¹ Aya mashiwi yakwa Aguri umwana umwaume wakwa Yake--bucisendo. Uy muntu walandile kuli Itiele, kuli Itiele elyo na kuli Ukali: ² Mucishinka nalicilamo kwati ninama ukucila pa muntu, no kukanaba no kwishiba ifya buntu ifyo aba. ³ Nshaasambilila amano, nshicita ifyakwishiba wamushilo. ⁴ Ninani uwapiluka ku mulu no kubwelela panshi? Ninani ulonganya pamulu umwela no kufukatila mu minwe? Ninani ukacilila pamulu amenshi mucakufwala? Ninani uwasumbula impela yonse ya pano pesonde? lishina nshi, napeka lishina nshi lya mwana? mu cishinka walilishiba! ⁵ Iahiwi lyonse lyakwa Lesa lyalipimwa; cisolelo ca abeni bafisamamo muli cena. ⁶ Wiesha ukulundako ku mashiwi aya, limbi kuti akotokela webo, na webo wasanguka wabufi. ⁷ Ifintu fibili efyo ndekulomba kuli webo; mwifipokolola kuli nebo ilyo nshilafwa: ⁸ Buleni ukubepa no bufi no kubutalusha ukubufumya pali nebo, mwimpela nebo ubupina nangula ubukankala, lekenifye ndelya ifyakulya ifya ninga. ⁹ Epali naikutisha, ine kuti namilaba no kulanda ati, ''Ninani Yahweh?'' nangula nabo mupina, naisaiba no kusebanya ishina lya kwa Lesa wandi. ¹⁰ Wiesha ukwamba umubomfi ku musungu wakwe, epali akulapisha wasangwa wacilubo. ¹¹ Ikwaba inkulo iilapisha bawisabo kabili abashipala banyinabo. ¹² Kwaliba inkulo imoneka kwati bakaele mu menso yabo abene, kabili ilyo tabasamba ifiko fyabo. ¹³ Kwaliba inkulo iyaba na menso yacilumba, na mukulolesha kwabo mwaliba icilumba! ¹⁴ Kwalibainkulo iyo amenso yatwa nge mipanga, ne nsekete shabo shaba kwati myele, elyo balakotaula abalanda ukuba fumya pano pa calo na bapiina ukubafumya mu bantu. ¹⁵ Umunsundo waliba na bana abanakashi babili: abalanda ati, ''Leta leta,'' kwaliba ifintu fitatu ifishikuta, na fine ifishilanda ati, ''capwa'': ¹⁶ Imipolo; ifumo ilishilafyalapo; icalo icishikuta amenshi; no mulilo ushilanda ati, ''capwa!'' ¹⁷ Ilinso ilipunika wishi no uusula ukunakila nyina, amenso yakwe bali nokuyatonkolamo kuli bamwankole aba munika, kabili bali nokuyalya kumakubi. ¹⁸ Kwaliba ifintu fitatu ifyo ifyawama kuli nebo fine ifyo nshamfwikisha; ¹⁹ Ifyo icipungu cenda mulwelele, ifyo insoka yenda pamwalala webwe, icibwato cenda pakati ka mumana; no kwenda kwa mwaume ku mukashana. ²⁰ Ifi efyenda umwanakashi umucende: kuti elya akumuna napakanwa no kutila ati, ''Tapali cintu nebo ndufyenye.'' ²¹ Pesamba lya fintu fitatu icalo cilafilwa ukushipikisha.'' ²² Umusha lintu aisaba imfumu; icipuba ilyo caikuta ifyakulya; ²³ Umwanakashi uwapatwa lintu aupwa; na lintu umubomfi umwanakashi apokolola icupo ca kwa nakulu untu abombela. ²⁴ Ifintu fine ifyaba ifinono pamo pa calo kabili fyalikwatisha amano: ²⁵ Ubuswa fibumbwa ifishakosa, nomba bupekanya ifyakulya fyabo mulusuba; ²⁶ ba paati fibumbwa ifishakwatisha amaka, nomba bapanga amayanda yabo mulifi myalala ifyasansuka. ²⁷ makanta nao takwata imfumu, nomba onse enda natantama mu mulongo. ²⁸ Malinso nao, kuti wamwikata na mu minwe yobe ibili, lelo alasangwa na ku mfwa ku fipango. ²⁹ Kwaliba ifintu fitatu ifikakasa ubusaka kabili fine ifikakasa pakwenda: ³⁰ Inkalamu, intu yakosa pa nama shimbi---- ishifulumuka pa menso ya mulwani nangula umo; ³¹ na mukolwe lintu aletaasa pankota; na pumbwe; ne mfumu iyo abashilika bali kulubali lwakwe. ³² Nga cakuti wali uwatumpa, waleibililika we mwine, nangula nga cakuti walepanga ububi--talabika umunwe obe pakanwa kobe. ³³ Pantu nga watitila umukaka kuti walepa ukuti utikame kabili nga watitila imyona kuti mwafuma umulopa nga cakuti wapusanya, elyo ngawacita ubukali kuti mwafuma ulubuli.