¹ Eco Agripa alilandile kuli Paulo ati, "Kuti wailandila we mwine." Elo paulo atambalike ukuboko kwakwe no kutampa ukuipopolwela. ² ''Nayumfwa uwa ku sansamuka, mwe Mfumu Agripa, ukuleta umulandu wandi kuli mwebo, palwa fyonse ifyo na shininwa ku ba Yuda, ³ maka maka apo mwebo muli ncenshi mu ntambi na mepusho ya ba Yuda. Eco nkomipapata ukunkutika mukutekenya. ⁴ Mucine, aba Yuda bonse balishiba ifyo naikele ukufuma ku bulumendo bwandi mu luko lwandi na mu Yerusalemu. ⁵ Balinjishiba ukufuma ku kutendeka, umfwa bakofwaya fye ukucisumina, ukweba ati nalikele ngo mu Farise, umwabele ciputulwa ca mipepele yesu. ⁶ Nomba naiminina pamo ku kupingulwa pa mulandu we subilo lyandi nakwata ku cilayo ico Lesa acitile kuli bashifwe. ⁷ ni ci cine icilayo imitundu yesu ikumi na ibili basubila ukupokelela ulo bakopimpa mu kushinsimuna Lesa ubushiku na kasuba. kabili ni pali ili line subilo, mwe mfumu, epo aba Yuda bakonshinina. ⁸ Nindo uuli onse pali mwebo mwinga cipingwila ukuba icishinga tetekelwa ukweba ati Lesa alabusha abakufwa?'' ⁹ Nomba icine cine, nandi ne mwine nalitontonkenea palwa kucita fintu ifingi ifya kupakase shina lyakwa Yesu, umwina na Nasarete. ¹⁰ Nalikucita ifi fintu mu Yerusalemu. Nalisalile mu fifungo abantu abengi aba mushilo bakwa Lesa ku maka na pelwe kuli bashimapepo bakalamba; nolo balikubepaya, nandi nalikusuminishako. ¹¹ Nali kubakanda monse mu masunagoge imiku iyingi no kwesho ukubapatikisha ukuponta. Nalibakwatile icipyu icikulu no kubotokela nali kubakonka no kubapakasa ukufika ku misumba ya mu fyalo fimbi. ¹² Lintu nalikucite fi, nalimukuya ku Damaseke ne nsambu na mafunde ukufuma kuli bashimapepo mukalamba; ¹³ kabili mu nshila mulya, akasuba pakati, mwe mfumu, nalimwene ulubuto ukufuma ku mulu ulwali kubengeshima ukucila akasuba, lwalisanikile no kutushinguluka bonse naba abaume nali nabo pa bulendo. ¹⁴ ulo twawile panshi fwense, nalyumfwile ishiwi likolanda kuli nebo mu lulimi lwa ci Hebere, Sauli, Sauli, nindo uko mpakasashila? Cakwafya kuli webo ukupanta icakusoswelako.' ¹⁵ Nolu nalyebele ati, "Nimwebo bani, mwe Shikulu? Na shikulu alyaswike ati,"Ninebo Yesu uo webo ukopakasa. ¹⁶ Nomba ima iminina ku makasa yobe; pamulandu waifi nalimonekele kuli webo ukukusonta ukuba umubomfi kabili kambone palwa fintu fyonse ifyo waishiba pali nebo nomba nefyo nkakulanga ku ntanshi; ¹⁷ kabili nkakupokolola ku bantu na ku Bena fyalo uko nkokutuma, ¹⁸ ukuya kubashibula amenso kukuleka bapilibuke ukufuma ku mfinshi balole ku lubuto bapilibuke na ku maka yakwa Satana balole kuli Lesa, pakweba ati bapokelele ukufuma kuli Lesa ukwelelwa kwa membu shabo no bupyani ubo mpela kuli abo aba shishiwa ukupitila mutetekela muli nebo.' ¹⁹ Eco, mwe mfumu, Agripa, nshatalamine icimonwa ca mu mulu; ²⁰ lelo, nalibilikeshe pakubala mu Damaseke; elo na ku Yerusalemu, na monse mu calo ca Yudea, elo na ku Bena fyalo, nalibilikishe icebo ukweba ati balapile no kupilibukila kuli Lesa, ukucita ificitwa ifi yene ukulapila. ²¹ Emulandu aba Yuda bangikatile mwi tempele no kwesha ukunjipailapo. ²² Eco nalipokelela ubwafwilisho ukufuma kuli Lesa ukufika no bwa lelo line, kabili naiminina bunte ku babusu na bakankala tekulanda fimbi kano ifyo bakasesema na Mose balandile ukwebati fikesakucitika - ²³ ukweba ati Kristu afwile ukucula, na pakuba uwa ntanshi ukubuka ku bakufwa akabilo lubuto ku bantu besu elo na ku Bena fyalo." ²⁴ Ulo Paulo apwile ukuipopolwela, Feste alilandile ne shiwi likalamba, ''Paulo, walipena; ukusambilila kobe ukwingi kwalikulengo kupena." ²⁵ Lelo Paulo alyebele ati, "Nshapena, mwe ba katamisha ba Feste, lelo nkolanda amashiwi aya cine kabili aya mutembo. ²⁶ Pantu imfumu yalishibe palwa ifi fintu; eco nkolandila mukushipa kuli ena, ndishibile ati tapalipo nangu cimo icafisama kuli ena; pantu ici cintu tacacitilwe ku mbali. ²⁷ Bushe mwalisumina muli ba kasesema, mwe mfumu Agripa? Nalishiba ati mwalisumina.'' ²⁸ "Agripa alandile kuli Paulo ati, "Mukashita akanono uko nashanasha ukuba umwina Kristu. ²⁹ Paulo alilandile ati, "Nkopepa kuli Lesa ukweba ati nangu ni mukashita akanono nangu munshita iitali temwe mweka iyo, lelo na bonse abakongumfwa lelo, nga cakweba ati bengaba kubati ninebo, lelo ukwakubula ifi fikakilo fya mu cifungo." ³⁰ Nolu imfumu yaliminine, no mulashi, na Bernike nao, nabo abaikele nabo pamo; ³¹ ulo bafuminemo mu cikulwa, balikulanda shanya pamo umo no munankwe no kweba ati, "Uyu muntu tacitapo umulandu engafwilapo nangu ukukakwa." ³² Agripa alyebele Feste ati, "Uyu muntu ngalikakwilwe umfwa taile kushina kuli Kaisare."