¹ Nomba Naomi ali no wa mulupwa lwa mu mulume wakwe, uwakwatishe icuma uwa mu mupwa lwa kwa Elimeleke, neshina lyakwe lyali ni Boasi. ² Ruti, umwanakashi uwa mu lupwa lwa kwa Moabu. no kulanda kuli Naomi ati, ''nomba lekeni ndeya nokutolelesha utwashelemo mwibala utumitwe twa ngano. lekeni nkoke umuntu uyo uwinga nenga ukusekelela mu menso yakwe.'' nomba Naomi alandile kuli ena, ''kabiye, wemwana wandi umwanakashi.'' ³ Ruti alile nokulatelelesha utwaleshala mwibala panuma abalesombola bapwamo. nomba califyhe mupepi nokwingila mwi bala lya kwa Boasi, uwa mu lupwa lwakwa Elimeleke. ⁴ Pali ico, Boasi alishile ukufuma ku Betelemu no kulanda ku balesepa, ''lekeni Yahweh abe namwebo.'' nabo bamwaswike ena ati, ''lekeni Yahweh amipaale.'' ⁵ Elyo Boasi alandile ku mubomfi uwa lemwenenena abalesombola, ''ngo yu mwanakashi wakwa nani?'' ⁶ umubomfi uwa lemwenenena abalesombola alyaswike no kulanda ati, uyu mwana umwanakashi umwina Moabu uwaishile pamo na Naomi ukufuma mu calo ca bena Moabu. ⁷ Kabili umukashana alandile kuli nebo, 'lekeni ndetolelesha imitwe no kukolonganika iyo abalesepa baleshamo.' eico eshile kuno nokukonkanyapo ukutola ukutula ulucelo ukufika neli, musuminisheniko ukuti atusheko panono mu ng'anda.'' ⁸ Panuma Boasi alandile kuli Ruti, ''umfwa kuli nebo, wemwana wandi umwanakashi? wilaya mukutolelesha mwi bala limbi; wifuma mwi bala lyandi. cilingile, wikale kuno no kubomba pamo na babomfi bandi abanakashi. ⁹ ulelosha amenso yobe mwi bala umo balesepa kabili ulebakonka. nalaeba abalumendo ukuti tabali no kukwikatamo? nangu cakuti baumfwa icilaka, uleya ku cipe no kunwamo ayo abalumendo bacitapa.'' ¹⁰ Awe nao paku lolesha kuli Boasi alishibete no kushinta impumi yakwe panshi. umwanakashi alandile kuli ena, ''cinshi ico nebo nasangila ukushuka mu menso yobe pantu webo wandolekeshapo pali nebo, ngo mweni?'' ¹¹ Boasi nao amwaswike ati, ''cali ishibikwa kuli nebo, fyonse ifyacitike pakufwisha umulume obe. walisha ba wiso, na banoko, ne calo umo wafyalilwe waishile noku konka nokofyala nokwisa ku bantu abo tawaishibe. ¹² Yahweh alekulambula ifisuma wacita. ulepokelela ifya bupe ifyapwililika ukufuma kuli Yahweh, Lesa wa bena Isreali, panshi yamapindo apo waisanga nge mbutushi.'' ¹³ Elyo nao ayaswike, ''lekeni nsange ukushuka mu menso yenu, mwe shikulu, pantu mwanenga ukutusha, kabili mwalandile ishiwi ilisuma kuli nebo, nangu cinga ukuti nshili mwanakashi uwa pababomfi benu.'' ¹⁴ Kabili pa nshita ya kulya Boasi ayebele Ruti, ''palama kuno, no kulyapo imikate shimo, no kutobela umukate umwangashi uukali.'' aikele kumbali yabasomboshi, kabili bamupeleko barle wakusalula. nao alilile pakafye aikuta kwa shalafye nomba ukutushako. ¹⁵ Ilyo aimine ku kuyatolelesha, Boasi ayebele abalumendo, ati, ''lekeni nomba aletoola ne mitwe ya barle, nomba tekwesha ukumucusha. ¹⁶ Kabili mulemusobwelamo imo muleisha pakuti ena aletoola elyo kabili tekwesha ukulamwebaula.'' ¹⁷ Kabili akonkenyepo ukulatoolelesha mpakafye ukufika ne cungulo. Elyo atuntile ifyo atolele nafyo fyalifulile, cikanga fikumane itepe limo. ¹⁸ Elyo afisendele no kuya nafyo ku musumba. Kabili no kulanga nafyala ifyo atoleleshe. Elyo Ruti afumishe ifyakulya ifyo ashilepo ilyo aikwite no ku mupeela. ¹⁹ Banafyala balandile kuli ena, ''bushe nikwisa utoleleshe lelo? bushe nikwisa waciya mukubomba? lekeni umwaume uwacikumona abe uwapalwa.'' Elyo Ruti alandile ku nafyala palwa mwaume uwakwata ibala uko aile bombela. alandile ati, ''Ishina lya mwaume umwine we bala uko nailebombela ni Boasi.'' ²⁰ Naomi alandile kuli mupongoshi ati, lekeni abe uwapalwa kuli Yahweh, uushaleka ukuba no luse ku bamweo naba fwa.'' Naomi alandile kuli ena, ''uyo muntu ni lupwa lwesu, kabili ni kalubula wesu.'' ²¹ Na Ruti umwanakashi umwina Moabu, ''atile, acinjeba ukuti, 'umfwile wapalamina ku balumendompakafye apo bakapwishisha ukusombola.''' ²² Naomi nao alandile kuli Ruti ati, we mayo fyala, ''cilifye icisuma, we mwana wandi umwanakashi, nga cakutila uleya nababomfi abanakshi, pakweba ati nga waya mwi bala tabakusanshile.'' ²³ Awe aleba mupepi na babomfi abanakashi abakwa Boasi mpakafye no kupwisha ukusombola barle. Aleikalafye na nafyala.