¹ Wilatakisha pamulandu wa bushiku ubwa mailo, pantu webo tawishibe ifyo ubushiku bwingaleta. ² Leka umuntu umo pamo webo akulumbe te kanwa kobe we mwine weka; umweni te milomo yobe we mwine weka. ³ Languluka ukufina ukwa libwe no kwa musenga--- ukusonsomba ukwa wa bulamo amano kwalifiisha ukucila fyonse fi. ⁴ Kuli ulufyengo ulwa cipyu no bukali bwabo kwati mukuku, nomba uyo uwingaba uwaiminina kuntanshi ya mufimbila? ⁵ ukwebaulwa kusuma ukwa moneka ukusuma ukucila ukutemwa ukwa fisama. ⁶ Ukutemwa cilonda iciletwa ku munobe, nomba ukufyompa fyompa kwa bengi kwaba lwani. ⁷ Umuntu uyo uulile ukwikuta alasula nangu luuto lwa buci, nomba ku muntu uuli ne nsala, ifintu fyonse ifya luula fyalilowa. ⁸ Kwati coni cilya icilulumba ukufuma mu cinsa ca ciko efyaba umuntu uyo uyu uya ukufuma uko ena ekala. ⁹ Amafuta ayanukila no bubani filapanga umutima ukusekelela, nomba ukulowesha ukwa cibusa kulesa ukufuma ku kupandwa amano kwakwe. ¹⁰ Wiesha ukuleka icibusa obe ne cibusa cakwa wiso, na kabili wiya ku ng'anda yakwa munonko pa bushiku ubwa bonaushi bobe. Umwina mupalamano wa mupepi musuma ukucila munonko uyo uwaba ukutali. ¹¹ Ube uwa mano, we mwana wandi umwaume no kulenga umutima wandi ukusekela; nomba Nebo ndino kupela panuma ubwasuko kuli umo uyo nebo uulentumfya. ¹² Uwacenjela amano bwafya no kufisama umwine eka, nomba ababula amano baya po no kucula palya ¹³ Bula icakufwala ca uyo uwabika ukulinda pa mwinshi, no kwikata ico alaya ilyo ena abika ukulinda pa mwanakashi uwafwa, ¹⁴ Uyo onse uupela umwina mupalamano wakwe ipalo kwi shiwi ilya kukwatisha ku macaca lilye palo likapokelelwa ukuba itipu! ¹⁵ Umwanakashi ulandilila aba kwati kubelelela kwa kutonatona pa bushiku ubwa mfula; ¹⁶ Uufisa umwanakshi abakwati afisa umwela, nangula ukwesha ukukwata amafuta mu kuboko kwakwe ukwa kulyo. ¹⁷ Iceela cilanona icela cinankwe; mu musango umo wine, umuntu alanoona cibusa wakwe. ¹⁸ Uyo umo usunga icimuti ca mukunyu akalya ifisabo fya ku mukunyu, na uyo umo usunga shikulu wakwe akapelwa umucinshi. ¹⁹ Fintu ifyo mu menshi impumi ya muntu imoneka, efyo no mutima wa muntu umoneka ku muntu. ²⁰ Fintu efyo imipolo na kukuloba tafibala afikuta, efyo na menso ya muntu tayabala ayekuta. ²¹ Icakwipikilamo caba pali silfere ne cakukafishamo caba pali Golide; no muntu eshiwa ilyo ena alumbaniwa. ²² Nangula nga webo washonaula uwabula amano ku mwinshi---ukulola ku cakupeelelamo-- elyo ena ubuwele wele tekuti bufume pali ena. ²³ Ube uwa cine webo pakwishiba imibele ya mukuni obe no kusakamana pamulandu wa maombe yobe, ²⁴ pantu icuma tecakutwalilila. Ne cibalika teca kubelelela pa nkulo shonse? ²⁵ Webo ufwile waishiba ilyo icani icauma caya no kumena icandakai camoneka, ne nshita ilyo icani ukufuma mu mpili wakolonganikwamo. ²⁶ Abo abana ba mpanga bakafwaya ifya kufwala fyobe, no mbushi shikafwala umutengo wa mabala. ²⁷ Kukaba umukaka wa mbushi pa fya kulya fyobe ----ifya kulya pa bang'anda yobe-----na mukulela pa babomfi bobe aba kashana.