¹ Nomba, Festasi pa kuba mu chitungu, panuma ya nshiku shitatu, alifumine ku Kaisaria no kuya ku Yerusalemu. ² Bashimapepo bakalamba na babuteko bwa ciYuda balifishishe kuli ena imilandu sha kwa Paulo, kabili balimulombele umufuma cumi ukwebati-- ³ abacitile ububile pali Paulo-- ena amukute ku Yerusalemu, pantu balipangene ukumwikalila mu nshila emobamwipaile . ⁴ Festasi alibaswike ukwebati, Paulo akosungwa ku Kaisaria, eko nkobwelela ululwine. ⁵ "Eco kanshi, abaipeleshe, " Efyo alandile, "Tulekuya nabo kulya, nga pali filubo akwete muye ku mushinina." ⁶ Festasi taikele inshiku ukucila cinekonsekonse nangu ikumi nololwine ena alitentemukile ukuya ku kaisaria, no bushiku bwakonkelepo alikele pa cipuna ca bupingushi elo abeba ukuleta Paulo pali ena. ⁷ Ulo afikile, abaYuda ukufuma ku Yerusalemu baliminine mupepi nankwe, balitanpile ukumupa imilandu iya-kwafya iyo nabo tabalipo ne fishinka. ⁸ Paulo mukuipokolola alilandile ati, " Nshicitile lubembu palwe funde lya ciYuda nangu mwi tempele nangu kuli Kaisare." ⁹ Lelo Festasi alikufwaya ukusekesha abaYuda, eco alyasukile Paulo ukwebati. "Bushe ukofwaya uninike ukuya ku Yerusalemu ukapingulwe na nebo palwa iyimilandu kulya?" ¹⁰ Paulo alyasukile ati, "Ndiminine kucipuna ca bupingushi ica kwa Kaisare eko mfwile ukupingulwa. Nshalufyanye aba Yuda, ngefyo nemwe bene mulishibile bwino bwino. ¹¹ Nangufye umfwa nga ndilufyenye elo kabili nga ndicitile icakupingwilwa ukufwa, ntakokana ukufwa. Lelo nga umutunganya wabo wafye, tapali nangu umo uwingapela kuli bena. Nkolomba kulubulula kuli Kaisare." ¹² Panuma Festasi alanshenye ne cilye, alyaswike ukwebati, " Walomba ukuya kuli Kaisare.Kuli Kaisare eko ukaya!" ¹³ Nomba panuma ya nshiku shalinga, Imfumu Agripa na Benisi balifikile ku Kaisaria mukupo ubutandashi bwa butugulushi kuli Festasi. ¹⁴ Panuma yakuba kulya pa nshiku ishingi, Festasi alitulile umulandu wa kwa Paulo ku mfumu, alilyebele ati, "Umuntu umo balimushile mu cifungo kuli Felix ngo mufungwa. ¹⁵ Ulo nali ku Yerusalemu, bashi-mapepo bakalamba na bakalamba ba baYuda baliletele imilandu ya uyu muntu kuli nebo kabili balilombele ubupingushi bwa kusekwa kwakwe . ¹⁶ Nalibaswike ukweba ati tauli mwata waci Roma ukupela uuli onse libe uo bakotunganya talamonana nabakomutunganya no kumupa akashita kakuipokolola ku milandu. ¹⁷ Eco nomba, ulo baishile pamo kuno, nshaposele nshita, lelo ubwakonkelepop nalikele pa cipuna ca bupingushi kabili naebele ukuleta uyu muntu mu cilye. ¹⁸ Ulo abali kumutunganya baiminine, imilandu bamupele tapali uo namwenemo ububi. ¹⁹ Mu nshila imbi bali nefikansa fya mipepele yabo na palwa muntu umo Yesu uwafwile, uo Paulo aishiba ukuti wa mweo. ²⁰ Nshaishibe bwino bwino ifyo ninga fwailisha uyu mulandu, eco namwipwishe nga kuti afwaya ukuya ku Yerusalemu mukulubulula pa lwa iyi milandu. ²¹ Lelo ulo Paulo alombele ukulindwa pakulolela ubupingushi bwa kwa kanabesa mulopwe, nalyebele ukuti asungwe mu cifungo nkasuke mutuma kuli Kaisare." ²² Agripa alilandile kuli Festasi."Nandibo nkofwaya ukumfwa kuli uyu muntu." "Mailo," Felisitasi alyebele ati, "Mukamumfwa." ²³ Eco pa bushiku ubwa konkelepo, Agripa na Benisi balishile mukusefiwa ukwacila, balingile mucikulwa naba shilika bakalamba kabili nabacindami ba mu musumba. Na pa cebo ca kwa Festasi Paulo aliletelwe kuli bena. ²⁴ Na Festasi alibebele fi, "We mfumu Agripa, Nemwe mwe bantu bali pamo nefwe, mulimwene uyu muntu, conse cinkupiti ca baYuda calinjebele ku Yelusalemu na kuno kwine, kabili balibilikishe kuli nebo ukuti talingile kuba no mweo. ²⁵ Nebo ntasangile umulandu wakumulenga ukufwa; lelo pantu alombele ukupingulwa na kanabesa mulopwe, nasalile ukumutuma uko alombele. ²⁶ Lelo ntakwete ifyo ningalemba ifituntulu kuli shikulu. Nipamulandu uyu, namuleta kuli mwebo, maka-maka kuli mwe mfumu Agripa, pakwebati ningakwata ifikankala ifya kulemba pa mulandu uyu. ²⁷ Pantu kuti caba icakubula ubulole nebo ukutuma umufungwa ukwabula ukulanda imilandu akwete."