¹ Icebo cakwa Yahweh wafita caishile kuuli nebo, cilelanda, ² ''Yahweh wafita alanda fi: Nebo nikwata akafindye pali sioni na kalifindye akakulu, kabili nebo ndi nobukali pali ena no bukali ubukulu! ³ Yahweh wafita alanda fi: pakati ka Yerusalemu, pantu Yerusalemu ali nokwitwa umusumba wacishinka kabili ulupili lwakwa Yahweh wafita luli nokwitwa ulupili lwa mushilo! ⁴ Yahweh wafita alanda fi: Abakote abaume kabili abakote abanakashi bali nokuba napeka mu musebo wa Yerusalemu, kabili no muntu uuli onse akalakabila inkoto mu minwe yakwe pamulandu ena nakwata ukukula sana. ⁵ Umusebo wa mu musumba uuli mukwisulamo abalumendo kabili na bakashana baleyangala muli wena ⁶ Yahweh wafita alanda fi: Nga ifintu fimo fyamoneka ukukosa mu menso yabashalapo pali aba bantu muli isho inshiku, bushe kuti camoneka icakosa mu menso yandi?- uku ekulanda kwakwa Yahweh. ⁷ Yahweh wafita alanda ifi: Lolesha, ndi pakupususha abantu bandi ukufuma ku calo ukutulila akasuba kabili ukufuma ku calo ukuwila akasuba! ⁸ Pantu Nebo ndi nokubabwesha bena kabili bali no kwikala pakati ka Yerusalemu, eico napeka bali nokuba abantu bandi, kabili Nebo ndi nokuba Lesa wabo mu cishinka na mubololoke! ⁹ Yahweh wafita alanda ifi: webo uuli nokukonkanyapo ukumfwa ifyebo fimo fine ifyo ifili nokufuma pa kanwa kakwa kasesema ilyo mufula wa ng'anda yandi watampa--iyi ng'anda yandi Yahweh wafita: konsha ukuboko kobe pakucita itempele lyena lingakulwa. ¹⁰ Pantu panuma yaisho inshiku takwali ifisabo ifyakolonganikwa ku muntu nangula panama, kabili takwali umutende ukufuma kubalwani pa muntu uuli onse uuli mukuya nangula uuli mukubwela. Nebo nakwata ukubika umuntu uli onse cila umo no mwina mupalamano wakwe. ¹¹ Nomba tacili nokuba nge nshiku shakunuma, Nebo ndi nokuba na bashalapo pali aba bantu uku ekulanda kwa kwa Yahweh wafita. Nkaba na bantu abacishinka- uku ekulanda kwakwa Yahweh wafita. ¹² Pantu ulubuto lwa mutende luli nokubyalwa; imyangashi ili nokupela ifisabo fya fiko kabili ne sonde lili okupela ifisabo fyafiko; ne myuulu shili nokupela umume wabo, pantu Nebo ndi nokulenga abashalapo pali aba bantu ukwikala pali ifi fintu fyonse. ¹³ Webo wali icakumwenako ku nko shimbi ishacilapo, ing'anda yakwa Yuda kabili ing'anda Isreali. Eico Nebo ndi nokupokolola webo kabili webo uli nokuba ipaalo. Wiba uwakutina; leka amaboko yobe yabe ayakonsa! ¹⁴ Pantu Yahweh wafita alanda ifi: Nebo napangile ukucita ububi kuli webo ilyo ifikolwe fyobe fyalufyenye ubukali bwandi - ekulanda kwa kwa Yahweh wafita -kabili shalangulwike, ¹⁵ eico napeka Nebo ndi nokupanga muli inshi nnshiku ukucita icisuma napeka kuli Yerusalemu kabili ku ng'anda yakwa Yuda! uwabula umwenso! ¹⁶ Ifi efintu ufwile webo ukucita: landa icishinka, umuntu uuli onse nomwina mupalamano wakwe. Pinguleni ne cishinka, umulinganya, kabili no muletande mu minshi yobe. ¹⁷ Tekwesha ukupanga ukucita ububi mukati ka mutima obe pali umo nomunankwe, kabili witemwa umulapa wabufi- pantu ifi efintu Nebo napata! - uku ekulanda kwa kwa Yahweh.'' ¹⁸ Kabili ishiwi lyakwa Yahweh wafita lyaishile kuli nebo, lilelanda, ¹⁹ ''Yahweh wafita alanda ifi: ukufunga kwa mumwenshi walenga ine, no mwenshi walenga isano, no mwenshi walenga cine lubali, kabili no mwenshi walenga ikumi kuli nokwisa inshita yakusekelela, nokwanga, kabili nomutebeto uwansansa pang'anda yakwa Yuda! Eico icitemwiko icishinka kabili no mutende! ²⁰ Yahweh wafita alanda ifi: Abantu bali nokwisa napeka, angula abo bonse abekala mu misumba iingi iyapusana pusana. ²¹ Ubwikashi bwa musumba umo buli nokuya ku musumba na umbi kabili nokulanda,' leka fwebo bwangu bwangu tuye mukupapata pa cinso cakwa Yahweh kabili nokukabila Yahweh wafita nafwebo fwebene tuleya.' ²² Abantu abengi kabili ne nko shamaka bali nokwisa ku kukabila Yahweh wafita mu Yerusalemu kabili nokupapata ububile bwakwa Yahweh! ²³ Yahweh wafita alanda ifi: Muli isho nshiku abaume ikumi ukufuma mu citundu conse kabili ne nko bali nokwikata isekebele cashakufwala ca mu Yuda kabili nokukanda, Leka fwebo tuleya na webo, pantu fwebo natumfwa ukucila Lesa ali na webo!'''