¹ Nomba ulo Bapitile mu misumba ya Amfipoli na Apolonia balifikile ku musumba wa Tesalonika umwali sunagoge iyaba Yuda. ² Paulo, nge fyali ulutambilwakwe, alile kuli bena, na pa nshiku she Sabata shitatu alikulanshanya nabo mu malembo. ³ Ali kwisula amalembo no kulondolola ukwebati cali icakulinga Kristu ukucula no kwisa kubuka kuba kufwa. Alilandile ati, "Uyu Yesu uo nkobilisha kuli mwebo ni Kristu," ⁴ Aba Yuda bamo balinashiwe kabili baliilundile kuli Paulo na Sila, kumo ne bumba ili kalamba ilya ba Hela abalikushinshimuna Lesa, na banakashi bakucindama abengi. ⁵ Lelo aba Yuda abakene ukucetekela, pakwisulamo akalumwa, balisendele abaume abakubipa ukubafumya ku mushika, balishile ku kolonganika ibumba ilikalamba capamo, kabili balingishe umusumba mucimfulunganya icikalamba. Baliile mukupanga icongo ku ng' anda yakwa Yasone, balikufwaya ukuleta Paulo na Sila ku bantu. ⁶ Lelo ulo bashabasangile balitwele Yasone na ba munyinefwe bambi ku bakalamba ba musumba, bakolila, "Aba baume ebapilibwile icalo balishile na kuno nako. ⁷ Aba bantu abo Yasone apokelele basangukila amaka yakwata Kaisare; bakolanda ati, kwalibako imfumu na imbi - Yesu." ⁸ Balicushishe amabumba na bakulu ba musumba abaumfwileko ifi fintu. ⁹ Lelo panuma ya kubula icikatilo kuli Yasone na banankwe, balibalekeleko ukuya. ¹⁰ Bulya ubushiku ba munyinane balitumine Paulo na Sila ku Berea. Ulo bafikile kulya baliile mu Sunagoge yaba Yuda. ¹¹ Nomba aba bantu bali abakankala pali balya abali mu Tesalonika, pantu balipokelele icebo mukuipekanya mu mano, ukubebeta mu malembo ukumona umfwa ifi fintu fya cishinka. ¹² Eco abengi muli bena balitetekele, ukubikapofye na bamo abanakashi abakankala abaHela na baume abengi. ¹³ Lelo ulo aba Yuda baku Tesalonika baishilekumfwa ati, Paulo na kabili akoshimikila icebo cakwa Lesa mu Berea, baliileko nokuya kufundawila no kusonkelesha ibumba. ¹⁴ Elo apo pene, ba munyinane balitumine Paulo ukuya kuli bemba, lelo Sila na Timote balikele kulya kwine. ¹⁵ Abo abalikutungulula Paulo balimutwele ukutali ukuya kufika na ku musumba wa Atena. Lintu bashile Paulo kulya balipokelele ifya kukonka palwa kwa Sila na Timote ukuya uko ali mukwangufyanya. ¹⁶ Lelo lintu Paulo alikubalolela ku Atena, umupashi wakwe wali kumusonsomba ilintu amwene umusumba uliswilemo utulubi. ¹⁷ Alikupelulushanya cila bushiku mu sunagoge naba Yuda na bantu bambi abalikupepa Lesa, nabo abali mufisankano nabo abasangilwe kulya. ¹⁸ Lelo na bamo abamubakonkele amano abena Epikuri nabena Stoiki balitendekele ukulongana nankwe. Bambi balikulanda ati, " Findo akofwaya ukulanda kasebaseba wa mano?" Bambi balikulanda abati, " Ali kubati ni umo ukoita abantu ukukonka imilungu imbi," pantu alikubilisha imbila nsuma palwa kwa Yesu no kubuka. ¹⁹ Balisendele Paulo no kumutwala ku bena Areopagi, ukulanda ati, "Tukofwaya twishibe aya masambiliisho ayapya ayo walikulanda. ²⁰ Pantu uliletele ifisambilisho ifishaishibikwa mu matwi yesu. Eco tukofwaya twishibe ifyo ifi fintu fikopilibula." ²¹ (Nomba abena Antena bonse tabaposele inshita yabo pafyafye lelo kano ukweba nangula ukukutika pa fintu ifipya. ) ²² Eco Paulo aiminine pakati ka bena Areopagi no kulanda ati, "Mwe baume ba mu Atena, ndimwene ukwebati mwaisulamo bukapepafye. ²³ Pantu ulo nalikupita naishile kumona ifintu fya mipepele yenu. Nalisangile icipaile ne fyalembwapo ati, "Kuli ine pakupitamo nali mona ifintu imipepele yenu. Nalisangile ine cipailo nefyalembelwe ati, "Kuli Lesa Uutaishibikwa," Ico kanshi mushinshimuna mu kukana ishiba, ifi efyo nkobila kuli mwebo. ²⁴ Lesa uwa bumbile calo na fyonse ifya bamo,ico ni Shikulu wa mulu ne sonde, tekala mu ma tempele yakukulwa ne minwe. ²⁵ Nangu kupyungilwa ku minwe ya muntu, ngo ukofwaya ifili fyonse, apo umwine eupela abantu umweo no mupu na fyonse fye. ²⁶ Ku muntu umo Alilengele inko shonse ukwikala pe sonde, pa kupatule mipaka mu nshiku sha shiko na mu bwikashi bwabo, ²⁷ pakwebati bafwile ukufwaya Lesa kabili limbi kuti baumfwa inshila shabo mupepi no ku musanga. Lelo tali kutali na fwebo bonse. ²⁸ Pantu muli ena emo twa kwatilo mweo no kusela no kukwata ubuntunse bwesu, ngefyo fye umo kashika wa nyimbo wenu alandile, 'Pantu na fwebo tuli bufyashi bwakwe.' ²⁹ "Eco, apo tuli bufyashi bwa kwa Lesa, Tatufwile ukutontonkanya ukwebati Lesa aba kubati ni golide, nangu silfere, nangu ilibwe - ifya elenganiwa kukutukuta no kutontonkanya kwa buntunse. ³⁰ Eco Lesa alisulile nshita sha kukana ishiba, lelo nomba akokonkomesha umuntu onse ukulapila. ³¹ Ifi ni pa mulandu wa kwebati ali pekanya ubushiku ulo akapingule calo mu bulungami mu muntu uyo aisontela. Lesa alipela ifishinka pali uyu muntu paku mubusha ku bakufwa." ³² Nomba ulo abaume ba ku Atena ba umfwile palwa kututubuka ku bakufwa, bambi bali kutumfya Paulo; lelo bambi balikulanda ati, "Tukokukutika na kabili pali uyu mulandu." ³³ Panuma ya ifyo, Paulo alibashile. ³⁴ Lelo kwaliko abaume bambi aba ilundile kuli bena no kutetekela, ukubikapofye na Dionusi umwina Areopagi, no mwanakashi uwa inikilwe Damari, elo na bambipo.