¹ Ulo ubushiku bwa pentekosto bwafikile, bonse balicapamo mu ncende imo. ² Mukupumikisha kwalishile iciunda ukufuma ku mulu nge cipupu ca mwela, kabili caiswile ing'anda yoonse umo baikele. ³ Kuli bena kwalimonekele indimi ishali kubati mulilo isha akanishiwe, kabili shalikele pali cila umo. ⁴ Bonse baliisushiwe no Mupashi Wamushilo kabili balitendekele ukulandila mundimi shiimbi, ukulingana nefyo Umupashi wabapele. ⁵ Nomba kwali abaYuda abali kwikala mu Yerusalemu, abantu bakwa Lesa, ukufuma ku nko shonse pe samba lya mulu. ⁶ Ulo iciunda caumfwikile, icina bwingi calishile capamo kabili califulanganishiwe pantu umuntu onse cilaumo alibomfwile bakolandila mululimi lwakwe. ⁷ Balisungwike no kupapa; ukweba ati, ''Icinefye bushe aba bonse tebena Galili? ⁸ Nindo tukobomfwila, mu lulimi lwesu umo twafyalilwa? ⁹ Abena Paritini na bena Medi na na bena Elamiti, nabo bonse abekala mu Mesopotamya mu Yudea na Capadocia mu Pontasi na Asia, ¹⁰ Abena Firigia na Pamfilia, mu Egipiti ne ne nende sha Libya ukulungatana na Cirene, na batandashi, ukufuma ku Roma, ¹¹ ''Aba Yuda na baProselytes,abena Cretan na bena Arabia, tukobomfwa bakolanda mu ndimi shesu ifya milimo ya bulamba bwa kwa Lesa''. ¹² Bonse balisungwike nokupeshiwa amano; balyebele kuli umo nomunankwe ati, ''Bushe capilibula nshi ici?'' ¹³ Lelo bambi balikubapumya ukwebati ''Balisushiwemo no mwangashi upya.'' ¹⁴ Lelo Petero aliminine pamo nabe kumi limo na umo, asanswile ishiwi lyakwe, no kweba ati kuli bena, ''Mwe baume ba mu Yudea na bonse abekashi bamu Yerusalemu, lekeni ici cishibikwe kuli mwebo; kutikisheni ku mashiwi yandi. ¹⁵ pantu aba bantu tabakolelwe ngefyo muletunganya, kabili cicilifye ulucelo pa nshinta ya naini koloko. ¹⁶ Lelo ifi efya soselwe ukupitila muli kasesema Yoweli; ¹⁷ cikaba mu nshiku shakulekelesha; Lesa alisosele ati ''Nkapongolwela Umupashi wandi pa bantu bonse. Abana benu abaume na bana benu abanakashi ba kasesema, abalumendo benu bakamona ifimonwa, naba kote benu bakalota ifiloto. ¹⁸ Icine cine pa babomfi abaume naba bomfi banandi abanakashi muli isho inshiku nkapongolwela Umupashi wandi kabili bakasesema. ¹⁹ Nkalanga, ifipesha mano mu lwelele mu mulu nefishibilo pano nse, umulopa, umulilo, ne cushi ca menshi. ²⁰ Akasuba kakalulwa mfifi no mweshi mu mulopa, ulo ubushiku ubukalamba ubwakupapusha ubwa kwa Shikulu tabulaisa. ²¹ Cikaba ukwebati onse uukakuta peshina lya kwa Shikulu akapusuka.' ²² Mwe baume ba mu Isreali umfweni kuli aya mashiwi: Yesu umwina Nazareti umuntu uwapelwe kuli mwebo na Lesa nefipesha mano ne fisungusho ne fishibilo ifyo Lesa acitile ukupitila muli ena pakati kenu ngefyo bonse mwaishiba. ²³ Uyu muntu apelwe na Lesa kalibela; naimwe, kuminwe ya bantu bampula mafunde no kumwipaya ukupitila mu kumutanika pa capindama. ²⁴ Lelo Lesa alimubushishe ku bafwa, pantu cali icakosa ukwebati imfwa imwikatilile ²⁵ Pantu Davidi aebele ati palwa ena 'nalimwene Shikulu pee pa cinso candi aba kulubali kwa kuboko kwa kulyo pa kwebati ninteletenta. ²⁶ Eico umutima wandi waliangile no lulimi lwandi lwalisangalele. Kabili umubili wandi ukekala mu mwisubilo we subilo. ²⁷ Tamwakashe umweo wandi ku mboo kabili tamwakaleke uwashila wenu ukubola. ²⁸ Mwalilenga inshila sha mweo shishibwe kuli nebo mukanenga ukwisulamo insansa mu ceni. ²⁹ Bamunyina, calungama kuli ine ukulada mu kupama pali uyu Davidi ukwebati alifwile kabili nokushikwa kabili inshishi yakwe yaba nefwe ukufika napabwalelo. ³⁰ Eco ali kasesema kabili aishibi ukuti Lesa alilapile umulapo kuli ena ati akabika limo uwamumusana wakwe pa cipuna. ³¹ Alimwene ukwebati cikacitika kuntanshi no kwebati palwa kubuka kwa kwa Kristu , ukwebati tashilwe ku mboo, nangu umubili wakwe ukubola. ³² Uyu Yesu-Lesa alimubushishe ico bonse twaba bakambone. ³³ Eico, ukuba uwasumbulwa ku kuboko ukwa ku kulyo ukwa kwa Lesa kabili ukuba abapokelela ubulayo umupashi wa mushilo ukufuma kuli wishi, ewapongolola ifyo mulemona nokumfwa ³⁴ Pantu Davidi taile ku mulu lelo alyebele ati, Shikulu alyebele kuli Shikulu wandi, ''ikala ku kuboko kwa kulyo kwandi, ³⁵ nkasuke nkalenge abalwani bobe icakunyantapo amakasa yobe.'' ³⁶ Eico lekeni ing'anda yonse iya kwa Isreali ishibe ukwebati Lesa amulenga ukuba Shikulu kabili Kristu, uyu Yesu uo mwatanike.'' ³⁷ Nomba ulo baumfwile ifi balikuntikilwe ku mitima, kabili balyebele Petero na batumwa bambi ati. ''mwebamunyinane, nindo twalacita?'' ³⁸ Elyo Petero alibebele ati, ''Lapileni no kubatishiwa onse uwamuli mwebo, mwishina lya kwa Yesu Kristu mukulekelelwa kwa membu shenu elo mukapokelela ica bupe ca Mupashi Wamushilo. ³⁹ Pantu ubu bulayo bwenu kabili na bana benu elo na bonse abakutali, abo umwine Shikulu Lesa akakuta." ⁴⁰ Mumashiwi ayengi alipele ubunte no kubakoselesha ukuti, "Pusukeni ukufuma kuli ino nkulo yakupondama." ⁴¹ Eco Nomba abo bapokelele ici cebo balibatishiwe, kabili kwalilundilwe pali bulya bushiku impendwa yabapuswike napamo amakana yatatu. ⁴² Bali ipele abene kumasambilisho yaba tumwa nakwisenge, mukumokaula umukate na mumapepo. ⁴³ Umwenso waliponene pa mweo onse ne fisungusho nefishibilo ifingi fyacitilwe ukupitila mu batumwa. ⁴⁴ Bonse abasumine bali capano. Kabili fyonse fyali fya bonse. ⁴⁵ Kabili balishitishe ifyo bakwete ifipe ne fikwatwa no kufyakanya kuli bonse ukulingana nokukabila kwa cila umo. ⁴⁶ Eco cila bushiku balikuipela kuli umo no munankwe lyonse mwi tempele kabili balikumokaula umukate mu mayanda, kabili balyakene icilyo bonse capamo ne nsansa mu mitima. ⁴⁷ Ukula kulumbanya Lesa nokukwata ububile ku bantu bonse kabili cilabushiku Shikulu alikulundako impendwa yabalikupusuka.