¹ Nomba cali ni munshiku isho abapingushi baletungulula elyo kwa ponene icipowe mu calo, kabili umuntu umo afumine ku Betelemu mu Yuda aile mukwikala ngo mweni mu calo ca Moabu no mukashi wakwe elyo nabana abaume babili. ² Kabili ishina lya uyo muntu ali ni Emeleke, ne shina lya mukashi wakwe ali ni Naomi. Na mashina yabana bakwe abaume babili yali ni Maloone na Kilyone, uwa bena Afrata uwa ku Betelemu mu Yuda. Basukile bafika mua calo ca Moabu kabili mulya emo baikele. ³ Mukupita kwa nshita Elimeleke, umulume wakwa Naomi, aishile afwa, kabili aishile shalafye nabana bakwe abaume babili. ⁴ Nabo baupile abanakashi abena Moabu; ishina lya uyu umbi ni Olipa, neshina lya mwanakashi umbi ni Ruti. Baikele mulya panuma ya myaka ikumi limo. ⁵ Mukupita kwa nshita bonse babili Malone na Kilyane baishile fwa, no mwanakashi aishile shalafye ukwabula abana kabili ukwabula umulume. ⁶ Elyo baimine na banafyala no kubwelele ku calo ca Moabu pantu balyumfwele ukutila Yahweh alimukwafwilisha abantu aba mu calo ca Moabu mu ku bapela ifyakulya. ⁷ Eico ashile incende umo baleikala nabanafyala bakwe babili, efyo baile na mu musebo uwaya ku calo ca ba Yuda. ⁸ Elyo Naomi alandile kuli banafyala bakwe bonse babili ati, ''kabiyeni bwekelenimo, cila umo, aye kung'anda yakwa nyinabo. Lekeni Yahweh abe no luse kuli mwebo, apo namulanga icikuku ne nkumbu ku balume benu abafwa elyo na kuli nebo wine. ⁹ Lekeni Yahweh amilenge ukusanga ukutusha, cila umo mung'anda ya mulume wakwe umbi.'' elyo no kutomonana abene, nabo basanswile amashiwi yabo no kulila. ¹⁰ Kabili balandile kuli ena, ''Awe! Ifwe tulebwela na mwebo ku bantu benu.'' ¹¹ Lelo Naomi atile, ''bwelelenimo, bana bandi! cinshi ico twalaila na mwebo? Bushe ncili nikwata abana munda abakumipa, pakuti babe abalume benu? ¹² Bwelelenimo, mwe bana bandi abanakashi, kabiyeni munshila yenu mweka, pantu nomba ninkula uwakukwata umulume. Nga cakuti nalanda ati, 'ndi nesubilo ilya kuupwa mubushiku,' no kukwata abana abaume, ¹³ bushe kuti mwakwanisha ukulolela mpakafye bakuula? bushe ebo mwingasala ukuba abalume benu? Awe, mwe bana bandi! apo Yahweh afumisha ukuboko pali nebo nga natontokanya pali mwebo cilambipila sana.'' ¹⁴ Awe abana abanakashi baimishe amashiwi no kwamba ukulila nakabili. Elyo Olipa afyempele nafyala, lelo Ruti akonene fye kuli ena. ¹⁵ Naomi alandile, ''kutikeni, cufi mu nobe nabwelelamo ku bantu bakwe na kuli tulesa twabo. Bwelelamo na cufi munobe.'' ¹⁶ Nomba Ruti alandile, ''mwipatikisha ukumusha, o kubwelelamo ukuti ndeke ukumukonka, pantu uko muleya eko; na nebo nakulaya, uko mwikala, eko nanebo ndeikala; abantu benu baleba abantu bandi, na Lesa wenu aleba Lesa wandi. ¹⁷ Uko mukafwila, eko nanebo nkafwila, uko kwine eko nanebo nkashikwa. Yahweh nancite ifyo alefwaya, o kucishapo, takuli cimbi ica kutulekanya nemwe kanofye imfwa yeka.'' ¹⁸ Ilyo Naomi amwene ukuti Ruti nakosafye pakuya naena, alekele ukupashanya naena. ¹⁹ Kabili baile bonse mpakafye bafika na mu Betelemu. Ifi efyacitike ilyo bafikile mu Betelemu, ilyo bafikile mu musumba mwalikabile nase. Nabanakashi baleipusha ati, bushe uyu e Naomi?'' ²⁰ Nomba alandile kuli bena, ''mwilanjita ati Naomi. mulenjita ati Mara pantu uwa maka yonse nanenga ubulanda sana. ²¹ Nebo nalikwete fyonse ilyonafumine pano, nomba Yahweh anenga ukubwela uwabula akantu. Eico kanshi ninshi mwalanjitila Naomi, apo Yahweh ewansebanya kabili uwamaka yonse andetela ububi pali nebo?'' ²² Efyo Naomi abwelele na Ruti umwina Moabu, nafyala ali naena pakubwelele ku calo ca ku Moabu. Kabili baishile fika ku Betelemu mu nshita yakusepa Barley.