¹ Naomi, nyinafyala alandile kuli ena ati, ''We mwana wandi umwanakashi, bushe tekuti nkufwaile incende yobe ukwa kutushisha, pakwebati cikuwamine? ² Nomba Boasi, umwine wabakashana abo alebomba nabo, bushe telupwa lwesu? Mona, ena ali nokwela apakupulila barle buno bushiku apakupulila panshi. ³ Eico, isambe we mwine, isula we mwine, fwala ne nsalu yobe iisuma, no kutelemukila ku cipulilo panshi. Nomba wileka wemwine wishibikwe ku muntu mpakafye upwishe ukulya no kunwa. ⁴ Nomba ilyo alesendama, elyo wishibe uko alesendama pakweba ati uleya kuli ena, elyo umufubukile ku molu yakwe, no kulala palya pene. Elyo ali no kukweba ifyakucita.'' ⁵ Ruti alandile kuli Naomi ati, ''Nebondinokucita consefye ico mwangeba ukucita.'' ⁶ Elyo atelemukile kucipulilo, no kuyacita consefye ico nafyala amulangile. ⁷ Ilyo Boasi alelya no kunwa no mutima wakwe wali sansamwike, elyo aile ku kulala kumpela ya mpili wa ngano. elyo Ruti aile fye panono panono, amufimbula ku molu, o kulala alala. ⁸ Nomba caishileba pakati ka bushiku uyo muntu atampile ukututuma. Cilyafye aisa pilibuka, aisamona umwanakashi nalala kuntambalilo! ⁹ Elyo aiasa landa ati, ''Niwebo nani? nao aasuka ati, ''Ninebo Ruti kanakashi umubomfi wenu. Fimbeni insalu yenu pali kanakashi umubomfi wenu, pantu imwebo kalubula.'' ¹⁰ Elyo Boasi alanda ati, ''We mwana wandi umwanakashi, leka Yahwehakupaale. Webo walanga uluse lobe ulwakushalikisha ukucila ulwapakutampa, pantu tawile kubalumendo, kubapiina nangula kubakankala. ¹¹ Nomba, we mwana wandi umwanakashi, witina! Nebo ndino ku kucitila fyonse ifyo ulelanda, pantu bandi balishiba ukuti webo uli mwanakashi umusuma sana. ¹² Kwena cena cacine icakweba ati Ninebo kalabula, nomba eko ali umbi kalubula lupwa lobe ukucila pali Nebo. ¹³ Ikala pane pene buno bushiku, kabili ulucelo, nga cakuti asumina ukukulubula, ninshi kuti cawama, leka ena abombe umulimo wa kukulubula. Lelo nga cakutila akana ukukulubula, ninshi ni nebo ndinokukulubula, napali Yahweh. Sendama mpaka fye buce.'' ¹⁴ Elyo alisendeme kuntambalilo mpakafye bwaca. Nomba alimine ilyo tekuti umuntu nangula umo tekuti amwishibe. Pantu Boasi nomba alandile ati, ''Wileka beshibe icakuti kuno ukwakupulila kwa cisa umwanakashi.'' ¹⁵ Elyo Baosi alanda ati , ''Leka kuno insalu yobe nokuifungulula, ''ilyo acitile ifi, Boasi alipiminepo ifipimo fya barle ifyali mutanda nokumutwika. Elyo nao aile mu musumba. ¹⁶ Ilyo Ruti aishile kuli nafyala, alandile ati, ''Bushe ngefintu fili shani, we mwana wandi umwanakashi?'' Elyo Ruti nao epa kumweba fyonse ifyo ulya muntu amucitiile. ¹⁷ Elyo Ruti alundapo nokweba ati, '' Ifi fipiimo fya barle mutanda efyo acimpela, pantu acilanda ati, ''Ekuti wiya nangula cimo kuli nokofyala.''' ¹⁸ Elyo Naomi alanda ati, ''Ikala pano pene, we mwana wandi umwanakashi, mpakafye uyu muntu talingile ukutusha mpakafye asukwe apwishe ifi fintu ilelo line.''