¹ Bushe te mano aya bilikisha? Bushe te mucetekanya uwimye shiwi lya uko? ² Pamulu wa tupili apasansuka mumbali yanshila, apa cilinganya inshila, Amano yabuula ukwiminina. ³ Kuntanshi yamwinshi apakwingilila mu musumba, apa kwingilila mu musumba, umwanakashi epo abilikisha. ⁴ Nikuli mwebo, mwe bantu, eko Nebo ndimukukutila; ishiwi lyandi niku bana baume ba bantunse. ⁵ Webo uwa bula mano, sambilila amano; na webo we muwele wele, webo kwata amatontonkanyo ya mucetekanya. ⁶ Umfweni, pantu Nebo ndimukulanda ifintu fya mano, nelyo imilomo yandi yaisuka Nebo ndelanda ifintu ifya ololoka. ⁷ Pantu akanwa kandi kalanda ifya cishinka, nefya bubi fyamuselu ku miomo yandi. ⁸ Amashiwi yonse aya mukanwa kandi ya bulungami; muli yena tamuli nangu cimo icapetama nangu kakulola mumbi. ⁹ Yonse yene yaliba ayalungama ku muntu uyo uwa mucetekanya; amashiwi yandi yaba aya ololoka kuli abo abafwaya ukwishiba. ¹⁰ Nonka ukulungikwa kwandi ukucila silfere; nonka ukwishiba ukucila golide uwawama. ¹¹ Pantu amano yasuma ukucila korali; tapali kasunga uwingalingana naena. ¹² Nebo, Amano, nalikala uwacenjela, na Nebo nalisanga ukwishiba no kucindama. ¹³ Ukutina Yahweh ekupata ububi. Nebo nshatemwa ukuitutumuna no nokuyumfwa, nenshila ibi, no kulanda kwa kuputula. Nebo yena shayatemwa. ¹⁴ Nebo nalikwata ukupanda amano ukusuma nokumfwika kwa mano; Ninebo ukwishiba; inkosho fyaba kuli nebo. ¹⁵ Nikuli nebo imfumu shitekela, nabakateka bapangila amafunde ayalungama. ¹⁶ Nikuli nebo bacilolo batekela, abacuma, na bonse abo abateka bapingwila icalo. ¹⁷ Nebo nalitemwa bonse abo abatemwa nebo, na bonse abo abamfwaya nebo bwangu, nebo balansanga. ¹⁸ Kuli nebo kwaliba ubukankala no kucindikwa, nefyuma ifingi no bulungami. ¹⁹ Ifisabo fyandi fisuma ukucila golide, nelyo golide uwawama; necibwesha candi cisuma ukucila silfere uwawama. ²⁰ Nebo nyenda munshila isha wama, mukati kanshila isha bupingushi. ²¹ Elo ecalenga, Nebo mpanga bonse nebo abantemwa bakwate icikwatwa ca cuma; Nebo ndino kwisusha umwakubika mwabo. ²² Yahweh alimumbile nebo pakutampa, uwantanshi uwa milimo yakwe nomba. ²³ Mu myaka yakukale Nebo nalipangilwe--ukufuma mukubalilapo, ukufuma mukutampa kwa calo. ²⁴ Pantanshi takulaba ba bemba, Nebo nalifyelwe- pantanshi takulaba utumfuku mfuku utwa menshi ayengi. ²⁵ Pantanshi impili tashilabikwapo na pantanshi ya tupili, Nebo bali mfyele. ²⁶ Nebo nalifyelwe pantanshi Yahweh talapanga icalo ne mpanga, nangula nelyo cakubalilapo kulukungu mwisonde. ²⁷ Nebo nali kulya lintu ena alimukubika imyulu, lintu ena anshilile icishilwa cashinguluka pamulu wa menshi. ²⁸ Nebo nali kulya lintu ena alimukubika amakumbi mu mulu na lintu utumfuku mfuku mu menshi twaishileba utwa kosa. ²⁹ Nebo nali kulya lintu ena abikile apakupelela ku cimana, elo amenshi tekuti yasalangane ukulingana nefunde lyakwe, nelyo kulya kwabikilwe icipimo ku mufula wapa calo. ³⁰ Nebo nalimupepi na ena, elo ngo mwana uwakulelwa; Nebo nali icakusaminwamo cakwe ubushiku no bushiku, lyonse nalesekela pantanshi ya ena. ³¹ Nebo nali uwakusekelela mwisonde lyakwe lyonse, ne cakusaminwamo candi cali mu bana abaume ba bantu. ³² Ililine, mwe bana bandi abaume, kutikeni kuli nebo, pantu bonse abo abasunga inshila shandi bakaba abashuka. ³³ Kutikeni ku kulungika kwandi nokuba aba mano; kabili mwiyaleka. ³⁴ Uyo umo ukutika kuli nebo akaba uwapalwa. Ena akaba linda cila bushiku paminshi yandi, ukulolela pambali ya fishingitini fya minshi yandi. ³⁵ Pantu uyo onse usanga nebo, asanga ubumi. naena akasanga ukupalwa kuli Yahweh. ³⁶ Nomba ena uyo upusana, afyenga ubumi bwakwe umwine; onse uyo uwapata nebo atemwe mfwa.''