¹ Panuma impokota yalekele, Paulo alitile abasambi noku bakonkomesha, alibalaile afumineko no kuya ku mesodinia. ² Ulo apitile mu mpanga shilya nokubakonkomesha ku fyebo ifingi ena alishile ku Grisi. ³ Panuma yakwikalako imweshi itatu kulya, aba Yuda balimupingile ulo alikutontonkanya ukuya ku Syria, Alibwelelemo ukupita ku Macedonia. ⁴ Baile pamo nankwe ukufika ku Asia. Sopatere mwana Pihus ukufumaku Berea, Aristakas na Tecundus ukufuma ku Tesalonika bonse abacetekela Gai umwina Derbe, na Timote nabena Asia. Tukiki na Trofimu. ⁵ Aba bantu balitangileko balelolela fwebo pa Troa. ⁶ Twalifumine ku Filipi panuma ya nshiku sha mukate utatutumuka na mu nshiku shisano twalishile kuli bena ku Troas. Kulya twalikeleko inshiku cine lubali. ⁷ Pa bushiku bwa ntashi ubwa mulungu, Ulo twalongene mukumokaula mukate; Paulo alilandile ku batetekela. Alikupanga ukufumako ubushiku bukakonkokapo, Eco alitwalilile ukulanda ukufika na pakati kabushiku. ⁸ Mulya mwali inyali ishingi mu putule wa pamulu umo twalongene. ⁹ Awe pa nsolokoto palikele umulumendo ishina lyakwe Yutuki, uwali no tulo utwine twine. Paulo pa kulanda inshita ntali, uyu mulumendo, alifye alilele, aliponene ukufuma pa ng'anda ya pamulu iya chitatu atolelwe alifulile. ¹⁰ Lelo Paulo alile panshi nokulala pali ena alyololweke elo amufukatila. Elo aeba ati, "Mwitwalilila ku kuntikilwa, pantu ali uwa mweo." ¹¹ Paulo aile pamulu nokumoaula umukate nokulya elo alandile nabo inshitafye ukufika naku maca, nolu alifumineko. ¹² Elo baletele umulumendo awa mweo kabili balisansamushiwe apakalamba. ¹³ Fwebo twalile nokutangilila Paulo mu chibwato twaendele nokufika ku Asosi, eko twalikusubila Paulo ukuninina. Ifi efyo alefwaya ukwebati ficitike pantu apingile ukwenda panshi. ¹⁴ Ulo atukumenye ku Asosi, twalimusendele mu cibwato no kuya ku Mituleni. ¹⁵ Napakuya ukwa pa menshi twafikile ubushiku bwa konkelepo apalungatene necishi ca Kio. Ubushiku bwa konkelepo twafikile pa chishi cha Samo no bushiku bwa konkelepo twafikile ku musumba wa Milete. ¹⁶ Paulo asalile ukuuya ku Efese, pakuti episha akashita mu Asia; pantu alikufwaya ukuba mu Yelusalemu pa bushiku bwa Pentecost, nga cakuti camunakila ukucita ifyo. ¹⁷ Ukufuma ku Milete alitumine inkombe ku Efese alikutile abakalamba ba lukuta. ¹⁸ Ulo baishile kuli ena, alibebele ati, "Mwebo mulishibile, ukufuma ubushiku bwa ntashi ubo nanyantile ulukasa mu Asia, ifyo naleposa nenu inshita. ¹⁹ Nalikupyungila Lesa mukuicefya kwa mitima ne filamba, elo no kucula ukwacitike pali nebo pa mulandu wa mapange ya ba Yuda. ²⁰ Mulishibile ifyo nebo ntalelolela ukulanda kuli mwebo ifintu ifyo fyali ifya mulimo, ifyo nalikumisambilisha pa lwalala elyo ing'anda ne ng'anda. ²¹ Ukupa bunte ku baYuda na baGriki palwa kulapila kuli Lesa no citetekelo muli Shikulu Yesu. ²² Nomba monine nkoya ku Yelusalemu, mukusunkilishiwa no Mupashi, ukwabula ukwishiba ifingancitikila kulya ²³ nipakwebati Umupashi wa Mushilo ifyo ulansoka muli cila musumba ifyo ifikakilo no kucucutika fikondolela. ²⁴ Lelo ntasakamana pa mweo wandi ukwebati uli cintu kuli nebo, nga kuti nafika kumpela kwa kubutuka kwandi no kupwisha ubupyungishi ebo napokelele ukufuma kuli Shikulu Yesu , ku ndishibile mbila nsuma ya kusenamina kwa kwa Lesa. ²⁵ Nomba monine, ndishibile ukwebati mwebo bonse, umo napitile nkobila palwa ubufumu, tamwakamone icinso candi nakabili. ²⁶ Eico nkopela ubunte kuli mwebo pa bushiku ubu ukwebati ndi wakaele pa mulopa wa muntu onse. ²⁷ Pantu ntakwindile ukufunda ifyebo fya kwa Lesa. ²⁸ Eico beni abacenjela pali mwebene napa mukuni uo Mupashi wa Mushilo amibikapo bu cilolo. Mube abacenjela pa kucema ulukuta lwa kwa Lesa, Ulo ashitile no mulopa wakwe. ²⁹ Ndishibile ukwebati panuma ya kuya kwandi, imimbulu shakutakanya shikesa muli mwebo kabili tashakaleke umukuni. ³⁰ Kabili ndishibile Kukema aba muli mwebo bene abantu bamo bakafulunganya icine ukwebati bafumyemo abasambi babo. ³¹ Eco mube abalola ibukisheni ifyo imyaka itatu nshalekele ukumusoka umo no munakwe ubushiku nakasuba mu filamba. ³² Nomba namipela kuli Lesa na cebo ca kusenamina kwakwe, icili nokumikula nomipa ubupyani bea abo bonse abakosangululwa. ³³ Ntakumbilwe silfere ya muntu, nangu ni golide nagu fyakufwala. ³⁴ Mwebo bonse mulishibile ukwebati imimwe yandi yalikubomba ubukabe bwandi nokwafwilisha abo bali nandi pamo. ³⁵ Muli fyonse nalikumulanga ifyo mwingafwa abanaka mu kubomba, elo nefya kwibukisha amshiwi ya kwa Shikulu Yesu, amshiwi ayo umwine alandile:"Cisuma ukupela ukucila ukupokelela." ³⁶ Panuma ya kulanda muli Uyu musango, alifukeme no kupepa nabo pamo. ³⁷ Kwali ukulila ukubi kabili Paulo bali mukumbete no kumutomona. ³⁸ Bali nobulanda bukalamba pafyo asosele. Ukwebati tabakamone icinso cakwe nakabili. Nolu balimushindike ku bwato.