¹ Isulako iminshi yobe, we Lebanone, no mulilo wilya imikedari yobe! ² Losha, we cimuti ca mukupri, pantu icimuti ca mukedari nacipona! Cinshi pumpunta abelele payacindama! Losha, mwemioke yaku Bashani, pantu umutengo uo tabengilamo na uyapona. ³ Kulya kuli iciunda ica kulosha kwa bacemi, pantu ubucindami bwabo na bonaulwa! kulya kuli amashiwi ya nkalamu shinono ishili mukubuluma, pantu ica kusekelamo ica mulonga wa Yordani naupumputwa! ⁴ Ifi efyo Yahweh Lesa wandi alanda ati, ''kwati mucemi, linda pamukuni uwabikwa pambali pakwipaiwa! ⁵ (Bonse abo abashita shena balepaya shena na bena tabapelwa umulandu, na bonse abo abashitisha shena balanda ati, 'Amapalo yabe kuli Yahweh! Nebo naisaba uwacuma! pantu abalebomba ubucemi pa mukuni abene tabakwata bena ukulanguluka.) ⁶ Pantu Nebo nshakabale nanguluka abekashi bali cino calo! --uku ekulanda kwa kwa Yahweh. Moneni! Nebo ne mwine ndi pakupilibuka pa muntu onse mu maboko yamwina mupalamano wakwe na mu maboko ya mfumu yakwe, na bena bakonaula icalo kabili takuli nangu umo pali bena uo Nebo nkapokolola ukufuma mu maboko yabo.'' ⁷ Elo Nebo nkaba umucemi uwa pa mukuni uwa bikilwa ukwipailwa pali bonse abo abashitisha impanga. Nebo nalibulile inkota shibili; inkota imo Nebo nainike ''Ububile'' na imbi Nebo nainike ''Ukwikatana.'' Muli iyi nshila Nebo nalicemene umukuni. ⁸ Mu mweshi umo Nebo nalyo nawile abacemi batatu. Nebo naishileba uwafita umutima kuli shena, na bena pamo nabo bali mpatile. ⁹ Nomba Nebo nalandile kuli bena ati, ''Nebo nshabombe elo ngo mucemi pali mwebo nababili. Impanga iili no kufwa- lekeni yena ifwe; ne mpanga iili no konaulwa- lekeni yena yonaulwe. Lekeni impanga ishashala cilaimo ilye umubili wainankwe.'' ¹⁰ Elo Nebo nabulile inkota yandi, ''Ububile'' nalimokawile yena kukutoba icipangano cintu Nebo nakwetee ukupanga ku bantu na bantu bonse.'' ¹¹ Pali bulya bushiku icipangano calitobelwe, na bonse abo abaleshitisha impanga nabo Nebo abalemona balishibe ati Yahweh alilandile. ¹² Nebo nalilandile kuli bena ati, ''Nga ici caba icisuma kuli mwebo, nebo mpeleni ifilambu fyandi. Nomba nga iyo, mwicita ifyo,'' Elo nabena bapimine ukufuma ukwa filaambu fyandi- amakumi yatatu aya silfere. ¹³ Nomba Yahweh alilandile kuli nebo ati, ''Bikisha silfere mu cipao, icilambu icawama cintu bena balingile webo!'' Elo Nebo nabulile amakumi yatatu aya silfere nokubika mu cipao mu ng'anda yakwa Yahweh. ¹⁴ Nomba Nebo natobele inkonto yandi iya bubili ''Ukwikatana,'' nokonaula bumunyinane pakati kakwa Yuda na Isreali. ¹⁵ Yahweh alilandile kuli nebo ati, ''Peka, bula ifibombelo fya mu mucemi umuwelewele pali wemwine, ¹⁶ Pantu mona, Nebo ndi pakubika pacifulo umucemi mu calo. Ena takasakamane impanga ishili cula. Ena takasakamane ukufwaya impanga ishaya ishaluba, nangula ukuposha impanga ishile sunta. Ena takasamane ukulisha impanga ishili no buumi, nomba akalalya umunofu wa mpanga isha ina no kufumya amaboko yashiko. ¹⁷ Bulanda ku cinangwa ca mucemi uyo usha umukuni! Ulupanga lukesa pakuboko kwakwe na palinso lyakwe ilya ku kulyo! Ukuboko kwakwe kukafumba ne linso lyakwe ku kulyo likaba impofu!''