¹ Ulo Petero na Yohane balelanda na bantu bashimapepo na kangalila we tempele na baSaduke balishile kubeminina. ² Bena balicushiwe pantu Petero na Yohane balikusambilisha abantu no kubilila Yesu wabushiwe ukufuma ku bafwa. ³ Eco Cali icungulo, balibekete no kubabika mu cifungo ukufika ulucelo. ⁴ Lelo abantu abengi abaumfwile cebo balitetekele, ne mpendwa ya bantu yali ukufika ku makana yasano. ⁵ Awe bushiku bwakonkelepo kwali ukulongana kwa bakateka wabo na bakalamba, na bakalemba mu Yelusalemu. ⁶ Anasi shimapepo mukalamba na Kayafa na Yohane na Alekesandere na bonse abali aba mulupwa lwa kwa shimapepo mukalamba eko bali. ⁷ Kabili baliminike Petero na Yohane pakati kabo elo babepusha ati, "Bushe maka nshi mukocitilako ifintu nangu ni mwishina nshi mukobembela?" ⁸ Nomba Petero, aliswilemo no Mupashi Wamushilo, alibebele ati, "Mwebo mwe ntumgulushi sha bantu na bakalamba, ⁹ umfwa fwebo lelo mukotulubulwisha pa mulimo usuma tubombele uwakuposha umuntu walwele, na mu musangoshi uyu muntu apolele, ¹⁰ lekeni cishibikwe mwebo bonse na ku bantu bonse abena Israeli ukwebati Uyu muntu aminine pa cinso cenu umumi mwishina lya kwa Yesu Kristu umwina Nasaleti, uo mwatanike, lelo Lesa alimubushishe ukufuma kubafwa. ¹¹ Yesu Kristu ilibwe ilyo imwe bakakula mwasulile elyaisa kuba ilyakwikasha icifutu. ¹² Eco takuli ipusukilo mu muntu umbi, pantu takwaba ishina limbi pe samba lya mulu ilyapelwa ku bantu umotwinga pusukila." ¹³ Nomba ulo bamwene ukupama kwa kwa Petero na Yohane kabili balikutulwike ukwebati bantufye, abakubula masambililo, balipapile, balishile kwishiba ukwebati Petero na Yohane bilipamo na Yesu. ¹⁴ Pantu balimwene ulya muntu waundepwe aliminine nabo, tabakwetepo ica kulanda pali ici. ¹⁵ Lelo panuma yakweba abatumwa ukufuma pa cilya, balisoshenye umobabelele. ¹⁶ Ukweba ati, "Tukocitashani kuli aba bantu? Pantu icishibilo ca cishinka cilicitilwe ukupitila muli bena cilishibikwe ku bekashi bonse aba mu Yerusalemu, tekuti tucikane. ¹⁷ Lelo pa kwebati cilunduluka mu kati ka bantu natubasoke ukwebati belakulandila mwishi ili ku muntu onse nakabili. ¹⁸ Nolu balibetile nokubakonkomesha ukwebati belakulanda nangu kwikata umuntu mwishina lya kwa Yesu. ¹⁹ Lelo Petero na Yoane balyasukile no kweba ati, "Umfwa cililungeme mu menso ya kwa Lesa ukunakila mwebo nangu ukukila Ena, pinguleni mwebene. ²⁰ Pantu fwebo tulifililwe ukuleka ukulanda pa fintu ifyo twamwene no kumfwa." ²¹ Panuma yakutwalila ukubasoka Petero na Yohane, balibalekele ukuya. Pa kubula ukusanga umulandu wa kubalimwinapo, pantu abantu bonse balikucindika Lesa pali ico catike. ²² Umuntu uo wacitilwe icishibilo ca kuposhiwa ali nalimo imyaka amakumi yane. ²³ Panuma yakubalekelako mubuntungwa Petero na Yohane balile ku bantu babo, nokulanda fyonse ifyo bashimapepo mukalamba naba bakalamba balandile kuli bena. ²⁴ Ulo baumfwile ifi, balisanswile amashiwi yabo kuli Lesa no mutima umo, no kweba ati, "Shikulu, mwalenga myulu ne calo na bemba, na fyonse ifyabamo . ²⁵ Mwasosele ku Mupashi wa mushilo mu kanwa ka mubomfi wenu Dabidi, shifwe Dabidi, nga nindo inko sha bena fyalo shilulunkanina, na bantu belenganishisha ifintu fyabubi ifya fye? ²⁶ ''Mwalisosele ati, 'ishamfumu sha pe sonde shaibika pamo na bakateka babungana pamo muku pansha shikulu na Kristu wakwe'' ²⁷ Mu cine cine Herod na Pontsho Pilato, pamo na bena fyalo na bena Israeli, balilongene pamo muli uyu musumba ku pansha Yesu umubomfi wenu uwamushilo, uo mwasubile. ²⁸ Balilongene pamo ku kucita fyonse ifyo ukuboko kwenu na mapange yenu fyapekenye kabela ku kale ukwebati ficitike. ²⁹ Nomba, Mwe Shikulu, moneni pa misoko yabo, no kupela abasha benu ukulanda icebo cenu nokushipa konse. ³⁰ Tambaliko ukuboko kobe ku kuposha nokupela ifishibilo ne fipesha mano mwishina ilya mubomfi washila obe Yesu. ³¹ Panuma ya kupepa, umobalongene pamo mwalitenkene, na bonse balisushiwemo Umupashi wa Mushilo, no kulanda icebo kwa Lesa mukushipa. ³² Awe cinabwingi ca tetekele nabo abali mutima umo na mano yamo na umo wamuli bo atile, takwali uwaletu ica pali ifyo akwete cakwe, lelo fyonse fyali fya bonse. ³³ Na maka ayakalamba abatumwa balikushimikila ubunte bwabo ubwa kwima kwa kwa Shikulu Yesu, nokusenamina ku kalamba kwali pali bena. ³⁴ Mukati kabo twamwali uwabulishe nangu umo, bonse abakwete impanga nangu amayanda apali fitupa , balishitishemo ulupiya no kuleta ulupiya lwafumine mu fyo bashitishe ³⁵ no kutulu pa makasa ya batumwa, kabili balyakenye ukulingana nefyo umo abulishe. ³⁶ Yosefe, Uyo abatumwa bakuta ati Barnaba (ilipibula ukweba ati umwana wa cisasamushi),umwina lebi, umuntu wa fumina Saiprus. ³⁷ Alishitishe ipanga yakwe, no kuleta ulupiya no lutula pa makasa ya batumwa.