¹ Ulo bapingwile ukwebati tufwile ukuya no bwato ku Italia, bali bikile Paulo na bamo abafungwa kuli mushika wa mwanda uwali kwitwa Yuli, uwali mpuka ya bena Augusti. ² Twalipateme mu bwato ubwali kuya ku Adramuti ubo bwasungamine ukuya kululamba lwa Asia . Eco balile kuli bemba. Aristarki ukufuma mu Makedonia alile na fwebo. ³ Ubushiku bwakonkelepo balifikile mu musumba wa Sidone, palya Yuli acitile Paulo inkumbu kabili alimusuminishe ukuya ku babiye ukuya kusekelelwa. ⁴ Ukufuma palya twalile kuli bemba kabili twalile kushingilila Kupro, mupepi naku cishi, pamulandu wa mwela wali kucilinganya uko twali mukuya. ⁵ Ulo twapitile ukwabuka pe tenga lya lungatene na Kilikia na Pamfulia, twalifikile pa Mura, umusumba wa Lukia. ⁶ Palya, mushika wa ba mwanda alile kusanga ubwato ubwali kufuma Alekesandria ubo bwali mukuya ku Italia. Abutukile mulya. ⁷ Ulo twalikuya bucebuce pa nshiku ishingi na pa kulekelasha twalifikile na mafya mupepi Kinidi kabili mwela tawatusuminishe ukuya ilya nshila, twali shingulukile lubali na Krete, ukulungatana na Salmone. ⁸ Twalyendele imilundu iyingi na mafya, mpaka ulo twafikile pa ncende iitwa Ifishobe Fyabune, iyali mupepi no musumba wa Lasea. ⁹ Twali poselepo inshita iitali, inshita ya kufunga kwa ba Yuda nayo yalipilile kabili calishile kuba icakutinya pakwenda. Eco Paulo alibasokele bonse, ¹⁰ kabili alilandile ati, ''Ku baume ndimwene ubulendo twalalile ukuya mwaba ukuceneka no lofya ukukalamba, tekufipefye no bwato, lelo ne myeo yesu." ¹¹ Lelo mushika wa mwanda alyumfwililepo cilongoshi no mwine wa bwato, ukucila pa fintu ifyo Paulo alandile. ¹² Pantu ku cabu takwali ukwa kwanguka ukwikala mu mupepo, ba coba abengi bali pandile amano ukufumapo, kabili umfwa mu nshila iili yonse kuti twingafika umusumba wa Foinike, kukwikala palya mu mupepo. Foinike cali cabu camu Krete, ukwalungatene konse kukabanga bushilya na lubiye kukabanga. ¹³ Ulo umwela wa kukapinda ka kukuso katampile ukupupa pole pole, bacoba balitontonkenye ukwebati balikwete ifyo bali kufwaya. Eco balimishe inanga no kuya mulya mwine mu Krete, mupepi naku mulundu. ¹⁴ Lelo ulo papilile akashita kanono umwela wa cikuka, uwalikwitwa lubala lwa kukapinda ka ku kabanga na ka kukuso, walitampile ukutuma panshi ukufuma pa cishi. ¹⁵ Ulo ubwato waiketwe ku mabimbi kabili takwalipo ukutwapo icimwela, twali fumishiwepo ku mabimbi kabili balituposele lubali ku mwela. ¹⁶ Twali mukuya ku kushingila ku cishi cinono icalikwitwa Kauda, na mafya twalifilishe ukufumya akabwato ka kupusukilamo. ¹⁷ Ulo basumbwile akabwato ka ku pusukilamo, balibomfeshe imyando no kukakila mwisamba lya cibwato. Kabili balikwete umwenso wakwebati befuma patulundulundu twa musensenga lwa Surti, eco baliponeshe itanga palibemba kabili balisendelwe. ¹⁸ Twali sunkaniwe cibi na mabimbi icakwebati ubushiku bwa konkelepo balitampile ukuposa ifipe ukufumyamo. ¹⁹ Ubushiku bwa citatu bacoba balitampile ukuposa ifipe fya kubombelako ifya mu bwato bali kubomfyafye amaboko yabo. ²⁰ Lintu akasuba ne ntanda tafya sanike pali fwebo pa nshiku ishingi, na mabimbi ayakalamba yaliwile pali fwebo, ne subilo lya kwebati kuti twapusushiwa lwalipwile. ²¹ Ulo baendele intamfu iintali ukwabula ukulya, nolu Paulo aliminine pakati ka bacoba kabili alilandile ati, ''Mwe baume, nga mwalyumfwile kuli nebo, nga tamwa tampile ukuya ku Krete, eco twamwenene ukucenwa no kulofya uku. ²² Nomba nkomweba ukwebati mushipe, takwakabe ukulufiwa kwa myeo, lelo kanofye ukulofya kwa cibwato. ²³ Ico ubushiku bwacele kwalishile malaika wakwa Lesa uo nasuminamo ulya nshinshimuna - malaika aliminine ku mbali yandi ²⁴ no kulanda ati, ''Wiba no mwenso, Paulo. Ufwile waiminani ku ntanshi yakwa Kaisare, no kumona, Lesa mu nkumbu isho apela kuli abo bonse abali palwendo na mwebo.' ²⁵ Eco mushipe, mwe baume! Pantu nditetekele Lesa ukwebati cikacitika pamo ngefyo banjebele. ²⁶ Lelo tufwile twabutukila pa cishi .'' ²⁷ Ulo ubushiku bwe kumi na shine bwafikile, twasunkilwe uku na kulya muli bemba wa Adriatic, nalimo ubushiku pakati bacoba balitontonkenye ati bali mupepi nokusanga umulundu. ²⁸ Intu babulile ukushinguluka balile kusanga ukushika amakumi yabili; panuma ya kashita kanono, balisangile ukushi sana sana kabili balisangile ikumi limo na fisano ukushika. ²⁹ Bali kwete umwenso ukwebati nalimo twalaibumba mufimabwe, eco baliponeshe inanda shine ku cisolo kabili balipepele ukwebati ulucelo lufike bwangu. ³⁰ Bacoba bali kufwaya inshila iya kushilamo icibwato kabili balisolomwene kabwato ka kupusukilamo ukukaponesha pali bemba, no ku bepekesha ukwebati bakoposa inanga ukufumina ku fisolo. ³¹ Lelo Paulo alilandile kuli mushika wa mwanda umo na ku fita, ''Kanofye aba abaume bakoikala mu cibwato, tamwapusuke.'' ³² Nolu ifita fyaliputwile intambo ku bwato no kuleka buye bulasendwa. ³³ Ulo ubushiku bwa kuca bwa monekele, Paulo ali bakoseleshe bonse ukusenda ifya kulya. Alibebele ati, Ubu bushiku bwakulenga ikumi na shine ubo mwaikala mu kusungilila ukwabula ifya kulya - no kukana lyamo ica kulya nangu cimo. ³⁴ Eco nko mupapata ukwabana icakulya, pantu ici cikofwaika pakwebati mupusuke. Pantu takwabe nangu umo pali mwebo uukolofyapo umushishi umo ku mutwe wakwe.'' ³⁵ Ulo alandile ici ali bulile umukate no kutotela kuli Lesa pa cinso cabo bonse. Kabili alimokawile umukate balitampile no kulya. ³⁶ Nolu bonse balikoseleshiwe kabili bonse balibulile ica kulya. ³⁷ Twali myeo 276 abali mu cibwato. ³⁸ Lintu balile ifya kulinga, balilengele icibwato ukwanguka pamulandu wa kuposa ingano pali bemba. ³⁹ Lintu bwacele, tabaishile calo, lelo balimwene icishobwe no lulamba, kabili balilanshenye nga cakwebati benga twalo bwato kulya. ⁴⁰ Eco bali putwile imyando ya nanda no kushisha muli bemba. Pa nshita imo ine banenwine ntambo sha banaosa no kwimishe tanga lya ku ntanshi ku mwela; eco balifikile ku lulamba. ⁴¹ Lelo icibwato calyumine mutulundulundu lwa musesenga no kuya panshi. Ne cisolo calitikile palya bafililwe no kusela, ne cisolo ca kunuma calilepwike pamulandu wa kusunkwa na mabimbi. ⁴² Amapange ya bashilika balifwaile inshila ya kwi pailamo abafungwa pakwebati takuli nangu umo uwinga samba no kufyuka. ⁴³ Lelo mushika wa mwanda umo alifwaile ukupususha Paulo, eco alibaleshe ifyo balikupanga; kabili alyebele abo abaishiba ukowa ukubalilapo ukutolokela mu menshi no kuya ku mulundu. ⁴⁴ Elo bambi abaume abashalapo bakonkepo, bamo ni pafipifya fya mbao, na bambi muli filya ifintu fyali mu cibwato. Muli iyi nshila bonse twalifikile abomi ku mulundu.