¹ Cali citikile ukwebati ulo Apolo ali mu Korinti, Paulo alipitile ku calo icali pa mulu kabili alishile ku musumba uwa ku Efese, kabili alisangileko abasambi bamo kulya. ² Paulo alilandile kuli bena, "Bushe mwalipokelele Mupashi wa Mushilo ulo mwa tetekele?" Bali mwasukile, "Awe, tatwa umfwa napo palwa kwa Mupashi wa Mushilo." ³ Paulo alilandile ati, "Nikundo mwa batishiweko?" Bali mwasukile ati, "Mu lubatisho lwakwa Yohane." ⁴ Eco Paulo alyaswike ati, "Yohane abatisheko ulubatisho lwa kulapila. Alyebele abantu ukwebati bafwile ukutetekele fye muli uyo akoisa ku ntanshi ya kwe, emukwebati, ni Yesu." ⁵ Ulo abantu baumfwileko ifi, bali batishiwe mwi shina lya kwa Shikulu Yesu. ⁶ Nolu ulo Paulo abikilepo iminwe yakwe pali bene, Mupashi wa Mushilo alishile pali bena kabili balilandile mu ndimi shimbi kabili baliseseme. ⁷ Capamo bonse bali abaume ikumi na babili. ⁸ Paulo alile mwi sunagoge kabili alilandile mukupama pa myenshi itatu, ukulapelulula no kubabeleka ukubeba pa lwa bufumu bwa kwa Lesa. ⁹ Lelo ulo bamo aba Yuda bakosele no kukana nakila, balitampileko ukulanda ifibi pa Nshila kwi bumba. Eco Paulo alibashile no kusenda abasambi pamo nankwe, allikupelulushanya na bena pamo cila bushiku mwi sukulu lya kwa Turani. ¹⁰ Ico calikonkenyapo pa myaka ibili, pakwebati bonse abekala mu Asia bomfwe icebo cakwa Shikulu, bonse aba Yuda na ba Hela. ¹¹ Lesa alikubomba ifisngusho fyaibela mu minwe yakwa Paulo, ¹² icakwebati notusalu twa mu minwe yakwe ne nsalu isho afwele ku mubili wakwe fyabikilwe pa mibili ya balwele nabo balipolele ne ngulu shali kufuma muli bena. ¹³ Lelo kwaliko aba Yuda bakafumya wa fibanda abo abali kwendauka mu ncende. Balikutile pe shina lya kwa Shikulu Yesu pakweba ati bakwate amaka pa mipashi iya kowela lintu balandile ati, "Muli Yesu uyo Paulo abilikisha, na kukonkomesha ukufuma." ¹⁴ Shimapepo mukalamba umu Yuda, ishina lyakwe Skefa, alikwete abana abaume cinelubali abalikucita ifi. ¹⁵ Umupashi wa kukowela walibaswike, "Yesu ndimwishibe, na Paulo ndimwishibe; nga mwebo nimwe bani?" ¹⁶ No mupashi uwakukowela uwali mu muntu wali lompokele pa bali kufumya no kuba cimfya kabili walibomine sana. balifulumwike ukufuma mu ng'anda ubwamba bali cenawilwe. ¹⁷ Ico cintu calishibikwe kuli bonse, kuba Yuda na ba Hela, abalikwikala mu Efese. Balyumfwile sana umwenso, ne shina lya kwa Shikulu Yesu lyali cindikwe. ¹⁸ Kabili, na bengi abatetekele balishile kabili balilapile no kutampa ukuilandila pa fibi ifyo bacitile. ¹⁹ Na bengi abali kucita amayeye baliletele ifitabo fyabo no kufyoca pa menso ya bonse. Mu kukonka ukupenda kwa kufina kwa fiko fyali amakana amakumi yasano aya ndalama sha Silfere. ²⁰ Eco icebo cakwa Shikulu cali salangene mu maka ukufika ukutali. ²¹ Nomba panuma ifi fintu fyapwile, Paulo alitontonkenye mu Mupashi ukuya kupita mu Makedonia na Akaya lintu alikuya ku Yerusalemu; alilandile ati, "Panuma ya kuba kulya, mfwile kabili ukumona Rome." ²² Paulo alitumineko ku Makedonia babili abo abali kumupyungile, Timote na Erasti. Lelo ena umwine alikele mu Asia pa nshita iya kulinga. ²³ Pali kalya kashita kwaliko icimfulunganya mu Efese pa mulandu wa Nshila. ²⁴ Eko ali umuntu ishina lyakwe ni Demetri kafula wa Silfere, uwali kucito tufuba twa Silfere utwa Artemi, alikuleta icuma ku baletukuta ifya kutukuta. ²⁵ Kabili alikolongenye pamo bakatukuta abaume muli ilya milimo no kulanda ati, "Mwe baume, mwalishiba ukwebati mu makwebo aya tulasangamo indalama ishingi. ²⁶ Mukomona no kumfwa ukwebati, ala te mu Efese, lelo ni konse ukushinguluka Asia, uyu Paulo alyonanawile abantu no kubapilibula abengi. Akobeba ati, imilungu ya kupangwa ku minwe ya bantu te milungu. ²⁷ Ala te umo muli fye ubusanso umo ukutukuta kwesu kulefika mu ku kusalulwa, lelo ne co ica kwebati itempele umo umulungu ukota ukankala Artemi ukasulwa, no bukankala bukasulwa, uyo bonse mu Asia ne calo conse bashinshimuna." ²⁸ Ulo baumfwile ifi, baliswilemo ubukali no kulila, ukulanda ati, "Umukalamba ni Artemi wa mu Efese." ²⁹ Umusumba onse waliswilemo icimfulumfulu, na bantu balibutukile ne tontonyo limo ku ng'anda ya kutambilamo. kabili balisendele abali kwenda na Paulo, Gai na Aristarki, abafumine ku Makedonia. ³⁰ Paulo alifwaile ukuyako ukwali ibumba lya bantu, lelo abasambi bali mwimike. ³¹ Elo pamo, na bamo ababomfi ba buteko ba mu Asia abo abali ba cibusa bakwe bali mutumine akasebo no kumupapatila ukwebati eingila mu cikulwa ca kutambilamo. ³² Abantu bamo balikupunda icintu cimo, na bambi cimbi, ico ibumba lyali mu cimfulumfulu. abengi tabaishibe umulandu bakolonganine capamo. ³³ Ibumba limo lyali pandile amano Alekesandere, uyo aba Yuda balikusunkila ku ntanshi. Eco Alekesandere alimishe amaboko pakwebati ailandile ku bantu balongene. ³⁴ Lelo ilintu baishile kwishiba ati alifye umu Yuda awe bonsefye bali lilile apakalamba pa nsa shibili ne shiwi limo, ukulanda abati, "Mukalamba Artemi wa bena Efese." ³⁵ Lelo kalemba wa musumba alitalalike ibumba, alilandile ati, "Mwebo mwe baume ba mu Efese, ninane umwaume mulya uutaishiba ukwebati umusumba wa bena Efese wa kwa benye wa kwa Artemi mukalamba ne cipasho icaponene ukufuma mu mulu? ³⁶ MUkumona ukwebati ici cintu icishingakanishiwa, mufwilefye ukwikala tondolo nokukana butukila. ³⁷ Ico muliletele aba baume muli cimo cilye abashili aba pupu mwi tempele nangula abapontela umulungu wesu ukota. ³⁸ Eco, umfwa Demetri elo na batukuta abali nankwe nga balikwete cebo cakuilishanya pa muntu uuli onse, icilye cili pa mbilibili bakapingula eko bali. Balekeni babe abakushinima umo no munankwe. ³⁹ Lelo umfwa mukofwaya icili conse ici cilile pali ifi, cifwile ukubombelwapo lyonse fye mukulongana kwa bakaya. ⁴⁰ Pantu tuli mu bwafya bwa ku songelekanya imbuli shikocitika, kabili tapali ne cikolenga ici cimfulumfulu." Ulo alandila ifi, apashile no kulongana kwe bumba."