¹ Nomba muli shilya nshiku, ulo impendwa ya basambi balikusanduluka, ukuilishanya kuba ciHera kwa tendeke ku ba ciHebere, pantu bamukamfwilwa babo bali kubacilila mu fya bwafwilisho bwa cila bushiku. ² Elo abekumi na babili baitile icintubwingi ca basambi kuli bena no kulanda ati, "Taciyene kuli fwebo ukuleka icebo cakwa Lesa no kuya pyungila pa matebulo. ³ Eco mwe bamunyinane musale, abaume cine lubali, ukufuma muli mwebene, abaume ba misango ya bune, abaisulamo Mupashi na mano, abo twingasonta pa mulimo uyu. ⁴ Lelo fwebo, twakula twalilila mukupepa na mukupyunga kwa cebo." ⁵ Ifyo balandile fya sekeshe ibumba. Eco balisalile Stefani , umuntu waiswilemo icitetekelo no Mupashi wa Mushilo, Filipi, Prokore, Nikanore, Timone , Parmena, na Nikola , iNsangu umwina Antioke. ⁶ Abasumina baliletele aba bantu ku cinso ca batumwa, abo abapepele kabili balibikilepo indupi shabo pali bena. ⁷ Eco icebo cakwa Lesa calikonkenyepo ukusalangana, ne mpendwa ya basambi mu Yerusalemu yalikulile sana, ne mpendwa iikalamba iya bashimapepo yalinakila ku citeketelo. ⁸ Nomba Stefani, uwaiswilemo ukusenaminwa na maka, alikucita ifipesha mano ne fishibilo fikalamba ku bantu. ⁹ Lelo kwalimine abantu bamo abali kulubali lwe sunagoge ilya leitwa isunagoge ilyaba kakulwa, abaku bena Kurene na bena Alekesandria, na bamo ukufuma ku bena Kilikia na Asia. Aba bantu balikukansana na Stefani. ¹⁰ Lelo tabali na maka ya kwansha amano no Mupashi umo Stefani alikulandila. ¹¹ Elo bapele amafisa kanwa, ku bantu bamo no kulanda ati, "Tulyumfwile Stefani akolanda ifyebo fya miponto kuli Mose na kuli Lesa." ¹² Balibalamwine abantu, abakalamba, na ba kalemba, kabili balile kumanya Stefani no ku mwikata no ku mutwala ku cilye. ¹³ Baliletele ba kambone babufi, abalandile ati, "Uyu muntu taleko ukulanda ifyebo fya kupontela iyi ncende ya mushilo na malango. ¹⁴ Pantu twali kumumfwa akolanda ukwebati uyu Yesu umwina Nasarete akatoba ino ncende no kwalula itambi isho Mose ashile kuli fyebo." ¹⁵ Umuntu onse uwaikele mu cilye alolekeshe amenso pali ena no kumona pa cinso cakwe palikumoneka kubati ni malaika.