¹ Amano nayakulila, umwanakashi ing'anda yakwe umwine; umwanakashi na basa ifishingitini cine lubali ukufuma ku mabwe. ² Umwanakashi naipaya inama shakwe, na sankanya umwangashi wakwe, no kupekanya itebulo lyakwe. ³ Umwanakashi natuma ababomfik bakwe abakashana, ukuya mukwata ukufuma apaleepa apatali pa mujsumba, ⁴ ''Uyo uwabula amano nani? Lekeni ena apilibukile kuno lubali!'' kuli umo uwabula amano yasuma ena alanda ukweba ati, ⁵ ''Iseni, lyeni icakulya candi, no kunwa umwangashi Nebo nkwete ukusankanya. ⁶ Sheni nokuba no mweo; endeni mu musebo uwa kumfwikisha. ⁷ Uyo onse uukanda uupunika alapokelela ukusekwa, no yo onse uwebaula umuntu umubifi alapokelela ukusulwa. ⁸ Wiebaula upinika, nangula ena webo akakupata; ebaula umuntu uwamano, na ena webo akakutemwa. ⁹ Peela ku muntu wamano, na ena akaba lyonse uwakwatisha amano; sambilisha umuntu uwaololoka, a ena akalundapo pa kusambililapo kwakwe. ¹⁰ Ukujtina Yahweh ekutampa kwa mano, no kwishiba uwa mushilo umo ekumfwikisha. ¹¹ Pantu ukupila muli nebo inshiku shobe shikaba ishafulilako, ¹² Nga webo uli uwamano, webo ulu wamano pali we mwine, na nga webo ulapunika, webo ukasenda ici wemwine weka.'' ¹³ Umwanakshi wabula amano mu tuutu; ena aliba uwabilima no kukanaishiba nangula fimo. ¹⁴ Uyu mwanakashi aikala pa mwinshi uwa pa ng'anda yakwe, pa citebe mu ncede umwaleepa mu mushi. ¹⁵ Uyu mwanakashi alimukwita ukufuma kuli bonse abo abali mukupita mupepi muli ilya nshila, ku bantu abali mukwenda ukololoka mu musebo wabo. ¹⁶ ''Lekeni uli onse uyo uwabula amano apilibukile ku ncende kuno lubali,'' ena alimukulanda ati kuli abo bonse aba shikwete amano. ¹⁷ ''Amenshi ayakwiba yali lowa, no mukate uwa kufisa wali wamisha.'' ¹⁸ Nomba ena takwata ukwishiba ukweba ati abafwa baliba kulya, naba lalikwa bakwe bali umwaleepa ku mipolo.