¹ Ipusheni imfula kuli Yahweh munshita ya mfula iya kushalikisha- Yahweh uupanga ukupangala kwa mfula- kabili eupela imfula inono ku bantu ne fimena mwibala. ² Utulubi twa kubukilak tulanda ifyabufi; nababuuka nabo bene babepafye ubufi; balotolola ifiloto fyabufi no kusansamusha kwabo ukwabulamo akantu, eco bendela kwati ni mpanga no kucula. ³ ''Ubukali bwandi abwimina bakacema; ni mbushi ishilume-intungulushi-esho nebo nkakanda. Yahweh umwine wafita akalasunga umukuni wakwe, abang'anda yakwa Yuda, kabili akabacita kwati ni kabalwe mu bulwi! ⁴ Kuli Yuda ekukafuma ilibwe lyapetungi; kuli ena ekukafuma uwakuba ngolupopo ulwa kwikatilila itenti; kuli ena ekukafuma ubuta bwa kulalwilako inkondo; kuli ena ekukafuma intungulushi shonse pamo. ⁵ Bali no kuba kwati nimpalume abalenyantaula abalwani babo mu matipa ya mumisebo mubulwi; bakalwa inkondo, p;antu Yahweh alaba nabo, kabili bali no kumfwa insoni balya bonse abendela pali bakabalwe; ⁶ Nebo nkakosha abamung'andca yakwa Yuda, kabili nkapususha aba mung'anda yakwa Yosefe, pantu nebo nkababwesesha kuno kwine kwabo kabili nkababelela uluse. Bakaba kwati nshabaposele nebo usha bena shabakene, pantu ninebo Yahweh Lesa wabo, kabili bena nkalabasunga. ⁷ Elo abena Eframu bakaba kwati ni mpalume, kabili imitima yabo ikalasansamuka nga bantu aba nwine umwangashi; abana babo bali no kumona no kusansamuka. Imitima yabo ikasansamuka mu li nebo! ⁸ Nebo nkabalishisha pintu no kuba kolonganika, pantu bena nkabalubula, kabili bali nokuba abengi ngafilya fine bali kale! ⁹ Nebo alibasalanganishisha mu bantu na bantu, nomba bali nokulangibukisha nebo mufyalo fya kutali, Elyo bena nabana babo bali no kwikala no kubwela. ¹⁰ Pantu bena nkababwesha ukufuma mu calo ca Egypti nokubakolonganika ukufuma mu calo ca bena Asiria. Nkabaleta mu calo cabena Gileadi na mu Lebanone mpaka mukabule ne fyumba muli bena. ¹¹ Mumacusho yabo emo bali no kwabukila bemba; Nkoma amaputa ya muli uyo wine bemba kabili nkakamya no kushika konse ukwa mu mana wa Nailo. Icilumba ca bena Asiria cili no kuponena panshi, ne nkonto yabena Egypti ikafumapo ukufuma pabena Egypti. ¹² Nebo nemwine nkalabakosha, kabili bakalaenda mwishina lyandi-ifi efyo Yahweh alanda.''