¹ Abantu ababifik balabutuka ukuya ilyo tapali nangula umo bena uli muku batefya, nomba abantu abaololoka bali ngo musepeela wa nkalamu uwabula umwenso. ² Pamulandu wa bupulumushi ubwa mu calo, bwaliba naba katungulula abengi, nomba ku muntu uwaba nokumfwikisha no kwishiba, kuti aikala inshita ishitali. ³ Umubtu umupina uyo uupatikisha abantu bambi ababulwa ali kwati ni mfula iyumaula ukweba ati taishilepo ifilyo. ⁴ Abo bonse abaasha amafunde balatasha abantu ababifi, nomba abo bonse abasunga amafunde balalwa pali bena. ⁵ Abantu ababi tabakwata ukumfwikisha ubupingushi, nomba abo bonse abafwaya Yahweh balomfwikisha ifili fyonse. ⁶ Caliwama ku muntu umupiina uyo uuleenda muli bucishinka bwakwe ukucila pa muntu uwacuuma uyo uwapondama imicitile yakwe. ⁷ Ena uyo uusunga amafunde ena emwana umwaume uyo uwakwata ukumfwikisha, nomba uyo uuli cibusa wa bantu ababuuka uusebanya wishi. ⁸ Uyo upanga ifyuma fyakwe kushakalooba akolonganya ifyuma fyakwe pali bambi uyo uulesakamana abalanda. ⁹ Nga umo apilibwila kumbi amatwi yakwe ukufuma mukukutika ku mafunde, nangula ukupepa kwakwe kwa bunani. ¹⁰ Uyo onse uutungulwila uwaololoka mu imibele iibi. kuti awila mu cilindi cakwe umwine, nomba ababula umulandu bakakwata ifikwatwa ifyawama. ¹¹ Umuntu uwafyuma kuti aba uwamano mu menso yakwe umwine eka, nomba umuntu umupina uyo uwakwata ukumfwikisha kuti ena amusanga ukufuma. ¹² Ilyo uwaololoka aleanga kulaba ubukata ubukulu; nomba ilyo umubifi ena, abantu balafuma ukufwaya. ¹³ Uyo uufisa ubupulumushi bwakwe takatunguluke, nomba uyo fyena uufiskolola no kuleka fyena kuti aba uwakulangwa uluse. ¹⁴ Uyo lyonse uwikala nokutina alipalwa, nomba uyo onse uukosha umutima wakwe kuti awila mu bwafya. ¹⁵ Kwati ni nkalamu ilebuluma nangula bere ulebendela, efyaba naba katungulula ababifi pa bantu abalanda. ¹⁶ Katungulula uyo uwabula ukumfwikisha kwine kwine munkalwe kabili kapatikisha; nomba uyo uwapata ubunonshi bwabucenjeshi kuti inshiku shakwe shatantalila. ¹⁷ Nga uuntu nganakwata icisendo ku muntu ica kusunga umulopa, ena akabutuka ukufika ku mfwa. no wakumwafwa ena tapakabe. ¹⁸ Uyo onse uwenda muli bucishinka akasunga uwa mutende, nomba uyo imibele yaba iyapondama akawa ukwabula ukwibukila. ¹⁹ Uyo uubomba mu calo cakwe akakwata ifya kulya ifingi, omba uyo onse uukonkelela ifyacinangwa akakwatisha ukubulwa ukwafula. ²⁰ Umuntu uwa cine akakwata amapalo ayakalamba, nomba uyo uwingila mucuma bwangu takaye mukucushiwa. ²¹ Tacawama ukulanga akapatulula, nomba pantu icipimfya ca mukate umuntu kuti acita icabipa. ²² Umuntu walunkumbwa alangufyanya panuma ya ku kwata icuma, nomba ena taishiba ukweba ati ukubulwa kukesa pali ena. ²³ Uyo onse ufunda umuntu umo, panuma akasanga amapalo ayacilamo ukufuma kuli ea ukucila ukufuma kuli umo uyo uwalulimi ulutasha fye mubumbimunda. ²⁴ Uyo onse uwibila wishi na nyina no kulanda ukwaba ati, ''Ulute lubembu,'' ena ni cibusa kuli umo uyo uonaula. ²⁵ Umuntu uwa cilumba ena emya ulubuli, nomba uyo uwacetekela muli Yahweh akaya pantanshi. ²⁶ Umuntu uyo uutetekela mu mutima wakwe wine alitumpa, nomba uyo onse uwendela mu mano akapokololwa. ²⁷ Uyo uupela ku mupina takabulwe angu cimo, nomba uyo onse uufimba amenso yakwe kuli bena akapokelela intipu ishingi. ²⁸ Ilyo ababifi beema, abantu abene beka balafisama; nomba ilyo bena balooba, na baololoka balafulilako