¹ Umuntu uwapokelela ukwebaulwa ukwingi omba uwatalamika umukoshi wakwe akakontolwa ukwabula ukupola. ² Ilyo abantu abalungami balekula, abantu balasekelela, nomba umuntu umubifi aletenka, abantu balatonga. ³ Uuli onse uwatemwa amano wishi alasekelela, nomba uusunga icibusa naba cende onaula ifyuma fyakwe. ⁴ Imfumu ilenga icalo ukwikala mu mulinganya, nomba umo uufwaisha ifya kucikilisha afiposa panshi. ⁵ Umuntu uutasha umwine mupalamano wakwe afungulula iciteyo ca makasa yakwe. ⁶ Mu masambi ya muntu umubi aikatwa, nomba umuntu umulungami aleimba no kusangalala. ⁷ Umuntu umololoke alishiba insambu sha mupina; umuntu umubifi takwata ukufwikisha ubu bwishibilo. ⁸ Abaseka bakosha umulilo mu musumba, nomba abo aba mano bafmyapo icipyu. ⁹ Ilyo umuntu wamano apingishanya nomupuba, ena alambalamuka kabili aleseka, kabili takwakabe ukutusha. ¹⁰ Abantu bamilopa nga bapata umo mpofu kabili no kukabila ubumi bwa mololoke. ¹¹ Umupuba aleeta icipyu conse ku mupashi wakwe nomba umuntu wamano alatompolola. ¹² Nga kateka aba uwakukutikila ku bifi bonse abamubombela ena bakaba ababimfi. ¹³ Umuntu umupina kabili abakabila bamobene, pantu Yahweh apela ulubuto ku menso yabo bonse. ¹⁴ Nga imfumu yapingula umupina pa cishinka icipuna cakwe ica bufumu cikekalilila ukutwalilila. ¹⁵ Ikonto kabili iyakusambilishishako ipela amano, nomba umwana uwalekeleshiwa mukufundwa abika nyina wakwe insoni. ¹⁶ Ilyo abantu ababimfi bali mu maka, ubupulushi bula kula, nomba abantu abalungami bali nokumona ukupona kwa abo abantu ababimfi. ¹⁷ Sambilisha umwana obe kabili ena akakupela ukutusha; ena ali nokuleta ukutemwa mu bumi bobe. ¹⁸ Nikwisa ukushaba bakasesema ifimonwa fya bantu fyabutuka abafye, nomba umo uusunga amafunde alapalwa. ¹⁹ Umusha takololokele pa fyebo, pantu nangula ena alofwikisha, takwakabe icibwesha. ²⁰ Bushe webo ulamoa umuntu uwakwangufyanya mu fyebo fyakwe? kuli ukulolela ukwingi ku mupuba ukutila pali ena. ²¹ Umo uufinya umusha wakwe ukufuma ku bwaice, ku kulekelesha kw aici kukaba ubwafya. ²² Umuntu umukali emya ulubuli kabili no mukalamba wa cipyu apanga amasambi ayengi. ²³ Icilumba ca muntu cimubwesesha umwine panshi, nomba umo uwakwata umupashi wakuicefya akapelwa umucinshi. ²⁴ Umo uwakanya na kabolala acena ubumi bwakwe; ena alomfwa icitipo kabili no kulandapo tapali. ²⁵ Umwenso wa muntu upanga iciteyo, nomba umo uwacetekela muli Yahweh akacingililwa. ²⁶ Abengi nyibo abakabila icinso ca bakateka, nomba umulinganya pa muntu bufuma kuli Yahweh. ²⁷ Umuntu wabupondamishi wamuselu ku muntu umulungami, nomba umo uwaololoka inshila shakwe camuselu ku muntu umubimfi.