¹ Nakupa ifunde ili ilyakukonkomesha pa cinso cakwa Lesa na Kristu Yesu, uukapingula aba mweo na bafwa, na pamulandu wa ku moneka kwakwe no bufumu bwakwe: ² Bila icebo; ipekanye ulo citali bwino nelo cili bwino. Ebaula, kalipila, konkomesha, mukutekanya konse no kusambilisha. ³ Pantu inshita ikesa ulo abantu bakakana ukusambilishiwa isambilisho ilituntulu. Lelo, bakaikolonganikila ba kafundisha ukulingana no kufwaya kwabo, abalanda ifyo amatwi yabo ayakupekulwa ya kofwaya ukumfwa. ⁴ Ba katalusha ukumfwa kwabo ukutali ukufuma ku cine, kabili bakapilibikila ku milumbe. ⁵ Lelo webo, ulekubo watekanya mu fintu fyonse. Cula mufyakukosa; bombo mulimo wakwa kabila wa mbila nsuma; fikilisha ubupyungishi bobe. ⁶ Pantu ndimposelwe kale kunse. Inshita yakuya nebo ilifikile. ⁷ Ndipilikite ukulwa ubulwi bwa cine; Ndipwishishe ulubilo; ndibakile icitetekelo. ⁸ Icilongwe ca bulungami cilisungilwe nebo, ico Shikulu, kapingula wa bulungami, akapela kuli nebo pali bulya bushiku, kabili tekuli nebo neka, lelo na kuli abo bonse abatemwa ukwisa kwakwe. ⁹ Tulukusha wise kuli nebo bwangu. ¹⁰ Pantu Dema alinshile. Alitemwe calo cino kabili alile ku Tesalonika. Kreske alile ku Galatia, na Tito alile ku Dalmatia. ¹¹ Ni Luka fye eka ali na nebo. Bula Marko no kwisa nankwe pantu ni kafwa wandi mu milimo. ¹² Tukiki nalimutumine ku Efese. ¹³ Umwingila uo nashile pa Troa na Karpi, mukalete ilintu mu Kesa, ne fitabo, maka maka ne mpapa ishalembwapo. ¹⁴ Alekesandere kafula wafyela alicitile ificitwa fyabubi ifingi kuli nebo. Shikulu akamulambula ukulingana ne ficitwa fyakwe. ¹⁵ Na webo mwine ufwile ukuicingilila kuli ena, pantu alengulwile pa maka ifyebo fyesu. ¹⁶ Pakulubulula kwandi ukwa kubalilapo, takwali nangu umo uwaiminine kulubali lwandi. Lelo, bonse balinshile. Benga kana pelwa umulandu pali ici. ¹⁷ Lelo Shikulu alingiminineko kabili alinkoseleshe pakweba ati, muli nebo, ukubilwa kwa mbila inga fikilishiwa umupwilapo, no kutwebati Benafyalo bonse benga yumfwa. Kabili napokolwelwe ukufuma mu kwanwa kankalamo. ¹⁸ Shikulu akampokelela nebo ukufuma ficitwa fyabubi fyonse kabili akampususha pa mulandu wa bufumu bwakwe ubwa mu mulu. Kuli ena kube ubukata umuyayaya no muyayaya. Amen. ¹⁹ Posheni Priska, na Akula, ne ng'anda yakwa Onesifore. ²⁰ Erasti alishele pa Korinti, lelo Trofimu nalishile akolwala pa Milete. ²¹ Tulukusheni ukwisa ulo inshita ya mupepo tailafika. Yubuli akomiposha, na Pudense, Lini, Klaudia, na ba munyinane bonse. ²² Shikulu engaba na mupashi wenu. Ukusenaminwa kwingaba na mwebo.