¹ Awe Paulo pakulolekesha amenso pa cilye, aebele ati, "mwebamunyinane, nebo ndi mukaya kuli Lesa muli kampingu onse uwabune ukufika nakubusiku buno." ² Awe shimapepo mukalamba Anania alyabele abaimaninepo ukumuuma pakanwa. ³ Elo Paulo alandile kuli ena, Lesa akoma weebo, we cibumba cashingulwako ulupemba. Kabili weeboo uulikele ukompingula umwalola amalango, kabili pakupula mu malango uleeba ukwebati bangume, tefyo?" ⁴ Lelo abaiminine lubali balilandile ati, "Bushe ukotuka shimapepo wakwa Lesa?" ⁵ Paulo alilandile ati, "Nteshibile, mwe bamunyinane, ukwebati nishi mapepo mukalamba. Pantu calilembwa ati, kateka wa mu bantu bobe wikamulandila fya bube." ⁶ Lelo Paulo pakumona ati lubali lumo ba Saduki na lubali lumbi ba Falise, alipundile mu cilye ati, "Mwebamunyinane, nebo ndi mu Falise, umwana wa ba Falise. Pamulandu wa kucetekela kututubuka kwa bafwa eco nebo ndepingwilwa." ⁷ Ilyo alandile ifi, nefikansa fyalimine pakati ka ba Falise naba Saduki, ne bumba lya lyakanikilemo. ⁸ Pantu aba Saduki balanda fyo takuli ukututubuka, takuli naba malaika, ne mipashi takwaba, lelo aba Falise balisumine pali fyonse ifi. ⁹ Awe kwaliimine, iciwowo cikalamba na bakalemba bamo aba lubali kuba Falise baaliiminko kukansana, ukweba ati, "Tatu sangilemo akabi nangu kamo muli uyu muntu. Lelo ngomupashi nangu malaika alanda kuli uyu muntu?" ¹⁰ Ilyo kwaimine ifikansa, mushika wampuka alitinine ukwebati nalimo Paulo kuti aputaulwa mutupimfya kuli bena, alyebele abashilika uku mufumya mu kati ka cilye mu kupatikisha nokumubika umwacingililwa. ¹¹ Ubwakonkelepo ubushiku Shikulu alimenine lubali noku mukoselesha ati, "Witina, ifyo upele bunte palwa nebo mu mu Yerusalemu efyo uli nokupela ubunte na mu Roma." ¹² Awe ilyo bwacile abaYuda balipangene nokulapo mulapo, uwa kuti tabalye nangu ukunwa icili conse basukefye bepaye Paulo. ¹³ Kwali abantu nalimo ukucila amakumi yane abapangile akabungwe. ¹⁴ Baliile kuli shimapepo mukalamba na bakalamba noKubeba ati, "Tuli lapila umupapo uukulu ukukana lya akantu nangu kamo tusuke twipaye Paulo epaiwe. ¹⁵ Eico, nomba, lekeni icilye citume mushika mukalamba ukumuleta amutentemushe kuli mwebo, nga mwebakofwaya ukwishibisha icishinka capa mulandu wakwe. Nefwe tuliipekenya ku kumwipaya ulo ali talapalama ukwisa kuno." ¹⁶ Lelo umwipwa wa kwa Paulo pa kukutika amapange yabo, alile kwingila umwali Paulo noku mweba. ¹⁷ Paulo akutile umo pa bamwanda nokumweba ati,"Uyu mulumendo mutwale kuli mushika, wa mpuka pantu ali necakulanda kuli ena. ¹⁸ Eco uwamwanda wampuka apitile umulumendo amutwele kuli mushika mukalamba nokwebati, "Paulo umufungwa nankuta, anombele ukuleta umulumendo uyu. Alikwete icalanda kuli mwebo." ¹⁹ Mushika wampuka aliimwikete pakuboko nokumutwala pacifulo icabelama noku mwipusha ati, "Cinshi ico ukwete icakulanda kuli nebo?" ²⁰ umulumendo alandile ati, "Aba Yuda balipingwile ukumilomba ukuti mukatentemushishe Paulo ku cilye mailo, kwati bakofwaya ukwipushisha cimo ica pali ena. ²¹ Lelo mwimupela kuli bena, pantu balifulile ukucila napa makumi yane abakomulalilila. Bali ibikile napa mulapo wakuleka ukulya no kunwa basuke bepaye Paulo. Nanomba line bali ipekenye bakololela mwebo mubasuminishe." ²² Elyo mushika wampuka alekele umulumendo ukuya, nokumukonkomesha, "ebulako muntu nangu umo ukuti namucenjeshako nokusokolola fyonse kuli ena. ²³ Elyo akutile babili aba mwanda nokubeba ati, "Baye bateyanye abashilika imyanda ibili ukuti bayeku Kaisarea, nabapali bakabalwe amakumi cinelubali, na bamafumo imyanda ibili.Muli nokwima pa nsa iyalenga shitatu ubushiku." ²⁴ Aba konkomeshe ukupekanya ifitekwa ifya kuti Paulo aninepo, nokumufisha umutende kuli Felikisi umulashi. ²⁵ Alilembele ne nkalata nge ifi: ²⁶ "Klaudi Lisa kuli kateka umucindami wacilamo Felikisi, mwapoleni. ²⁷ Uyu muntu aliketwe kuba Yuda kabili ali mupepi nokwipaiwa naliileko nefita mukumupususha, ico pakwishiba ukuti aali mwina Roma. ²⁸ Nalifwaishe ukwishiba ico bamubepeseshe, eco naliimutwele ku cilye cabo. ²⁹ Nasaangile ukuti balikumushinina ulwa mulandu ya malango yabo, lelo tabalikumushinina icamuwamine imfwa nangu ukufungwa. ³⁰ Elo naebelwe ukuti kuli ukupangila uyu muntu kuba Yuda, nalimutumine kuli mweebo ulolwine, nalikonkomeshe abalikumushinina ukulubulula ifyapali ena kuli mwebo. shaleenipo." ³¹ Eco ifita fyalyumfwilile ifyo bafyebele. Fyalibulile Paulo fyali mutwele ubushiku ku Anti patri. 32 ³² Ubushiku bwakonkelepo, ifita fyalilekele abapali bakabalwe ukuya nao fyalibwelele naku nkambi. 33 ³³ Ulo abali pali bakabalwe bafikile ku Kaisarea balipele kalata ku mulashi balitwele na Paulo kuli ena. ³⁴ Nao ilyo abelengele inkalata, alipwishe icalo Paulo afumineko. Ilyo aishibile ukutila waku Silisia, ³⁵ alilandile ati, "nkakukutikisha umulandu obe ilyo abakukushinina bakesa." Elo aebele ukuti bamusungile mwisano mwa Herode.