¹ Ulo twafikile umutende, twalisambilile ukuti icishi calikukutwa malta. ² Abekashi bakaya tabatulangilefye cilela ca fye, lelo balikoseshe umulilo no kutusengela fwebonse pa mulandu wa muloke wa mfula ne citalalishi ca kutwalilila. ³ Lelo ulo Paulo atebele icikako ca nkuni no kubika pa mulilo ifwafwa lyalifumine pa mulandu wa cikabilila no kuipomba ku kuboko kwakwe. ⁴ Ulo abekashi bakaya bamwene iciswango cilipeleme ku kuboko kwakwe, balilandile kuli umo no munankwe ati,'' Uyu muntu ukwabula ukutwishika ni kafimfita apusuka pa bemba, umulinganya taukomusuminisha ukuba uwa mweo.'' ⁵ Lelo alikuntile iciswango mu mulilo ukwabula ubutanshi nelyo bumo. ⁶ Balikulolela ati akofimba abe nempepo nangu ukupunukafye no kufwa. Lelo panuma yakumulolesha inshita ntali no ukumona ukuti takwali calubene kuli ena, balipilibwile amantontonkanyo yabo no kulanda ati mulungu. ⁷ Nomba mupepi nencende kwaliko icifulo ca kwa kanabesa wa pa icishi, umuntu uwalekutwa Pubiliasi. Alitupokelele bonse ne congwe mu bwanalale pa nshiku shitatu. ⁸ Icalipo ca kuti wishi wa kwa Pubiliasi alileleko aliketwe impepo no kupolomya umulopa. Ulo Paulo aile kuli ena, alipepele, nokubikapo indupi pali ena, no kumuposha. ⁹ Panuma yaifi fyacitika, abantu bambi abashele pali ici cishi abali namalwele balishile nabo balipolele. ¹⁰ Abantu nakabili balitucindike mumibele ingi iyabucindami.Nolo twalikupekanya ukuya, balitupele ifyo twalikukabila. ¹¹ Panuma ya myeshi itatu twalipateme ingalaba iyo ya ikele mu mupepo pa cishi, ingalaba yaku Alexandri, na ''tu mpundu twa milungu '' nge cishibilo. ' ¹² Panuma twafika ku mulundu mumu sumba wa Siracuse, twalikele kulya inshiku shitatu. ¹³ Ukufuma palya twaliselele no kuya ku mu musumba wa Regiumu. Panuma yabushiku bumo icimwela caku kapinda ka ku kulyo calimine, na mu nshiku shibili twalishile mu musumba wa puteoli. ¹⁴ Uko twalisangile bamunyinefwe bamo kabili twalike nabo inshiku cinelubali. Muli iyi nshila twalishile ku Roma. ¹⁵ Ukufuma kulya bamuninefwe panuma baunfwile palwa fwebo, balishile mukutukumanya ukucila pa mushiika wa Apiasi na mayanda yakutushamo yatatu. Paulo pakumona bamunyinefwe, ali lotole Lesa no kukoseleshiwa. ¹⁶ Ulo twaingile mu Roma, Paulo alisuminishiwe ukuikalila umwine pamo no mushilika uwalikumulinda. ¹⁷ Elo cali ifi panuma ya nshiku shitatu Paulo alikutile abali intungulushi mu baYuda.Ulo baishile pamo, alilandile kuli bena ati, "Mwa bamuninefwe, nangula ntacitapo cilubo ku abantu nangu ku ntambi shacishilano isha bashifwe, nebo nalisendelwe ngo mufungwa ukufuma mu Yelusalemu nokuntwala mu minwe ya bena Roma. ¹⁸ Panuma , ya mepusho yabo balikabile ukundakelako umuntungwa, pantu takwali ica kumpingwila ukufwa pafyo bantungenye. ¹⁹ Lelo ulo abaYuda basosele mukupililika ukabila kwabo, nalipindilwe ukulubulwila kuli Kaisare nangu camoneke kubati nalikwimya ukususha ukuli konse ku luko lwanda. ²⁰ Eico, nipa mulandu uyu , nebo nakutila mwebo kwebati nangamimona no kulanda nemwe, pantu nipa mulandu we subilo lya kwa Israeli nebo nomba ntabililwe iyi minyololo.'' ²¹ Nolu balisosele kuli ena ati, ''Fwebo tatwapokelelapo amakalata ukufuma ku Yudea palwa webo, nangu uuli onse pali ba munyinefwe ukwisa ne ntumi ukulanda iciliconse icibi pali webo. ²² Lelo fwebo tukofwaya ukumfwa kuli webo utontonkanyapo indo pali aka kabungwe kamipepele, pantu cilishibikwe kuli fwebo ukwebati takalandilwa cisuma impanga yonse.'' ²³ Ulo salile ubusiku kuli ena, abengi abantu balishile kuli ena pa cifulo alikwikala. Alitulile umulandu kuli bena, no kupa ubunte palwa bufumu bwa kwa Lesa. Ena alyeseshe ukubatentemba palwa kwa Yesu, pamofye ukutula mu mafunde ya kwa Mose na muli bakasesema, ukutula ulucelo ukufika icunuglo. ²⁴ Bamo balishininwe palwa fyo alikusosa, lelo bambi tabatetekele. ²⁵ Ulo tabasuminishenye umo no munankwe, balifuminepo panuma Paulo alandile ili isiwi limo: ''Mupashi Wamushilo alilandile bwino ukupitila muli Esaya kasesema kuli bashinwe. ²⁶ Alyebele ati, kauye kuli aba abantu no kubeba ati, '' Mukumfwa mukomfwa, lelo mwebo tamwakeluke, no Mukumona mukamona, lelo mwebo tamwakakutuluke. ²⁷ Pantu imitima ya aba bantu yalikutwa, na matwi yabo yatesha no bwafwa, bena balisele amenso yabo. Epali bamona na menso yabo, no kumfwa na matwi yabo, no kwiluka ne mitima yabo no kupilibuka nakabili, na ine nkabondapa.'" ²⁸ Eicho, mwebo mwishibe ukwebati ipusikilo lyakwa Lesa lilituminwe ku bena fyalo, na bena bakomgwa.'' ²⁹ Lintu alandile ifi fintu, abaYuda balile. Balikwete ukutalikishana abene beka. ³⁰ Paulo alikele imyaka ibili iituntulu mu nganda yakwe iyakusonkela, no kupokelela bonse abalikwiisa kuli ena. ³¹ Alikubila ubufumu bwabkwa Lesa, kabili no kusambilisha palwa kwa Yesu Kristu no kushipa konse ukwabula ukucilikishiwa.