¹ Amapinda ya kwa Solomoni. Umwana umwaume uwamano alasansamusha wishi, nomba umwana umwaume icipuba cena cilenga nyina ubulanda. ² Ifyuma fintu bamonokela mububi tafyakwata akantu, nomba imicitile iyawama ilapokolola umuntu kumfwa. ³ Yahweh takalekeleshe umololoke ukulacula ne nsala, nomba akaleka umubifi abulwa cintu alefwaisha. ⁴ Umunang'ani bulalenga umuntu abulwa, nomba iminwe iibombesha ilenga umuntu anonka. ⁵ Umwana umwaume uwamano akolonganikila limo ifisabo mulusuba, nomba ca nsoni kuli ena uulala utulo panshita yakusepa. ⁶ Amapinda ayafuma kuli Lesa yaba pa muntu umololoke, nomba akanwa ka mubifi kalafubatila pafyakonaula. ⁷ Ukwibukisha umuntu umololoke kulalenga insansa, nomba ishina lya mubifi lyena lilaloba. ⁸ Umuntu uwamano alapokelela amafunde, nomba umuntu cilande lande ena alabongolola. ⁹ Uwenda uwakaele enda mubusuma, nomba uwenda munshila ishabipa ali no kwishibikwa. ¹⁰ Uushinisha kulinso alaleta icimfulunganya, nomba icipuba icilanda icilende lande cikaposwa panshi. ¹¹ Akanwa ka muntu umololoke kamfuku mfuku ka menshi yabumi, nomba akanwa ka mubifi kafimba pakonaula. ¹² Ulupato lulenga ukwimya ulubuli, nomba ukutemwa kulafimba pa kulufyanya konse. ¹³ Amano yasangwafye pa milomo ya muntu umusuma, nomba ubwembya bwabelako inuma ya wabula amano. ¹⁴ Umuntu uwamano eusungba ukwishiba nomba akanwa ka cipuba kena kaleta ukonaula mupepi. ¹⁵ Ifyuma fya muntu umukankala elinga lya musumba wakwe; ububusu nabo ebonaula abapiina. ¹⁶ Icilambu ca muntu umololoke ecimutungulula ku bumi; amalipilo ya mubifi ya mutungulula ku kubifya. ¹⁷ Ukukonka fintu balekufunda ala yaliba ninshila ya kuya ku bumi, nomba uukana ukulungikwa alaya ikciyeyeye. ¹⁸ Imilomo iyabufi ifimba palupato, kabili uulesalanganya ulwambo cipuna. ¹⁹ Mukufusha kwa mashiwi, ta mubula ukulufyanya, nomba uwamano alasunga akanwa kwakwe pakulanda. ²⁰ Ululimi lwa muntu umololoke ni silfere umusuma; umutima wa mubifi umutengo wakwe unono. ²¹ Imilomo ya muntu umololoke ilisha abengi, nomba ifipuba fyena filafwa pamulandu wa kubulwa amano. ²² Amapalo yakwa Yahweh yalapela ubukankala kabili talundapo ubucushi awe. ²³ Ku mubifi caba ngo bwangalo ubo icipuba cangala, nomba amano ni nsansa sha muntu uwiluka. ²⁴ Icitiina umuntu umubifi ecili no kuponena pali ena, nomba icifwaya umuntu umololoke cena cili no kupeelwa. ²⁵ Umubifi aba kwati libimbi ilipitafye, kabili ilishabepo napeka, nomba umuntu umololoke mufula uukabapo ukutwalilila. ²⁶ Ngafilya fine umwangashi ukalipa mu meno ne cushi filya cikalipa mu menso, efyo cikalipa no watuma umunang'ani. ²⁷ Ukukwata akatina kuli Yahweh kulalenga ubumi ukukokola, nomba imyaka ya mubifi ikepipa. ²⁸ Isubilolya bantu abaololoka ensansa shabo, nomba imyaka ya bantu ababifi yena ikepipa. ²⁹ Inshila yakwa Yahweh ilacingilila abo bonse abakaele, nomba ababifi bena balonaulwa. ³⁰ Umuntu umololoke takatelente ishiwe nomba umuntu umubifi takatwalilile ukwikala mu calo. ³¹ Ku kanwa ka muntuj umulungami ekufuma ifisabo fya mano, nomba ululimi lwa mubifi luli no kuputulwa. ³² Imilomo ya muntu uwaololoka ileshiba ifisuma, nomba akanwa ka mubifi kenashishiba ifyabipa.