¹ ''Uku ekubilikisha kwakwa Yahweh ku fyebo fyapa calo ca Hadraki na Damaseke, epo atusha; pantu amenso yakwe pa mutundu onse wabuntunse na kumikowa yonse yabena Isreali yaba kuli Yahweh. ² Uku ukubilikisha uku ukupakana kwa ku pakana na Turi na sidone, pantu aliba uwacenjela. ³ Turi aikulila umwine ifibumba ifyakosa no kutulikamo Silfere ngo lufukutu, na golide nga matipa yha mu misebo. ⁴ Lolesheni! Shikulu akabapyanuna mulya no kubonaula abakosa muli bemba, emo akabonawila mulibemba wamulilo. ⁵ Ashikene akamona no kumfwa mwenso! Gasa nao akatutuma sana! Ekrone nao isubilo lyakwe likalengwo musebanya! imfumu ikaloba mu Gasa, na Ashikelone takekalwemo napeka. ⁶ Uwakupulafye akapango bwikalo mu Ashidode, napeka akaputula icilumba cabena Pelisti. ⁷ Pantu nkafumyapo imilopa pamulomo na fyakasaulwa mumbali ya menso. Nomba akesaba wa kupyanninina Lesa wesu kwati ni kasunga mu Yuda, na Ekrone akaba kwati i Yebusiti. ⁸ Nkapanga kampu ukushunguluka icalo candi ukuba nga bashilika bakulwa na balwani, nomba tapakabe nangula umo ukapitapo nangula ukubwelulukapo, pantu nakapita tapitepo nangula ukubwelulukakapo, pantu nakapi takapitepo bali bena, p;antu nomba ni ngimwena mu menso yandi nebo! ⁹ Sansamukeni sana, mwebana babanakashi ba mu Sione! punda we mwana mwanakashi we Yerusalemu! Bauma imfumu yobeileisa kuli webo. Ili yalungama no kucimfya. Ili yaikefya na ipatama p;ali punda, pampunda iyana ikota. ¹⁰ Napaka akaputaula amatolokoshi yankonda mu Efraimu na bakabalwe ba mu Yerusalemu, nobuta akabufuna ubwa nkondo; kabili ]akalanda umutende ku banko, no butekeshi bwakwe kafuma kuli bemba ukufika kuli bemba, no kufuma ku mulonga ukufika kumpela ya pe sonde! ¹¹ Nakuli webo, pamulandu wa mulopa wacipingo candi cakuli webo, Nkabika aba kaili ukufuma mu cikulo mushaba na menshi. ¹² Bweleleni ku lupanga ulwakosa, mweba kaili abo isubilo! nangula fye lelo Nebo ndeeba nati Ngobwesesha imiku ibili pali webo, ¹³ pantu nkanyanta Yuda ngobuta bwandi Nkesushamo ubuta bwandi muli Efraimu. peka nkashibusha abana bobe, Sione, ukwimina ubulwani abana bobe, webo GBrisi, nkakucita webo, Sione ngo lup;anga lwa baume abakosa!'' ¹⁴ Yahweh akamonekla kuli bena, ne misolobwa akailasa no kufuma kwa kalumba! panttu shikulu Yaweh akalisha ipenga no kwendela mu cipupu ukufuma ku Temani. ¹⁵ Yahweh wacinkupita akabacingilila, no kubonaula no kubongolola amabwe aya mu mulengeni, peka bakanwa no kupunda kwa baume abanwine ubwalwa, no kwikuta kwati libakuli filya lisula na pamulu,kwati makona yapacipailo. ¹⁶ Ifi Yahweh Lesa wabo akabapokolola pali bulya bushiku, ge fitekwa fya bantu. Ngefyaba utumabwe utubeka kucisote cabufumu. ¹⁷ Musuma sana no kuwama sana efyo aba! Abalumendo bakekuta ingano na bana cisungu bakanwa umwangashi uwalowa!''