¹ Lelo ishibe ici: munshiku shakulekesha kukesa kuba inshita ishakwafya. ² Pantu abantu bakaba bakaitemwe, abakutemwe ndalama, aba mataki, aba miya, aba miponto, aba bucitomfwa ku bafyashi, abatatotela, kabili abatashila. ³ Bakaba abakutalama, abatawikishanya, abalwambo, ababula ukuiteka, abankalwe, abatatemwa ubune. ⁴ Bakaba bashikamfutu, bacintalika, abatumikwa, abatemwa ukwangala ukwabula ukutemwa Lesa. ⁵ Balikwata imimonekele ya bakapepa, lelo balikana amaka ya buko. Talukako kubantu ba kubefi. ⁶ Pantu bambi baume abaisokelesha mu mayanda no kutwala muli bunkole abanakashi abawelewele. Aba banakashi abafinininwa ne membu kabili abasendwa kufya lunkumbwa ifingi. ⁷ Aba banakashi balasambilila lyonse fye, lelo balafilwa ukwiluka ukweba ati bakeshibe cine. ⁸ Umusango umo wine filya fine Yane na Yambre balikupinkana na Mose, aba bakasambilisha wa bufi bakopinkana ne cine. Baume abakukowela mu matontonkanyo, no kulingana ne citetekelo balisangwa ati balikanwa. ⁹ Lelo tabakalunduluke ukuya pantanshi. Pantu ubuwelewele bwabo bukaba fye pa mbilibili kuli bonse, kubati ni beka balya abaume. ¹⁰ Lelo webo, walikonka ukusambilisha kwandi, imibela, ubuyo, icitetekelo, ukutekanya, ukutemwa, ukushipikisha, ¹¹ ukupakaswa, ukucucutika, ne fyancitikile ku Antioke, ku Ikonia, na ku Lustra. Nalishipikishe mukupakaswa. Na muli fyonse fye, Shikulu alimpokolweleko. ¹² Na bonse abo abakofwaya ukwikalila muli bukapepa muli Yesu Kristu bakapakaswa. ¹³ Abantu babubi kabili bakabeleleka ububi bwabo bukalundulukilako fye, ukulufya bambi nabo no kulufiwa. ¹⁴ Lelo webo, ikalilila mufyo wasambilile nefyo wa tetekelamo. Walishiba nabo wasambilileko. ¹⁵ Walishiba ati ukufuma ku bwaice bobe amalembo ya mushilo. Aya yaliba na maka yakukulenga ukuba na mano ye pusukilo ukupitila mukutetekela Kristu Yesu. ¹⁶ Yonse amalembo yaliputwamo kuli Lesa. Kabili ya milimo kukusambilisha, ku kwebaula, kukulungika, ku kukansha kwa mu bulungami. ¹⁷ Ici ni mukweba ati umuntu wakwa Lesa abe uwa kupwililika, uwaiteyanya mukubomba umulimo onse uwabune.