kuli ena bakolosha, bakomulangisha imingila ne nsalu nsintu Tabita aba bilile lintu ali nabo. ⁴⁰ Petero atamfishemo bonse abali mu muputule, alifukeme panshi, no kupepa; Nolu, alipilibukile ku citumbi, alilandile ati, " Tabita, buka." Elo aiswile amenso yakwe, na pakumona Petero alikeleko. ⁴¹ Petero alimutambike ukuboko kwakwe noku mwimya; na lintu akutile abantu bamushilo bakwa Lesa na ba mukamfwilwa, alimupele kuli bena uwa mweo. ⁴² Ici cintu caishibikwe mu Yopa monse na bantu abengi balicetekele pali Shikulu. ⁴³ Calicitike ukwebati Petero alikele inshiku ishingi mu Yopa no mwaume wa inikilwe Simone, kanuka.