¹ Panuma ya nshiku shisano, Anania shimapepo mukalamba, na balakamba bamo, ne njishikweba iitwa Tertuli balile kulya. Aba bantu baliletele imilandu yakwa Paulo pa cinso ca mulashi. ² Ulo Paulo aiminine pa cinso ca mulashi, Tertuli alitendeke ukumupela imilandu no kulanda ku mulashi ati, "Pamulandu wenu twalikwata umutende uukalamba, kabili ukutontonkanya kwenu kuleta ukucinja kwa bune mu luko lwesu; ³ eco no kutolela konse tukopokelela fyonse ifyo mucita, mweba cindikwa Felikisi. ⁴ Pakwebati nshi mwikatilile ilyo, nkomupapata mu cikuku cenu ati mu tumfweko panono. ⁵ Pantu tulisangile ukwebati uyo muntu utusakamike kabili eukolenga ba Yuda bonse aba mu fyalo fyonse ukusanguka. Ni ntungulushi ya ba cakaniko ca bena Nasarete. ⁶ Kabili alyeseshe no ku koweshe tempele, eco tumwikatile. ^{7 8} Ulo mukoipusha Paulo pali ifi fyonse, "Mukosanga no kusambillila pa fintu fyonse tukplimupelelapo imilanda." ⁹ Aba Yuda nabo baponenemo mukumupela imilanda no kusuminisha, ukwebati imilanda yali ya cine. ¹⁰ Lelo ulo mulashi aebele Paulo ukwebati alande, Paulo alyaswike ati, Nalishiba ukwebati pa myaka iingi mwebo mwaba kapingula muli luno luko, kanshi eco ndi wa nsansa ukuilondolola kuli mwebo. ¹¹ Kuti mwasambililapo mwebo ukwebati tapalapita inshiku ikumi na shibili apo nailile mukupepa mu Yerusalemu. ¹² Ulo bansangile mwi temple, nshatalikenepo no uli onse, kabili nshafulungenyepo amabumba, cibe ni mu ma sunagoge, nangu ni mu musumba. ¹³ Tekuti banshinine kuli mwebo ifilubo fyonse ifyo bakompela. ¹⁴ Lelo ndesuminisha ici kuli mwebo, ukwebati ukulingana ne Nshila, iyo bakuta icakaniko, mpyungila Lesa wa bashifwe, ukutetekela fyonse fyabelo mwalola amalango nefya lembelwe muli bakasesema. ¹⁵ Ndi kwete subilo muli Lesa, ico aba bantu nabo bakwata, icakwebati kukabo kubuka ku bafwa kwa bonse abakulungama na ba talungama. ¹⁶ Eco ndatulukusha ukuba na kampingu wa kaele kuli Lesa na ku bantunse. ¹⁷ Nomba panuma ya myaka iingi nalishile kukupela ifya kumbu ku luko lwandi no kupela malambo. ¹⁸ Ulo na citile ifi, bamo aba Yuda ukufuma ku Asia balinsangile mu kusangululwa mwi tempele. Takwali ibumba nangu ni mpokota. ¹⁹ Aba bantu bafwile babe kuli mwebo no ku nshinina, umfwa balikwetepo fimo. ²⁰ Nga teifyo, aba bantu bamo bene bafwile balanda ifilubo basangile muli nebo ulo naiminine ku ciye ca ba Yuda, ²¹ kanofye limbi nga nipa cintu cimo ico na bilikishe lintu naiminine pali bena, 'Ni pa mulandu wa kubuka kwa bafwa eko nebo nkopingwilwapo lelo kuli mwebo."' ²² Elo Felikisi, pakwishiba no kushinikisha palwa Nshila, aliminike icilye. Alilandile ati, "Ulo Lusia mushika wa mpuka ya fita akesa ukufuma ku Yerusalemu, nkesa patula umulandu wenu," ²³ Nolu alyebele mushika ukwebati afwile ukusungila Paulo mu cifungo, lelo ukumuleka alekuyendela panono pakwebati takuli nangu umo uwa muli ba cibusa wakwe abakukanishiwa ukumupyungila. ²⁴ Panuma ya nshiku ishinono, Felikisi alibwelele pamo na Drusila umukashi wakwe, uwali mu Yuda, kabili alitumine kukwita Paulo no kumfwa kuli ena ulwa kutetekela muli Yesu Kristu. ²⁵ Lelo ulo Paulo atendeke ukulanda pa bulungami, ukuteka umutima, no kwisa kwa bupingushi, Felikisi aliketwe umwenso kabili alilandile ati, "Kabuye pali ino nshita. Lelo ulo nkakwata inshita limbi, Nkakwita." ²⁶ Pa nshita imo ine alisubile ukwebati Paulo ako mupelako indalama, eco ilingi alikumwita no kulanda nankwe. ²⁷ Lelo ulo papitile imyaka ibili, Porki Feste alishile kuba umulashi ukupyana Felikisi, lelo Felikisi alikufwaya ukutemuna aba Yuda, eco ashile Paulo mu cifungo.