¹ Nomba Boasi alipilwike aya ku mwinshi o kuya ikala kulya kwine. Bwangu bwangu, ndubulwila uwalandile Boasi nao aisa alifye mupepi alepita aleya. Boasi alandile kuli ena ati, ''We munandi, isa soikale apa.'' Nao umuntu alishile aikala. ² Elyo Boasi abulile abakulu ikumi aba mu musumba no kubeba ati, ''Ikaleni apa.'' Elyo nabo baikala. ³ Elyo Boasi aeba ndubulwila uwali mupepi ati, ''Naomi, uwabwelele ukufuma ku calo ca bena Moabu, aleshitisha ibala ilyakwa munyinefwe Elimeleki. ⁴ Nanebo ntontonkanye ukukwebako no kulanda kuli webo ati, 'Ushite ili bala pa menso ya aba bonse abekele pano, kabili pa menso yabakulu aya bantu bandi.' Nga cakuti ulefwaya ukulibula, kuti walilubula, omba nga cakuti taulefwaya ukulilubula, kuti wangeba, pakweba ati naishiba, pantu tapali nangu umo uwingalilubula kanofye webo wine, ⁵ Elyo Boasi alanda ati, ''pa bushiku ubo uli no kushita ibala ukufuma mu maboko yakwa Naomi, ufwile wabula na Ruti umwanakashi umwina Moabu, mukamfwilwa uwa muntu uwafwa, pakuti ishina ilya muntu uwafwa ga cakuti waba impyani yakwe.'' ⁶ Elyo ndubulwila alanda ati, ''Nebo nshile lilubula pantu limbi kuti naonaulafye ica bupyani bwandi. Kanshi webo wine nakupa insambu shakulubula webo wine, pantu nebo nafilwa ukulilubula.'' ⁷ Nomba ulu elwali elutambi lwakale munshita yabena Isreali pa kushininkisha ukuti umuntu nashitapo fimo nangu naba kabushanyapo ifintu. Umuntu alefula insapato no kupeela ku munankwe; uyu ewaleba emusango uutubaleshininkishishamo pa menso yaba kambone mu Isreali. ⁸ Ilyo ndubulwila alandile ifi kuli Boasi ati, ''Shita we mwine,'' Alifulile insapato shakwe. ⁹ Elyo Boasi alandile kubakulu na ku bantu bonse ati, ''Ilelo mwebo muli bakambone bandi ukuti Nebo nashita fyonse ifyali fyakwa Elimeleki na fyonse ifyali fyakwa Kilyoni nefyali fyakwa Moloni fyafuma mu maboko yakwa Naomi. ¹⁰ Na Ruti wine umwanakashi umwina Moabu, muka Maloni, nao wine nimushita ukuti abe umukashi wandi, pakwebati ishina lya muntu uwafwa likabelelele pakumupyana, pakweba ati ishina talilobelele kuli ba munyina napa mwinshi wacifulo cakwe. Ilelo mwebo muli ba kambone!'' ¹¹ Elyo abantu bonse abali pa mwinshi pamo na bakulu balanda ati, ''Twaba bakambone, kanshi lekeni Yahweh acite uyu mwanakashi uwaisa mung'anda yobe kwati ni Rakelo kabili nga Leya, abababili aba kulile ing'anda yakwa Isreali; kabili leka ube uwashuka mu Efrata no kwishibikwa mu Betelemu. ¹² Kabili leka ing'anda yobe ibe kwati ni ng'anda yakwa pelese, uyo Tama afyele kuli Yuda, ukupitila mu bufyashi ubo Yahweh ali nokukupeela muli uyu mukashana.'' ¹³ Elyo Boasi abulile Ruti, kabili Ruti aishileba umukashi wakwe. Alilele nankwe, kabili Yahweh alimulengele ukwimita, kabili alifyele umwana umwana umwaume. ¹⁴ Abanakashi batampile ukulanda kuli Naomi ati, ''Leka Yahweh akupale, ushikushile ilelo ukwabula kalubulula, uyu mwana. Leka ishina lyakwe lilumbukwe mu Isreali. ¹⁵ Leka ale kunshako ku mutima kabili akulakusunga mubukote bobe, pantu nokofyala, alikutemwa, umusuma kuli webo ukucila abana abaume cine lubali, ewakufyalila uyu mwana.'' ¹⁶ Naomi epakubula umwana, amulalika pacifuba cakwe, kabili no kumulela ewalamulela. ¹⁷ Abanakashi abena mupalamano bali mupele ishina, balanda ati, ''Naomi nafyala umwana umwaume.'' Elyo bamwinike ishina lya Obedi. Ewaishileba wishi wakwa Yese, uwaishileba wishi wakwa Davidi. ¹⁸ Nomba ifi efyali ulupwa lwakwa Pelese: Pelese ewaishileba ewishi wakwa Hesroni, ¹⁹ Hesroni aishileba ewishi wakwa Ramu ewaishileba ewishi wakwa ²⁰ Aminadabu,Aminadabu ewaishileba ewishi wakwa Nashoni, Nashoni ewaishileba ewishi wakwa Salumoni, ²¹ Salumoni ewaishileba ewishi wakwa Boasi, Boasi ewaishileba ewishi wakwa Obedi. ²² Obedi ewaishileba ewishi wakwa Yese, na Yese aishleba ewishi wakwa Davidi.