¹ We mwana wandi umwaume, sunga amashiwi yandi no kututila amafunde we mwine. ² Sunga amafunde yandi nokuba no bumi no kusunga ukulungika elo nga kasanga akalinso lyobe. ³ Yena uya kake pa minwe yobe; yena uyu lembe pa cipande ica mutima obe. ⁴ Ku mano ulande ati, ''Webo uuli nkanshi yandi.'' no kwita umucetekanya ati webo uli muntu wandi umwanakashi, ⁵ Ku ku isunga we mwine ukufuma ku mwanakashi cilende, ukufuma ku mwanakashi umbi umbi mukulanda kwakwe ukwa mashiwi ayatelela. ⁶ Mufya kuloleshamo ifya mu ng'anda yandi nebo nali loleshe mu capikulwa candi. ⁷ Nebo naliloleshe mu bantu ababulwa amano, na nebo na mwenekeshe mu baume umusepela uyo ushakwete amano. ⁸ Ulya mulumendo ali mukupita panshi mu musebo mupepi naku cifutu caku mwakwe, na ena alimukuya ukulola ku ng'anda yakwe. ⁹ Ici cali mukufita kwa mu bushiku bwa cungulo, mu nshita sha bushiku no kufita. ¹⁰ Kulya umwanakashi ena ali mukumenye, na fwala kwati ni cilende, uwa mutima uwabufi. ¹¹ Umwanakashi uwabilima no kukana umfwa; na makasa yakwe tayekala pa nga'nda. ¹² Ililine mutumisebo, nomba mu ncende umo bashitishisha ifintu, na mufifutu fyonse ena alolela no kusendaminina. ¹³ Elo umwanakashi ena amukumbatila na ena amumyanga, ku menso ayakosa umwanakashi alandile ati kuli ena, ¹⁴ ''Nebo ni mpanga umutebeto wandi uwa mutende ilelo, Nebo ni mpela imilapo wandi, ¹⁵ elo iseni nebo nimfuma mukumikumanya mwebo, mu kufwaya webo amenso yobe, na nebo webo ni nkusanga. ¹⁶ Nebo ni nsalanganya ifya kufimba paca kusendamapo candi, ifya mishilwa ya malangi malangik ukufuma mu Egypti. ¹⁷ Nebo paca kusendamapo candi ni mfuminishapo muri, icikulankonde, na kinemone. ¹⁸ Isa, leka fwebo tunnwe ifya isula ifya citemwiko ukufika ku lucelo; leka fwebo tubule ukusamwa ukukulu ukwa milimo iya citemwiko ¹⁹ Pantu umulume wandi tali mu ng'anda yakwe; ena aliya palwendo ulutali. ²⁰ Ena alibula naka cola ka mpiya kakwe pamo na kena; ena akabwela pa bushiku bwa mwenshi utuntulu.'' ²¹ Ku kufula kwa kulanda umwanakashi ena amupilibula; ku kutelela kwa milomo ya mwanakashi ena amubembula. ²² Ena aile panuma ya mwanakashi mukukana ishiba kwati ni ng'ombe iileya mu kwipaiwa, kwati nimbwa iya kwatwa mu citeyo, ²³ mpaka utupimfya utwa mifwi twapula mubu lyakwe. Ena ali kwati coni icileya ku kufwa. Ena teshibe ati aleshilitisha ubumi bwakwe. ²⁴ Ililine, we mwana wandi umwaume, umfwa kuli nebo; umfikisha ku mashiwi ya mukanwa kandi. ²⁵ Wileka umutima obe upilibukile lubali ku nshila ya mwanakashi; wileka utungululwe mu nshila ya mwanakashi. ²⁶ Umwanakashi alilenga bantu abengi ukubaponesha mu malwele na baalwele abafwa bena bali abengi. ²⁷ Mwanakashi ing'anda yakwe ni nshila ya ku mipolo; yena yaya kokela ku muputule wafita uwa mfwa.