¹ Kwati ni mfula yabuta mu lusuba nangula ni mfula mu kusombola, elo uwatumpa takwata ubucindami. ² Elo ngo luseba mukululumba na kamimbi ilyo kena kalepupuka, efyo ukubuta kwa lutipu lushishila pa ushakwata ³ Ica kuminako ni pali kafwalo cabelapo, no mukobelo nopa mpunda wabelapo ne nkonto yabelapo pa numa shabatumpa. ⁴ Tekwesha ukwasuka uwatumpa umwabela ukutumpa kwakwe, nangula webo kuti waisaba kwati ni ena. ⁵ Asuka uwatumpa no kuba muli ena mukutumpa kwakwe, elo ena takeseba uwa mano mu menso yakwe umwine eka, ⁶ Uyo onse uutuma amashiwi mu minwe ya watumpa alateeta amakasa yakwe umwine no kunwa ukufyengelesha. ⁷ Kwati molu ya walemana fintu yapeepela panshi efyaba ipinda mu kanwa kawatumpa. ⁸ Kwati kukaka kwa mabwe mu kafunda efipelwa ubucindami ku watumpa. ⁹ Kwati myunga iyo ilimukuya mu minwe ya wakolwa efyaba ipinda mu kanwa kawatumpa. ¹⁰ Kwati untu alasa abo bonse abafilonda ukushinguluka ena ni umo uyo uulemba uwatumpa nangula ukulemba uuli onse uuli mukupitafye mu pepi. ¹¹ Elo nge mbwa ibwelela kufyo ilukile iine yeka ifi efyo uwatumpa uyo uubwekeshapo ukutumpa kwakwe. ¹² Bushe webo walimonapo umo uyo uwaba uwa mano mu menso yakwe umwine eka? kwaliba nacimbi icilolelo pa watumpa ukucila pali ena. ¹³ Umuntu umunang'ani alanda ati, ''kulya kuli inkalamu pa nshila! kulya kuli inkalamu pakati ka ncende pambilibili!'' ¹⁴ Elo nge ciibi cibweela pa mainceshi yaciko, efyo no muntu umunang'ani pa cakusendamapo cakwe. ¹⁵ Umuntu umunang'ani alabika iminwe yakwe mu nsaani na kabili ena takwete amaka aya kwimya pamulu pa kanwa kakwe. ¹⁶ Umuntu umunang'ani aba uwa mano mu menso yakwe umwine eka ukucila abaume cine lubali abo abasuka kubupingushi busuma. ¹⁷ Kwati ni umo uyo uubula no kwikata ku matwi ya mbwa ni uyo uuiposa mulubuli ulo ulushi lwakwe umwine. ¹⁸ Kwati muntu uwapeena uyo uuposa ifikokofya mulilo, imifwi, ne mfwa ¹⁹ ni umo uyo ubepa umwina mupalamano wakwe no kulanda ati, ''Nebo nshali mukukweba fye ifya misamwe?'' ²⁰ Pamulandu wa kubulwa inkuni, umulilo ulaya ulashima; no kulya ukushili uwakapwepwe, ulubuli talubapo. ²¹ Elo nga mafito pakubilima kwa misolilo ne nkuni pa mulilo, efyaba umuntu uwa fikasa pa kusongelesha ulubuli. ²² Amashiwi ya mukapwepwe yaba kwati misasulo; yena ilakokela pesamba mufiputulwa fya mu mubili. ²³ Kwati ni silfere uwapaminwa pali ba munyela be bumba, efyo cili nge milomo iyoca no mutima ubifi. ²⁴ Umo uyo uupata umubiye alailufyanya umyumfwkile yakwe ku milomo yakwe ena alabika ukupililika kwakwe mukati eka mwine mumfwa, ²⁵ Ena akalanda amashiwi ya luse, nomba ena mwikamumfwa, pantu kulya kuli ifya muselu cinelubali mu mutima wakwe. ²⁶ Nangula ulupato lwakwe kuti afimbapo ku bucenjeshi, ububi bwakwe bukasokoloka mu cilonganino. ²⁷ Uyo onse uwimba icilindi akawila mulya mwine na mabwe yakabwelela pali uyo ena uuyasunga. ²⁸ Ulullimi ulwa bufi ulupata abantu lukashonaulwa na kanwa katasha muli bubumbi munda kaleta icibolya.