¹ Abantu bamo balishile ukufuma ku Yudea ukutentemukila ku Antioke no kusambilisha abwananyina, ukwebati,, "Kano mwasembululwa umwalolo lutambi lwa kwa Mose tamwakapusuke iyo." ² Neci calengele Paulo na Barnaba ukansana no kupelulushanya nabo. Eco Paulo na Barnaba ukubikapo nabambi bamo ukufuma muli bena balisontelwe ukwebati baninike ukuya ku Yerusalemu ku kumanya abatumwa na bakalamba palwa uyu mulandu. ³ Eco bena, pa kutumwa no lukuta, balipitile pamo mu Foinike na Samaria no kusabankankanya kupilibika kwa bena fyalo. Bena baliletele ukusekelela kukalamba ku ba bwanannyina bonse. ⁴ Awe pa kufika ku Yelusalemu, basekelelwe ku lukuta na ba tumwa na ku bakalamba no kubalondolwela fyonse ifyo Lesa acitile pamo nabo. ⁵ Lelo bamo aba mu cakaniko ca ba Falise abatetekela, baliminine no kwebati, "Cikankala ukubasembulula no kubakonkomesha kubaka amalango ya kwa Mose. ⁶ "Awe abatumwa na bakalamba balongene ku kutontonkanya palwa uyu mulandu. ⁷ Awe pa numa ya fikansa ifingi, Petero epa kwiminina no kubeba ati, "Mwe bamunyinane, mulishibile ukwebati ninombaline Lesa apangile ubusalo muli mwebo, ukwebati ku kanwa kandi abena fyalo bomfwe icebo ca mbila nsuma, no kusumina. ⁸ Lesa, uwaishiba umutima, ashimika ubunte kuli bena,no kubapela Umupashi Wamushilo, nga filya apele na kuli ifwebo. ⁹ Kabili tacitile umuncishanya pakati ka ifwe nabena, abasangulwile imitima yabo ku kutetekela. ¹⁰ Eico nomba cinshi ico mukoesesha Lesa, ukubika ikoli pa mikoshi ya basambi ilyo nangu ni bashifwe nangu nifwe tatwali na maka ya kulisenda? ¹¹ Lelo ni pa kuketekela epo twapusukila mukupitila mukusenamina kwa kwa Shikulu Yesu, nge fyo na bena cali. ¹² Awe ibumba lyonse lyatalele tondolo no kuumfwa Banaba na Paulo bakolondolola fyonse ifishibilo ne fipesha mano ifyo Lesa alikucita mu bena fyalo. ¹³ Panuma yakuleka ukulanda, Yakobo alyasukile ati, "Mwe bamunyinane, ufweni kuli nebo. ¹⁴ Simoni alilandile ifyo Lesa pa kubala aafwilishe mu kusenamina ku bena fyalo mukusenda kuli bena abantu abe shina lyakwe. ¹⁵ Amashiwi yaba kasesema yakosuminisha ici, nge fyo calembwa, ¹⁶ 'Panuma ya ifi nkabwela, no kukula ihema lya kwa Dabidi, ilyo ilya ponene; nkakula kabili no kuwamya ifyaonaike nakabili, ¹⁷ ukwebati abantu abashelepo bafweye Shikulu, na bena fyalo bonse abainikwa ishina lyandi.' ¹⁸ Ifi efyo asosa Shikulu, uwacita ifi fintu ifyaishibikwa ukufuma ku nshita sha kale. ¹⁹ Eico nebo nkoebati twicusha aba mu bena fyalo abapilibukila kuli Lesa. ²⁰ Lelo tulembe kuli bena ukutalukako ku fya kukowesha fya tulubi, na ku bulalelale, na ku munani wa nama sha finikwa pa mikoshi, ukufuma ku kulyo umulopa. ²¹ Pantu Mose alibilwa ukufuma ku nshita sha kale mu musumba onse kabili abelengwa pa Sabata lyonse mu masunagoge." ²² Awe caliweme ku batumwa na kubakalemba, pamo no lukuta lonse basalile Yuda uwitwa Barsaba, na Sila abali intungulushi sha lukuta, no kubatuma ku Antioke pamo na Paulo na Barnaba. ²³ Balilembele ifi: "Ukufuma ku batumwa na ku bakalamba, fwe bamunyinenwe,ku bena fyalo mu Antioke,Siria, na Cilisia: Umutende! ²⁴ Tulyumfwile ukwebati abantu bamo ukufuma muli fwebo, balishile ukwabula insambu shesu, bena balimifundawile na masambilisho ayakotomposha imitima yenu. ²⁵ Eco neci pakuba ifi, fwebo bonse tulisuminishenye ukusala abantu no ba tuma kuli mwebo pamo nabatemwikwa besu Barnaba na Paulo , ²⁶ Abantu abaibikile mu kayofi pa mulandu we shina lya kwa Shikulu Yesu Kristu. ²⁷ Eco twatuma Yuda na Sila, abo ba kamweba ifintu fimofine abenebeka numashiwi yabo. ²⁸ Pantu cabune ku Mupashi wa Mushilo, na kuli fwebo, ukubika pali mwebo icisendo Icitafinine ukucila pali ifi fintu: ²⁹ ukwebati mwebo mulekutaluka ukufuma ku fintu fyatulwa ku tulubi, na ku kulya mulopa, na kufya finikwa na ku bulalelale, nga muleibaka ukufuma kuli ifi, cili nokumiwamina. shalenipo. ³⁰ Eco bena, pa kutumwa, batentemukile ku Antioke; ilyo balonganike ibumba pamo, babapele kalata. ³¹ Awe pa kubelenga balisekelele pa mulandu wa cikoseleshi." ³² Yuda na Sila, nabo pakuba bakasesema, balikoseleshe ababwananyina ku fyebo ifingi no kukulwa. ³³ Panuma ya kwikalako nshita kulya, balibalekele baya umutende ukufuma ku babwananyina bwelela ku babatumene. ³⁴ . ³⁵ Lelo Paulo na Barnaba balikele mu Antioke ukubikapofye nabambi, uko eko balesambilisha no kubila icebo ca kwa Shikulu. ³⁶ Panuma ya nshiku shinono, Paulo alyebele barnaba ati, ''Natubwekeleko, tupempule aba bwananyina mu mishi yonse umo twabilile icebo ca kwa Shikulu bali, tumone ifyo bali. ³⁷ Lelo Barnaba alikufwaya ukuya na Yohane uwitwa Marko, aye nabo. ³⁸ Lelo Paulo tacimwene bwino ukuya na Marko Uyo wabashile ku Pamfilia kabili tatwalilile nabo mu mulimo. ³⁹ Eco balimpankene no kulekana, na Barnaba ena alile na Marko no kuya mu bwato ku Saiprus. ⁴⁰ Lelo Paulo alisalileSila kabili no kuya, Panuma ababwananyina bamupele ku kusenamina kwa kwa Shikulu . ⁴¹ Nolu alipititle mu Suria na Cilisia ukukoselesha ulukuta.