¹ Lintu twafumine kuli bena no kunina mu bwato, twalungeme ukulola ku musumba wa ku Ko, no bushiku bwa ku konkelepo ku musumba wa Rode, no kufuma kulya twalile ku musumba wa Patara. ² Lintu twasangile ing'anda ukwabukila kwishilya ku Foinike, twalile kupatama mu bwato no kuya. ³ Panuma ya ku mona icishi ca Kupro, no kucishila ku lubali lwa kuso ulwa bwato, twalolele ku Suria no kufisho bwato ku Turi, uko ubwato bwali no kupatula ifipe fyalimo. ⁴ Panuma ya kusanga abasambi, twali tubilishe inshiku cine lubali. Ukupitila mu mupashi balikonkenyepo ukukonkomesha Paulo ukukanaya ku Yerusalemu. ⁵ Lintu inshiku shesu shapwile kulya, twalifuminiko no kuya inshila imbi, na bonse, na bakashi wabo na bana, balitukonkele ukutufumya mu musumba. Nolu twalifukeme panshi ku lulamba, no kupepa, ⁶ no kushalikapo umo no mu nankwe. Elo twapateme ingalaba, na bena bali bwelelemo kwabo. ⁷ Lintu twapwile ubulendo ukufuma ku Turi, twalifikile mu Tolemai. Kulya twaliposeshe ba munyinefwe kabili twalikele na bena pa bushiku bumo. ⁸ Ubushiku bwa konkelepo twalimine no kuya ku Kaisarea. Twalingile mu ng'anda yakwa Filipo, kabila wa mbila, uwali umo pa bali cinelubali, kabili twalikele nankwe. ⁹ Nomba uyu muntu alikwete, bana cisungu bana abanakanshi abali kusesema. ¹⁰ Lintu twaikele kulya inshiku shimo, kwalishile ukufuma ku Yudea kasesema uwe shina Agabu. ¹¹ Alishile kuli fwebo no kupito mushipi wakwa Paulo. Nao ali upombele ku makasa yakwe na maboko na ukulanda ati, "Ifi efya landa Mupashi wa Mushilo, 'Ifi efyo aba Yuda mu Yerusalemu bali no kukakila umwaume umwine wa uyu mushipi, kabili bali no kumupela mu minwe ya Bena fyalo." ¹² Lintu twaunfwile ifi fintu, bonse fwebo na abantu baikele muli iyo ncende balipapete Paulo uku kanaya ku Yerusalemu. ¹⁴ Elo Paulo ayaswike ati, "Findo mukocita, ukulelila no kutobaula umutima wandi? Pantu ndi uwaiteyanya, teku nkakilafye, lelo no kufwila mu Yerusalemu pe shina lya Shikulu Yesu." ¹³ Ico Paulo tatomposhiwe, twalikele tondolo kabili twalilandile ati, "Lekeni ubufwayo bwa kwa Shikulu bucitwe." ¹⁵ Panuma ya nshiku ishi, twalimishe bakatundu besu no ukuya ku Yerusalemu. ¹⁶ Twalile na bamo abasambi ukufuma ku Kaisarea. Baliletele pamo umwaume wainikilwe Minasone, umwaume ukufuma ku Kupro, umusambi wa ntanshi, uyo twali no kwikala nankwe. ¹⁷ Lintu twafikile mu Yerusalemu, ba munyinefwe balitusengele ne nsansa. ¹⁸ Ubushiku bwakonkelepo Paulo alile nefwe kuli Yakobo, na bakalamba balukuta bonse eko bali. ¹⁹ Lintu abaposeshe, alilondolwele cimo cimo ifintu ifyo Lesa acitile ku Bena fyalo ukupitila mu bupyungishi bwakwe. ²⁰ Lintu baumfwile ifi fintu, bali lumbenye Lesa, na ukulanda kuli ena, "Uli mwene, munyina, impendwa amakana abatetekele muba Yuda. Bonse baliipeleshe ukusunga amalango. ²¹ Balyebelwe Palwa webo, ukwebati ulasambilisha aba Yuda bonse abekala pamo na Bena fyalo ukuleka Mose, kabili ukwebati ulebasambilisha ukukana sembulula abana, no ukukana endela ukulingana ne nshila sha ntambi. ²² Tukacita shani ? Bali no kumfwa mucine ukwebati ulishile. ²³ Eico ucite ifyo tukolanda kuli webo. Tulikwete abaume bane abapangile umulapo. ²⁴ Senda aba baume no kuisangulula we mwine na bene, na ukubalipilila amalipilo , pakwebati babeye na ku mitwe. Ifyo bonse bali no kwishiba ukwebati fyonse ifyo balikulanda palwa webo fya bufi. Bali no kusambilila ukwebati nobe ukoikala mu bulungami, akosungilila amalango. ²⁵ Lelo palwa Bena fyalo abo abatetekele, twali lembele palwa ukupingula kwesu ukwebati bafwile uku ikanya abene ukufuma ku fintu ifya kuitula ku tulubi, ku fya mulopa, ku nama iyatitilwa, na ku fya bulalelale." ²⁶ "Nolu Paulo alisendele abaume, no bushiku bwakonkelepo aliisangulwile umwine pamo na bena. Elo baingile mwi tempele, ukupela ifipope palwa nshiku sha kuisangulula lintu shikafikilishiwa na lintu ifya mutulo fikapelwa kuli cila umo pali bena. ²⁷ Lintu inshiku cinelubali shali mupepi no kupwa, bamo aba Yuda ukufuma ku Asia, pakumona Paulo mwi tempele, balimishe bumba lyonse kabili bali mwikete. ²⁸ Bali kubilikisha ati, "Mwe baume bamu Israeli, Twafweni. Uyu e muntu usambilisha bonse abantu konse ifintu ifyapusana ku bantu, amalango na palwa ino ncende. Na cimbi, na kabili aliletele aba Hela mwi tempele no ku kowesha iyi incende iya mushilo." ²⁹ Ico balimwene Trofimu umwina Efeso pamo na ena mu musumba mu nshiku sha kunuma, kabili balitontonkenye ukwebati Paulo ewa muletele mwi tempele. ³⁰ Onse umusumba wali sangalele na bantu balebutauka capamo kabili balikete Paulo. Bali mutakenye kabili bali mufumishe mwi tempele, na ifibi fyaliselwe lilya line. ³¹ Lilya bakofwaya uku mwipaya, "Ilyashi lyalishile ku mukalamba wa mpuka ukwebati Yerusalemu yonse ilifundaike ne fyongo. ³² Lilya line alisendele abashilika na bakalamba babashilika no ukutentemukila ukwali ibumba. Lintu abantu bamwene umukalamba wa mpuka na bashilika, bali lekele ukuma Paulo. ³³ Nolu umukalamba wa bashilika alipalamene no kupokolola Paulo, no ku bakonkomesha ukumukakila ne minyololo ibili. Nolu alipwishe nga ni nani nefyo acitile. ³⁴ Bamo mwi bumba bali kubilikisha cimo icintu na bambi cimbi. Apo umukalamba wa bashikilika afililwe ukusambilila icishinka pa mulandu wa congo conse, ali bakonkomeshe ukwebati Paulo bamutwale munkambi ya bashilika. ³⁵ Lintu aninine pa matabo, alisendelwe ku bashilika pa mulandu wa cimfulunganya ce bumba. ³⁶ Ico ibumba lya bantu lyali konkele no kukonkanyapo ukulabilikisha, "Mufumyenipo uyu!" ³⁷ Lintu Paulo apalamine ukutwalwa munkambi, alilandile ku mukalamba wa bashilika, "Bushe cilisuminishiwe nebo ukulandapo fimo kuli webo?" Umukalamba wa mpuka alilandile, "Bushe walishiba ici Hela? ³⁸ Bushe tauli umwina Egupti uyo shimo nshita akale atampile ubusangushi no kusongelekanya amakana yane aya baume 'Intalamisoka' ukushitungulula mu matololo?" ³⁹ Paulo alilandile ati, "Nebo ndi mu Yuda, ukufuma mu musumba wa Tarsi mu Kilikia. Umwikashi wa mu musumba uutacindama. Nebo nkomipapata, nsuminisheni ukulanda ku bantu." ⁴⁰ Lintu umukalamba amupele insambu, Paulo aliminine pa matabo no kwimya maboko ku bantu. Lintu batalele tondolo, alilandile kuli bene mululimi lwa ciHebere. Alilandile ati,